வளர்பிறை

2012-02-23T07:28:00.005+11:00

வாளமீனுக்கும் விலாங்கு மீனுக்கும் கல்யாணம் என்ற பாடலில் நடித்த நடிகர் முத்துராஜா மரணம் !!!!!!!!!

பிரபல காமெடி நடிகர் முத்துராஜா. இவரை வாளமீன் முத்து ராஜா என்று அழைப்பது உண்டு. வாளமீனுக்கும் விலாங்கு மீனுக்கும் கல்யாணம் என்ற பாடலில் முத்துராஜா நடித்து இருந்தார். இதில் உலகநாதன் பாடும்போது முழுக்க அவருக்கு மைக் பிடித்தபடி நடித்தார்.மேலும் வெளுத்துக்கட்டு, வேங்கை, கொஞ்சம் வெயில் கொஞ்சம் மழை, மருதவேலு, உள்பட 50க்கும் மேற்பட்ட படங்களில் நடித்துள்ளார். முத்துராஜாவுக்கு கடந்த மாதம் 30ந் தேதி திருமணம் நடந்தது. மனைவியுடன் சொந்த ஊரான தேனி கே.கே. பட்டியில் தங்கி இருந்தார். இரு தினங்களுக்கு முன் வீட்டு மாடியில் இருந்த தண்ணீர் தொட்டியை சுத்தம் செய்து கொண்டு இருந்தார்.அப்போது மாடியில் இருந்து கீழே தவறி விழுந்தார். தலையில் பலத்த அடிபட்டு கோமா நிலைக்கு சென்றார். உடனடியாக அவரை மதுரை அரசு ஆஸ்பத்திரியில் சேர்த்தனர். அங்கு டாக்டர்கள் தீவிரசிகிச்சை அளித்தும் பலன் இன்றி 21.02.2012 இரவு மரணம் அடைந்தார்

2012-02-22T17:17:00.000+11:00

மீனவர்களுக்கு மட்டுமே நிவாரணம் வழங்கினால் ஏனைய துறைகளை சேர்ந்தோர் இந்நாட்டு பிரஜைகள் இல்லையா!!!!!!!ரணில் விக்கிரமசிங்க

எரிபொருட்களின் விலையேற்றத்தினால் முழு நாட்டு மக்களும் பாதிக்கப்பட்டுள்ளனர். மீனவர்களுக்கு மட்டுமே நிவாரணம் வழங்கினால் ஏனைய துறைகளை சேர்ந்தோர் இந்நாட்டு பிரஜைகள் இல்லையா என்று வினவிய ஐ.தே.க. தலைவரும் எதிர்க்கட்சித் தலைவருமான ரணில் விக்கிரமசிங்க எரிபொருட்களின் விலைகளை குறைக்கவும் இன்றேல் அரச மற்றும் தனியார் துறையினரின் சம்பளத்தை அதிகரிக்கவும் என்று அரசாங்கத்திடம் கோரி நின்றார்.

உலக சந்தையின் பிளக்கை கழற்றுவதாக கூறிய அரசாங்கம் முழு நாட்டையுமே விழுங்கி கொண்டிருக்கின்றது. தனக்கு முன்னதாக நாட்டை பற்றி சிந்திக்க வேண்டும் என்றும் அவர் கோரி நின்றார்.பாராளுமன்றத்தில் நேற்று செவ்வாய்க்கிழமை விசேட கூற்றெõன்றை விடுத்து உரையாற்றும்போதே அவர் மேற்கண்டவாறு தெரிவித்தார்.

அவர் அங்கு தொடர்ந்து உரையாற்றுகையில்,

ஊழல் மோசடி மட்டுமின்றி பொருளாதாரத்தை நிர்வகிக்காமையினால் உலக சந்தையில் எரிபொருட்களின் விலைகள் அதிகரிக்கப்படாத வேளையிலும் எரிபொருட்களின் விலைகளை அதிகரிக்க வேண்டிய நிலைமை இங்கு ஏற்பட்டது. இதனால் மீனவர்கள், பயணிகள், தனியார் துறை வாகன சொந்தக்காரர்கள் பெரும் நெருக்கடிகளுக்கு முகம் கொடுத்து கொண்டிருக்கின்றனர். மின்சாரம், போக்குவரத்து மட்டுமின்றி ஏனைய பொருட்களின் விலைகளும் அதிகரித்துள்ளன. இதனால் மக்கள் வாழ முடியாத நிலை ஏற்பட்டுள்ளது.

வேலை செய்யும் மக்களின் சொத்தான ஊழியர் சேமலாப நிதி மற்றும் ஊழியர் நம்பிக்கை நிதியம் நாசாக்கப்பட்டு கொண்டிருக்கின்றது. பொருளாதாரம் சரிந்து விட்டது. வாழ முடியாத நிலையில் இருக்கின்ற மக்களை தாச்சியிலிருந்து அடுப்பிற்குள் இழுத்து வீசிய நிலைமையே இன்று ஏற்பட்டுள்ளது. உலக சந்தையில் எரிபொருட்களின் விலைகள் அதிகரிக்கும் போது அதிகரிக்கும் வகையிலும் குறையும்போது உள்நாட்டிலும் விலைகள் குறையும் வகையில் ஐ.தே.க. வின் ஆட்சியில் சூத்திரம் பயன்படுத்தப்பட்டது. எனினும் இன்று விலைகளை அதிகரிப்பதற்கு மட்டுமே "சூத்திரம்' பயன்படுத்தப்படுகின்றது. ஹெஜிங் ஒப்பந்தத்தினால் விலையை குறைக்க முடியாது என்று அரசாங்கம் பதிலளிக்கின்றது.

உலக சந்தையின் பிளக்கை கழற்றுவதாக கூறிய அரசாங்கம் பெற்றோலிய கூட்டுத்தாபனத்தையும் மக்களையும் விழுங்கி கொண்டிருக்கின்றது. அரசாங்கம் நிவாரணத்தில் மறைந்து கொண்டு பிரச்சினையை தட்டிக் கழிப்பதற்கு முயற்சிக்கின்றது. அரசாங்கம் கூறுவதை போல நிவாரணம் வழங்குவது செயற்பாட்டிற்கு ஒத்துவராது. முச்சக்கர வண்டிகளுக்கு வழங்குவதாக கூறிய நிவாரணத்திற்கு என்ன நடந்துள்ளது. எப்படியாவது மீனவர்களுக்கு நிவாரணம வழங்கப்பட்டு விட்டதாக எடுத்துக் கொண்டால் விவசாயிகள், பயணிகள், அரச ஊழியர்கள், தனியார் வாகன உரிமையாளர்கள் உள்ளிட்ட பிரிவினருக்கு நிவாரணம் இல்லையா? அவர்கள் இந்த நாட்டின் பிரஜைகள் இல்லையா?

அரசாங்கத்தின் ஊழல் மோசடி வீண் செலவுகளின் பாரத்தை மக்களின் மீது சுமத்துவதற்கே அரசாங்கம் எரிபொருட்களின் விலைகளை அதிகரித்துள்ளது. எரிபொருட்களை மட்டுமின்றி மின்சார கட்டணத்தையும் அதிகரித்தது. இதற்கு எதிராக மக்கள் நடத்திய எதிர்ப்பு ஆர்ப்பாட்டத்தின் மீது தாக்குதல்களை நடத்தியது. அப்பாவி மக்களை கொன்றொழித்தது. மக்கள் வாழ முடியாது திண்டாடுகின்றனர். மக்களை காப்பாற்ற வேண்டுமாயின் எரிபொருட்களின் விலைகளை குறைக்க வேண்டும் இன்றேல் அரச மற்றும் தனியார் துறையினரின் சம்பளத்தை அதிகரிக்க வேண்டும் என்றும் கோரி நின்றார்.

2012-02-22T17:10:00.000+11:00

பெற்றோலிய விலையேற்றத்தினையடுத்து அரிசி விலையும் உயர்த்தப்படக் கூடிய அபாயம்!!!!!!!

இலங்கையின் ரூபாவில் ஏற்பட்ட வீழ்ச்சி பெற்றோலிய விலையில் 49 சதவீத அதிகரிப்பை ஏற்படுத்தியுள்ளது. இதனால் இலங்கையில் பாரிய போராட்டங்கள் ஏற்பட்டுள்ளதாகவும் தேயிலை ஏற்றுமதியில் ஏற்பட்டுள்ள தடையும் இலங்கையில் இரு தரப்புத் தாக்கத்தை ஏற்படுத்தியுள்ளதாக அல்ஜசீரா தொலைக்காட்சியின் ஆய்வில் தெரிவிக்கப்பட்டுள்ளது. பெற்றோலிய விலையேற்றத்தினையடுத்து அரிசி விலையும் உயர்த்தப்படக் கூடிய அபாயம் காணப்படுவதாகத் தெரிவிக்கப்படுகிறது. கிலோ ஒன்றுக்கு நான்கு ரூபா வீதம் அரிசியின் விலை உயர்த்தப்படலாம் என எதிர்பார்க்கப்படுகிறது. அரிசி விலை உயர்த்துவதனைத் தவிர வேறு வழியில்லை என அரிசி உற்பத்தியாளர்களும் அரிசி ஆலை உரிமையாளர்களும் தெரிவித்துள்ளனர்.அரிசிக்குக் கட்டுப்பாட்டு விலை நிர்ணயிக்கப்பட்டால் உற்பத்தியை வரையறுக்க நேரிடும் எனக் குறிப்பிட்டுள்ளனர். இதேவேளை அரிசி ஆலை உரிமையாளர்களின் விருப்பத்திற்கு ஏற்ற வகையில் விலையை அதிகரிக்க அனுமதிக்க முடியாது என நுகர்வோர் விவகார அமைச்சு அறிவித்துள்ளது

2012-02-21T21:09:00.006+11:00

எமக்கு வழங்க வேண்டிய உரிமையைப் பறிக்கும் நாடு நகர திருத்த சட்டமூலத்தை முற்றாக எதிர்ப்போம - கிழக்கு மாகாண சபை உறுப்பினர் துரைரெட்ணம் (பத்மநாபா ஈபிஆர்எல்எவ்)

சிறுபான்மையினரை பிரதிநிதித்துவப்படுத்தும் ஒரேயொரு கிழக்கு மாகாண சபையில் எமக்கு வழங்க வேண்டிய அதிகாரங்களை பறிக்கப் போகின்ற நாடு நகர திட்டமிடல் திருத்த சட்டமூலத்தை நிராகரியுங்கள் என கிழக்கு மாகாண சபை உறுப்பினர் இரா.துரைரெத்தினம் வேண்டுகோள் விடுத்துள்ளார். நாடு நகர திட்டமிடல் திருத்தச் சட்ட மூலம் குறித்த ஒத்திவைக்கப்பட்ட விவாதம் எதிர்வரும் 28 ஆம் திகதி நடைபெறவுள்ளமை குறித்து அவர் வெளியிட்டுள்ள அறிக்கையிலேயே இதனைத் தெரிவித்துள்ளார். அவர் வெளியிட்டுள்ள அந்த அறிக்கையில் தெரிவிக்கப்பட்டுள்ளதாவது; 13 ஆவது திருத்தச் சட்டமூடாக, மாகாண சபைக்கு வழங்கப்பட்ட வழங்க வேண்டிய அதிகாரங்களையும் ஏனைய அதிகாரங்களையும் மத்திய அரசின் புத்தசாசன அமைச்சின் கீழ் கொண்டு வருவதற்கும் கையகப்படுத்துவதற்குமாக 31012012 அன்று செவ்வாய்க்கிழமை நாடு நகரத் திட்டமிடற் கட்டளைச் சட்டத்தைத் திருத்துவதற்கான தொரு சட்ட மூலத்தை புத்தசாசன மற்றும் மத அலுவல்கள் அமைச்சு கிழக்கு மாகாண ஆளுநர் ஊடாக கிழக்கு மாகாண சபையின் அங்கீகாரத்தை பெறுவதற்கு சமர்ப்பித்துள்ளது.

இதனைக் கட்சித் தலைவர்களின் கூட்டத்தில் சபைமுதல்வர் முன்வைத்த போது இது தொடர்பாக தெளிவின்மையாலும், நேரம் போதாததாலும் ஒத்திவைக்குமாறு கோரப்பட்டது. இம் முடிவை சபைமுதல்வர் ஆளுநருக்கு அறிவிக்க மீண்டும் சபையில் சமர்பிக்குமாறு சபை முதல்வரை ஆளுநர் பணித்ததின் பேரில் 1322012 இல் சபைக்கு சமர்ப்பிக்கவுள்ளதாக அறிவித்தார்.இது தொடர்பாக கிழக்கு மாகாண சபையின் நியதிகள் சட்டக் குழு மட்டக்களப்பிலும் திருகோணமலையிலும் பல தடவைகள் சபை முதல்வர் தலைமையில் கலந்துரையாடல்கள் நடத்தியது. இவ் வேளையில் இச்சட்டமூலத்தை திருத்தத்துடன் ஆதரிப்பதாக ஆளும் தரப்பினரும் இச் சட்டமூலத்தை நிராகரிப்பதோடு எதிர்ப்பதாக எதிர்கட்சியினரும் தெரிவித்தனர்.

மீண்டும் கடந்த 13 ஆம் திகதி கிழக்கு மாகாண சபையில் இது தொடர்பான விசேட அமர்வு நடந்தது. முதலமைச்சாரல் திருத்துவதற்கான பிரேரணை முன்வைக்கப்பட்டு அமைச்சர் உதுமாலெவ்வையினால் வழிமொழியப்பட்டு சபை ஒத்திவைக்கப்பட்டு மீண்டும் சபைமுதல்வர் தலைமையில் கலந்துரையாடல் நடத்தப்பட்டு இதிலும் இரண்டு விதமான கருத்துக்கள் முன்வைக்கப்பட்டு எதிர்க் கட்சியினராகிய நாங்கள் இதை நிராகரிப்பதாகவும் எதிர்ப்பாதாகவும் கூறி கலந்துரையாடலை தவிர்த்துக் கொண்டோம்.மீண்டும் 13 ஆம் திகதி சபை கூடியது அமைச்சர் உதுமாலெவ்வை திருத்தப் பிரேரணை தொடர்பாக விவாதத்தை ஆதரித்துப் பேசினார். இச் சந்தர்ப்பத்தில் எதிர்க்கட்சியினராகிய ஐக்கிய தேசியக் கட்சி, முஸ்லீம் காங்கிரஸ் , ஈ.பி.ஆர்.எல்.எவ். , ஜே.வி.பி. உறுப்பினர்களாகிய நாங்கள் திருத்தப் பிரேரணை சட்டத்திற்கு முரணாக முன்வைக்கப்படுவதாலும் சரியான முறையாக இச் சபைக் கூட்டம் கூட்டப்படவில்லை எனவும் இதற்கான விளக்கத்தை சபை முதல்வர் தரவேண்டும் எனவும் கேள்வி எழுப்பினோம்.

பதிலளிக்க தவறியதால் எழுந்து நின்று எங்களது ஆட்சேபனையை தெரிவித்தோம். இவ் வேளையில் ஆளும் தரப்பினர் அனைவரும் எழுந்து நின்று சட்டத் திருத்தத்தை ஆதரித்து பேசிக் கொண்டிருந்தனர். எதிர்க் கட்சியினரோ தொடர்ந்தும் தவறான முறையில் இச் சபையை சபை முதல்வர் கூட்டமுடியாதெனத் தெரிவித்தோம்.இதன் காரணமாக சபையில் ஆக்ரோசமான வாக்குவாதம் நடைபெற்றது. இரு பகுதியினரும் மாறிமாறி கருத்துக்களை தெரிவித்துக் கொண்டே இருந்தனர். எமது நியாயங்களை நாம் உறுதியாக முன்வைத்தோம். சபையை நடத்த உறுப்பினர்கள் ஒத்துழைக்காததால் சபை ஒத்திவைக்கப்பட்டு மீண்டும் சபை முதல்வர் சபையை கூட்டி சபைக் கூட்டத்தை எதிர்வரும் 28 ஆம் திகதி வரை ஒத்திவைத்தார்.கிழக்கு மாகாண சபைக்கு வழங்கப்பட்ட, வழங்கப்பட வேண்டிய அதிகாரங்களை புத்தசாசன அமைச்சு கபளீகரம் செய்வதற்கு கிழக்கு மாகாண சபை சிறுபான்மை கட்சிகள் துணைபோக மாட்டார்கள் என நம்பினோம். இது வேறு வடிவத்தில் மீண்டும் விஸ்வரூபம் எடுத்துள்ளது. எமக்குரிய அதிகாரங்களை நாமேதிருத்தி மத்திய அரசுக்கு தாரை வார்க்கும் வேலையை ஏற்றுக் கொள்ள முடியாது. மத்திய அரசை திருப்த்திப்படுத்துவதற்கு ஆளும் தரப்பிலுள்ள சிறுபான்மை கட்சிகளுக்கு இது தருணமல்ல.

அதிகாரப் பரவலாக்கல் தொடர்பாக வெளிநாடுகள் ஆர்வத்துடன் இருக்கும் போதும் பேச்சுவார்த்தை நடைபெறுகையிலும் ஐக்கிய நாடுகள் சபை இலங்கை இனப் பிரச்சினை தொடர்பாக விளிப்படைந்த நிலையில் நாம் அனைவரும் ஒன்று சேர்ந்து உரிமையை பெறுவதா அல்லது கபளீகரத்துக்கு துணைபோவதா? திருத்தம் ஊடாக புத்தசாசன அமைச்சுக்கு எமது அதிகாரத்தை வழங்க உங்களுக்கு எந்த மக்களும் வாக்களிக்கவில்லை. இதை மறுக்க முடியாவிட்டால் இதிலிருந்து ஒதுங்குங்கள்!இழப்பில் உருவாக்கப்பட்ட மாகாண சபை அதிகாரங்களை ஒரு சிலர் சுயநலத்துக்காக அழிக்க முடியாது. இந் நாட்டில் உள்ள சிறுபான்மை இனத்தைப் பிரதிநிதித்துவம் செய்யும் ஒரேயொரு மாகாண சபை கிழக்கு மாகாண சபை என்பதை மறந்துவிடக் கூடாது. இச் சபையில் தான் எமது ஆளுகைகள் இருக்க வேண்டும். எனவே எதிர்வரும் 28 ஆம் திகதி மீண்டும் சபையில் முன்வைக்கப்படவிருக்கும் இச் சட்ட மூலத்தை உறுதியாக நிராகரிக்குமாறும் கேட்டுள்ளார்.

2012-02-21T20:10:00.000+11:00

இலங்கை அரசாங்கத்தின் குற்றச்சாட்டுகளை ஏற்றுக்கொள்ள முடியாது என மனித உரிமை கண்காணிப்பகம் தெரிவித்துள்ளது!!!!!!!

யுத்தக் குற்றச்செயல்கள் தொடர்பில் விசாரணை நடத்தும் நோக்கில் ஐந்து நீதவான்கள் கொண்ட இராணுவ நீதிமன்றம் ஒன்றை இராணுவத்தினர் அமைத்துள்ளனர்.இந்த இராணுவ நீதிமன்றத்தின் விசாரணைகள் தொடர்பில் மனித உரிமை கண்காணிப்பகம் அண்மையில் கருத்து வெளியிட்டிருந்தது. சர்வதேச சமூகத்தை திசை திருப்பும் நோக்கில் இந்த இராணுவ நீதிமன்றம் உருவாக்கப்பட்டதாக மனித உரிமை கண்காணிப்பகம் குற்றம் சுமத்தியிருந்தது. சர்தேச அழுத்தங்களிலிருந்து மீள்வதற்காக காலத்தை கடத்தும் வகையில் அரசாங்கம் இந்த இராணுவ நீதிமன்றத்தை உருவாக்கியுள்ளது என தெரிவித்திருந்தது. எனினும், மனித உரிமை கண்காணிப்பகம் தமிழீழ விடுதலைப் புலிகளின் பிரசார ஊடகமாக செயற்பட்டு வருவதாக இலங்கை அரசாங்கம் குற்றம் சுமத்தியிருந்தது. ஜெனீவாவில் நடைபெறவுள்ள மனித உரிமைப் பேரவை அமர்வுகளுக்கு முன்னதாக புலிகளின் சார்பில் மனித உரிமை கண்காணிப்பகம் இவ்வாறு குற்றம் சுமத்துவதாக அரசாங்கம் சுட்டிக்காட்டியிருந்தது.இலங்கை அரசாங்கத்தின் ஆணைக்குழுக்களினால் பாதிக்கப்பட்டவர்களுக்கு இதுவரையில் எவ்வித நியாயமும் கிடைக்கப் பெறவில்லை என மனித உரிமை கண்காணிப்பகத்தின் ஆசிய பிராந்திய பணிப்பாளர் பிரட் அடம்ஸ் தெரிவித்துள்ளார்.

சில ஆண்டுகளுக்கு முன்னர், தமிழீழ விடுதலைப்புலிகளினால் மேற்கொள்ளப்பட்ட குற்றச் செயல்கள் தொடர்பில் மனித உரிமை கண்காணிப்பகம் அம்பலப்படுத்திய போது இலங்கை அரசாங்கம் அதனை பாராட்டி வரவேற்றதாக அவர் சுட்டிக்காட்டியுள்ளார். தமிழீழ விடுதலைப் புலிகள் மற்றும் இலங்கை அரசாங்கப்படையினரால் இறுதிக்கட்ட யுத்தத்தின்போது மேற்கொள்ளப்பட்டதாக சுமத்தப்படும் பாரிய மனித உரிமை மீறல்கள் தொடர்பில் சுயாதீனமான சர்வதேச விசாரணை நடத்தப்பட வேண்டுமென்ற கோரிக்கையை துரதிஷ்டவசமாக அரசாங்கத்தின் சில அதிகாரிகள் புலிப்பிரசாரமாக கருதுவதாக பிரட் அடம்ஸ் வருத்தம் வெளியிட்டுள்ளார். யுத்தத்தின் போது கடமையாற்றிய சக அதிகாரிகளை நீதவான்களாக நியமித்து நடத்தப்படும் விசாரணைகளில் நியாயம் கிட்டுமா என்பது சந்தேகமே என அவர் தெரிவித்துள்ளார்

2012-02-21T17:05:00.000+11:00

முல்லைத்தீவு மாவட்டத்தின் புதுக்குடியிருப்பு மற்றும் கரைத்துறைப்பற்று பிரதேச சபைகளுக்கான தபால்மூல வாக்களிப்பு !!!!!!

எதிர்வரும் 15 ஆம், 16 ஆம் திகதிகளில் இடம்பெறவுள்ளதாக தேர்தல்கள் செயலகம் தெரிவிக்கின்றது.தபால்மூல வாக்களிப்பிற்கு 339 அரச ஊழியர்கள் தகுதிபெற்றுள்ளதாக வன்னி மாவட்ட பிரதித் தேர்தல்கள் ஆணையாளர் நாயகம் எஸ்.சுதாகரன் குறிப்பிட்டார்.இதற்கான தபால் வாக்களிப்பு அட்டைகள் எதிர்வரும் ஐந்தாம் திகதி தபால் திணைக்களத்திடம் ஒப்படைக்கப்படவுள்ளதாக அவர் தெரிவித்தார்.அத்துடன் குறித்த பிரதேசசபைகளுக்கு உட்பட்ட பதிவுசெய்யப்பட்டுள்ள வாக்காளர்களுக்கு உத்தியோகபூர்வ வாக்காளர் அட்டைகள் தபாலில் விநியோகிக்கப்படவுள்ளது.எதிர்வரும் ஐந்தாம் திகதி முதல் 17 ஆம் திகதிவரையில் உத்தியோகபூர்வ வாக்காளர் அட்டைகள் பகிர்ந்தளிக்கப்படவுள்ளதாக மாவட்ட பிரதித் தேர்தல்கள் ஆணையாளர் நாயகம் சுட்டிக்காட்டினார்.2010 ஆம் ஆண்டுக்கான பெயர்ப்பட்டியலுக்கு அமைய புதுக்குடியிருப்பு மற்றும் கரைத்துறைப்பற்று பிரதேச சபைகளுக்கான வாக்காளர் தெரிவுசெய்யப்பட்டுள்ளனர்.எதிர்வரும் 24 ஆம் திகதி நடைபெறவுள்ள தேர்தலில் வாக்களிப்பதற்கு 44,000 வாக்காளர்கள் தகுதிபெற்றுள்ளதாக வன்னி மாவட்ட பிரதித் தேர்தல்கள் ஆணையாளர் நாயகம் எஸ்.சுதாகரன் மேலும் குறிப்பிட்டுள்ளார்.

2012-02-21T17:00:00.001+11:00

கடத்தப்பட்ட மாணவி தேயிலை மலையில் கைகால்கள் கட்டப்பட்ட நிலையில் மீட்பு!!!!!!

பொகவந்தலாவை ஹொலிரொசரி கல்லூரியில் தரம் 9 இல் கல்வி கற்கும் மாணவி ஒருவர் இன்று காலை 7.30 மணியளவில் ஆட்டோ ஒன்றில் வந்த இனந்தெரியாத நபர்களினால் கடத்தப்பட்டு அருகில் உள்ள தேயிலை மலையில் கை கால்கள் கட்டப்பட்ட நிலையில் மீட்கப்பட்ட சம்பவம் ஒன்று இடம்பெற்றுள்ளது. இச்சம்பவம் தொடர்பில் மேலும் தெரிய வருவதாவது,பொகவந்தலாவை செப்பல்டன் தோட்டத்தைச்சேர்ந்த மேற்படி மாணவி இன்று வழமை போல கல்லூரிக்கு வந்துள்ளார். இதன் போது குறித்த மாணவி வரும் வழியில் ஆட்டோ ஒன்றில் வந்த ஒரு சிலர் இவரை வழிமறித்து ஆட்டோவில் கடத்திச்சென்றுள்ளனர். சிறிது நேரத்தின் பின்னர் செப்பல்டன் தேயிலை தோட்டத்தின் வழியே வந்த தோட்டத்தொழிலாளி ஒருவர் பாடசாலை சீருடையுடன் மாணவி ஒருவர் கை கால்கள்கட்டப்பட்ட நிலையில் தேயிலை செடிகளுக்கு மத்தியில் இருப்பதை கண்டு தகவல் கொடுத்துள்ளார். இதன் பின்னர் கல்லூரி மூலம் பொகவந்தலாவை பொலிஸாருக்கு அறிவிக்கப்பட்ட சம்பவ இடத்திற்கு வந்த பொலிஸார் மாணவியை மீட்டு சென்றுள்ளனர். மாணவி மயக்க நிலையில் இருந்ததாக குறிப்பிடும் ஆசிரியர் ஒருவர் கடத்தி சென்றவர்கள் தொடர்பில் எவ்வித தகவல்களையும் மாணவியிடமிருந்து பெற முடியாதுள்ளதாக தெரிவித்தார்.

2012-02-21T16:56:00.000+11:00

அதிவேக நெடுஞ்சாலைப் பொதுப் போக்குவரத்து பஸ் சேவைக் கட்டணங்கள் கடந்த செவ்வாய்க்கிழமை முதல் அதிகரிக்கப்பு!!!!!!

ஆணைக்குழுவின் அறிக்கையின் பிரகாரம் இப்பாதையினூடாக பொதுப் போக்குவரத்து பஸ் பயணக் கட்டணமானது 70 ரூபாவினால் அதிகரிக்கப்பட்டுள்ளது. இதன் நிமித்தம் 400 ரூபா பயணக் கட்டணமானது 470 ரூபாவாக அதிகரித்துள்ளது.17 வீத இக்கட்டண அதிகரிப்பானது தனியார் மற்றும் இ.போ.ச. பஸ்களுக்குரியது. தெற்கு அதிவேக நெடுஞ்சாலைப் பயணமானது காலி முதல் மகரகமை வரை இடம்பெறுகின்றது.தற்போது இந் நெடுஞ்சாலையினூடாக 8 இ.போ.சபைக்குச் சொந்தமான பஸ்களும் 4 தனியார் பஸ்களும் சேவையில் ஈடுபட்டுள்ளன. இதேவேளை தெற்கு அதிவேக நெடுஞ்சாலையினூடாக மேற்கொள்ளப்படும் போக்குவரத்தினூடாக கடந்த 2 மாதங்களில் 180 மில்லியன் ரூபா வருமானமாகக் கிடைத்துள்ளதாக பிரதி நெடுஞ்சாலைகள் அமைச்சர் நிர்மல கொத்தலாவல குறிப்பிட்டுள்ளமை குறிப்பிடத்தக்கதாகும்

2012-02-20T23:36:00.000+11:00

வட-கிழக்கு தமிழ் மாவட்ட தமிழ் மக்கள் தம்மை வளைத்து போடுவதற்காக தம்மை நோக்கி நீட்டப்படும் சலுகைக் கரங்களை நிராகரிக்கின்றார்கள்!!!!!!!ஜனநாயக மக்கள் முன்னணித் தலைவர் மனோ கணேசன்

அதேவேளை தமிழ் தேசிய அரசியல் அபிலாஷைகளையும், அன்றாட வாழ்வாதார தேவைகளையும் பெற்றுக்கொள்வதற்கு தமக்குள்ள உரிமைகள் தொடர்பில் தெளிவு கொண்டவர்களாகக் காணப்படுகிறார்கள். இதன் காரணமாக, தமது உரிமைகளுக்கான சாத்வீக ஜனநாயக போராட்டங்களை முன்னெடுக்க வடபகுதி தமிழ் மக்கள் இன்று தயார்நிலையில் இருக்கின்றார்கள். இத்தனை அழிவுகளுக்கு பின்னரும் இதற்கான மனோதிடம் எனது வடபகுதி உடன் பிறப்புகளிடம் நிலைகொண்டிருப்பது என்னை வசீகரிக்கின்றது என ஜனநாயக மக்கள் முன்னணித் தலைவர் மனோ கணேசன் தெரிவித்தார்.

இது தொடர்பில் ஜனநாயக மக்கள் முன்னணியின் ஊடக செயலகம் விடுத்துள்ள செய்தியறிக்கையில் தெரிவிக்கப்பட்டுள்ளதாவது,வடமாகாண சமூக பற்றாளர்களின் அழைப்பை ஏற்று வடபகுதிக்கு இரண்டு நாள் விஜயத்தை மேற்கொண்ட மனோ கணேசன், சனிக்கிழமை இரவு தமிழ் சிவில் சமூக பிரதிநிதிகளை சந்தித்து சமகால அரசியல் விவாகாரங்கள் தொடர்பில் கலந்துரையாடினார்.புன்னாலைக்கட்டுவன் கிராமிய உழைப்பாளர்கள் சங்கம், காங்கேசன்துறை கடலோர மாதகல் மீனவர் சங்கம் ஆகிய அமைப்புகளின் பிரதிநிதிகளிடம் எரிபொருள் விலையேற்றம் உள்ளிட்ட வாழ்வாதார பிரச்சினைகள் தொடர்பில் கேட்டறிந்துகொண்டார். அத்துடன் தமிழ் தேசியக் கூட்டமைப்பின் யாழ் மாவட்டப் பாராளுமன்ற உறுப்பினர் ஸ்ரீதரனை அவரது கிளிநொச்சி அலுவலகத்திலும், கஜேந்திரகுமார் பொன்னம்பலம் உள்ளிட்ட தமிழ் தேசிய மக்கள் முன்னணி முக்கியஸ்தர்களை அக்கட்சியின் யாழ் .அலுவலகத்திலும் சந்தித்து உரையாடியுள்ளார்.

மேலும் ஞாயிற்றுக்கிழமை திருநெல்வேலியில் நடைபெற்ற இரண்டு வெவ்வேறு சந்திப்புகளில் பேராசிரியர் சிற்றம்பலம், கவிஞர் நிலாந்தன் ஆகியோரை மனோ கணேசன் சந்தித்தார். பேராசிரியரிடம் தமிழ் சிவில் சமூகத்தின் அமைப்பு தொடர்பிலான விவகாரங்களை மனோ கணேசன் கேட்டறிந்து கொண்டார் . வடபகுதிக்கான தனது இரண்டு நாள் பயணத்தை முடித்துக்கொண்டு இன்று அதிகாலை கொழும்பு திரும்பிய மனோ கணேசன் ஊடகங்களுக்கு கூறியதாவது, சலுகைகளைக் காட்டி தமிழர்களை வளைக்க நினைக்கும் அரசாங்கத்தின் நோக்கங்கள் தொடர்பில் வடபகுதி தமிழ் மக்கள் தெளிவாக இருக்கின்றார்கள். அத்துடன் தேசிய அரசியல் அபிலாஷைகளையும், வாழ்வாதார தேவைகளையும் பெற்றுக்கொள்ள இந்நாட்டு குடிமக்கள் என்ற முறையில் தமக்குள்ள உரிமைகள் தொடர்பிலும் அவர்களிடம் தெளிவு காணப்படுகின்றது.

இந்தத் தெளிவும், மனோதிடமும் அவர்களை சாத்வீக ஜனநாயக உரிமை போராட்டங்களுக்கான தயார்நிலையில் வைத்துள்ளது. தேசிய ஜனநாயக வழித்தடத்தில் தமது தலைமைகள் தம்மை வழி நடத்தவேண்டும் எனவும், அதற்கான கட்டமைப்பை தமிழ் தேசியத் தலைமைகள் உருவாக்க வேண்டும் எனவும் வடபகுதி தமிழ் மக்கள் இன்று எதிர்பார்க்கிறார்கள்.தென்னிலங்கையில் கடந்த வாரம் பொது எதிர்க்கட்சிகள் ஆரம்பித்துள்ள மக்களின் வாழ்வாதார உரிமைப் போராட்டங்கள் வடபகுதி மக்களை பெரிதும் கவந்துள்ளன. இதற்கு சமாந்தரமான ஜனநாயக போராட்டங்கள் வட-கிழக்கிலும் முன்னெடுக்கப்பட வேண்டும் என்பது வட பகுதி சமூக முன்னோடிகளின் எதிர்பார்ப்பாக இருக்கின்றது.வாழ்வாதார பிரச்சினைகளுடன் நின்று விடாமல், தமிழ் பிரதேச போராட்டங்கள் தேசிய அரசியல் அபிலாஷைகள் தொடர்பிலான நோக்கங்களைக் கொண்டதாக இருக்க வேண்டும் என்பது ஏகோபித்த கருத்தாக முன்வைக்கப்பட்டது.வட-கிழக்கு தமிழ் சிவில் சமூக அமைப்பிற்கு ஒத்ததான ஒரு தேர்தல் அரசியல் நோக்கங்கள் அற்ற மலையக சிவில் சமூக அமைப்பு ஒன்றின் தேவை பற்றியும், அதன் உருவாக்கத்திற்கு வட-கிழக்கு தமிழ் சிவில் சமூகம் முழுமையான ஒத்துழைப்பு தர தயாராக இருப்பது தொடர்பிலும் கருத்துக்கள் முன் வைக்கப்பட்டன.வடக்கு, கிழக்கு சமூக பற்றாளர்களின் அழைப்புகளை ஏற்று விரைவில் வன்னி மற்றும் கிழக்கு மாகாண மாவட்டங்களுக்கும் நான் பயணம் செய்ய உள்ளேன்.

2012-02-20T07:22:00.003+11:00

கிளிநொச்சியில் தமிழ் கூட்டமைப்பின் ஏற்பாட்டில் நடைபெற்ற "ஜனநாயக அடிப்படையில் அரசியல், சமூக உரிமைகளை வென்றெடுப்பதற்கான" விழிப்புணர்வு கருத்தரங்கு!!!!!!!!!

தமிழ் தேசியக் கூட்டமைப்பின் ஏற்பாட்டில் கிளிநொச்சி நகரில் இன்று நடத்தப்பட்ட “ஜனநாயக அடிப்படையில் அரசியல், சமூக உரிமைகளை வென்றெடுப்பதற்கான” விழிப்புணர்வு கருத்தரங்கில் பெருமளவு மக்கள் கலந்து கொண்டதுடன், இந்த கருத்தரங்கு வெற்றிகரமானதாகவும் மாறியுள்ளது.இன்று காலை 9.00 மணிக்கு ஆரம்பமான கருத்தரங்கு மாலை 4.30 மணிவரையில் நடைபெற்றது.இதில் “13வது அரசியலமைப்பு” தொடர்பில் யாழ்.பல்கலைக்கழக சட்டத்துறை விரிவுரையாளர் கே.குருபரன் அவர்களும், “இனப்பிரச்சினை, மற்றும் தீர்வு” தொடர்பில் பாராளுமன்ற உறுப்பினரும் சட்டத்தரணியுமான எம்.ஏ.சுமந்திரன் அவர்களும், “மனிதவுரிமைகள்” தொடர்பில் கே.தயாபரன் அவர்களும் கருத்துரைகளை வழங்கினர்.கூட்டமைப்பின் தலைவர் இரா.சம்பந்தன் பிரதம விருந்தினராக கலந்து கொண்டு நிகழ்வை சிறப்பித்தார்.நிகழ்வில் தமிழ் தேசியக் கூட்டமைப்பின் பாராளுமன்ற உறுப்பினர்களான மாவை சேனாதிராசா, செல்வம் அடைக்கலநாதன், சுமந்திரன், சிறீதரன், சரவணபவன், அரியநேத்திரன், ஆகியோர் கலந்து கொண்டிருந்தனர். மேலும் சுமார் 200ற்கும் மேற்பட்ட பொதுமக்களும், தமிழ் தேசிய ஆர்வலர்களும், கலந்து கொண்டு மாலை வரை கருத்தரங்கில் பங்கெடுத்துக் கொண்டனர்.

யுத்தத்தின் பின்னர் கிளிநொச்சி மாவட்டத்தில் சுதந்திரமாகவும், எமது தனித்துவங்களை உரக்கச் சொல்வதாகவும் இந்த கருத்தரங்கு அமைந்திருந்தது.மேலும் இக்கருத்தரங்கில் பிரதம விருந்தினர் இரா. சம்பந்தன் உரையாற்றிய போது, இந்த நாட்டில் தமிழர்களுக்கு உரித்தான இறைமை மறுக்கப்பட்டதனாலேயே அனைத்துப் பிரச்சினைகளும் இடம்பெற்றிருந்தன. இதனை கடந்த 1956ம் ஆண்டு நடந்த அனைத்து தேர்தல்களிலும் கூறிவருகின்றனர்.அதாவது இந்த நாட்டிலுள்ள ஒற்றையாட்சி முறையில் நாம் சம பிரஜைகளாக வாழமுடியாது. எனவே அது நீக்கப்பட்டு சமஸ்டி முறை உருவாக்கப்பட்டு அதிகாரங்கள் பகிரப்படவேண்டும், அல்லது ஆட்சி அதிகாரங்களை பயன்படுத்துவதற்கு அரசியல் சாசன ரீதியாக ஒழுங்குகள் செய்யப்படவேண்டும்.பெரும்பான்மை இனம் தாம் பெரும்பான்மையாக உள்ள காரணத்திற்காக சிறுபான்மை இனத்தை ஆட்சி செய்ய முடியாது. அவ்வாறு புரிந்தால் அந்த சிறுபான்மை இனத்தின் இறைமை மறுக்கப்படுகின்றது. இதுவே இங்கு நடந்தது. அதனாலேயே இங்கு போராட்டங்களும், சகல பிரச்சினைகளும் ஏற்பட்டன.

2012-02-20T07:04:00.000+11:00

மன்னார் புறநகர்ப்புறத்தில் எழுத்தூர் மக்கள் குடியிருப்பு பிரதேசத்தில் புதிதாக இராணுவ முகாம் !!!!!!!!!

மன்னார் புறநகர்ப்புறத்தில் எழுத்தூர் மக்கள் குடியிருப்பு பிரதேசத்தில் புதிதாக இராணுவ முகாம்ஒன்றை அமைப்பதற்காக எடுக்கப்பட்டுள்ள நடவடிக்கையைக் கைவிட வேண்டும் என்று அந்தப் பிரதேசத்தைச் சேர்ந்த பெண்கள் அரசிடம் கோரிக்கை விடுத்திருக்கின்றார்கள்.இங்குள்ள பல மகளிர் அமைப்புக்களைச் சேர்ந்த நூற்றுக்கணக்கான பெண்கள் கையெழுத்திட்டு எழுத்து மூலமாக இந்தக் கோரிக்கையை முன்வைத்திருக்கின்றார்கள்.குடியேற்றக் கிராமமாகிய ஜீவன்புரம் உட்பட ஒன்பது மீள்குடியேற்ற கிராமங்களுக்கு நடுவே தரவன்கோட்டைக்குச் செல்லும் வீதியில் இந்த இராணுவ முகாமை அமைப்பதற்குரிய காணி ஒதுக்கப்பட்டிருப்பதாக அவர்கள் குறிப்பிட்டிருக்கின்றனர்.அத்துடன் தண்ணீர்ப் பற்றாக்குறை மிகுந்த இந்தப் பகுதி மக்களின் நலன்களைக் கருத்திற்கொண்டு ஐநாவின் அபிவிருத்தி நிறுவனம் (யுஎன்டிபி) அமைத்துக் கொடுத்துள்ள குளத்திற்கு அருகில் இந்த முகாம் வரவிருப்பது இப்பகுதி மக்களுக்குப் பெரும் பாதிப்பை ஏற்படுத்தும் என்று கூறப்படுகின்றது.

பெண்களைத் தலைவிகளாகக் கொண்ட குடும்பங்களும் வளர்ந்த பெண்பிள்ளைகளை அதிகமாகக் கொண்ட குடும்பங்களும் இங்கு பெருமளவில் வசிப்பதாகவும், இதனால், இங்கு புதிதாக இராணுவத்தினர் நிலைகொள்வதன் மூலம் பல்வேறு பிரச்சினைகள் உருவாகக் கூடும் என்று, இந்தப் பெண்கள் அச்சம் வெளியிட்டிருக்கின்றனர் குளத்தில் குளிப்பது, துவைப்பது, கழிப்பறை வசதிகள் இல்லாமையினால் அருகில் உள்ள காட்டுப்புறத்திற்கு இயற்கைக் கடன்களைக் கழிப்பது, போன்ற விடயங்களில் தடங்கல்களும், பிரச்சினைகளும் எழக்கூடும் என்றும் அவர்கள் தெரிவித்திருக்கின்றார்கள்.இராணுவ முகாம் அமையவுள்ள வீதியொன்றே இந்தப் பகுதி மக்களின் பொது போக்குவரத்திற்கு உரியதாக இருப்பதனால், வேலைக்குச் செல்லும் பெண்கள், மாலை நேர வகுப்புகளுக்குச் செல்லும் வளர்ந்த பெண்பிள்ளைகள் போன்றோரின் பாதுகாப்புக்கும் குந்தகம் ஏற்படும் என்பதால், இங்கு இராணுவ முகாம் அமைக்கும் முயற்சியைக் கைவிட வேண்டும் என்று அவர்கள் கோரியிருக்கின்றார்கள்.

இந்த விடயம் குறித்து ஜனாதிபதியின் நேரடி கவனத்திற்குக் கொண்டு வந்திருப்பதாகத் தமிழ்த்தேசிய கூட்டமைப்பின் வன்னி மாவட்ட நாடாளுமன்ற உறுப்பினர் செல்வம் அடைக்கலநாதன் தெரிவித்துள்ளார்.மன்னார் மட்டுமல்லாமல், வடக்கு கிழக்கு என தமிழ்ப் பிரதேசம் எங்கும் பொதுமக்களின் குடியிருப்பு பகுதி காணிகளில் இராணுவத்தினர் முகாம்கள் அமைப்பதை ஒரு திட்டமாகவே அரசாங்கம் செயற்படுத்தி வருவதாக அவர் சுட்டிக்காட்டியுள்ளார்

2012-02-20T03:34:00.000+11:00

பிள்ளை வரம் கொடுக்க லண்டனிலிருந்து யாழ் சென்ற தமிழ் மன்மதராசா!!!!!!!

லண்டனிலிருந்து வந்து யாழ்ப்பாணத்தில் பதிவுத் திருமணம் செய்து கொண்ட மாப்பிள்ளை தனது மனைவியின் தங்கையைக் கர்ப்பவதியாக்கி விட்டுச் சென்ற சம்பவம் ஒன்று யாழில் இடம்பெற்றுள்ளது. இச் சம்பவம் தொடர்பில் மேலும் தெரிய வருவதாவது,கடந்த நவம்பர் மாதம் லண்டனில் இருந்து வந்து வலிகாமம் மேற்குப் பகுதியைச் சேர்ந்த பெண்ணைப் பதிவுத் திருமணம் செய்துள்ளார் யாழ்.இணுவில் பகுதியைச் சேர்ந்த 29 வயது இளைஞன்.அத்துடன் பதிவுத் திருமணம் செய்துவிட்டு 3 வாரங்கள் யாழ்ப்பாணத்தில் தங்கியிருந்த மேற்படி இளைஞன் அடிக்கடி தான் பதிவுத் திருமணம் செய்த பெண் வீட்டுக்குச் சென்று வந்துள்ளார்.தற்போது அந்த இளைஞன் லண்டன் சென்றுள்ள நிலையில், குறிப்பிட்ட மணப் பெண்ணின் தங்கையை மருத்துவரிடம் கொண்டு சென்றபோது அப் பெண் 4 மாதக் கர்ப்பிணி எனத் தெரிய வந்துள்ளது. இதனால் அதிர்ச்சி அடைந்த மணப் பெண்ணின் பெற்றோர் தங்கையை தீவிர விசாரணைக்குட்படுத்திய போது லண்டன் மாப்பிள்ளையின் திருவிளையாடல் அம்பலத்துக்கு வந்துள்ளது. இது தொடர்பில் மாப்பிள்ளையிடம் விசாரணை செய்தபோது தனது குற்றத்தை ஒப்புக் கொண்டது மட்டுமன்றி, இருவரையும் தான் திருமணம் செய்வதாகத் தெரிவித்துள்ளார் மன்மதராசா.இதேவேளை குறிப்பிட்ட லண்டன் மாப்பிள்ளை மீண்டும் லண்டன் செல்லும் முன் வீட்டாரில் சிலரையும் தனது சகோதரியையும் இலங்கையின் பல இடங்களைச் சுற்றிக் காண்பிப்பதற்காக அழைத்துச் சென்றுள்ளார்.இந் நிலையில் நுவரெலியாவில் வைத்து அனைவரும் சாப்பிடச் சென்றபோது தன்னைப் பலாத்காரம் செய்ததாக மணமகளின் தங்கை தெரிவித்தள்ளார். இதேநேரம் இச் சம்பவத்தை அடுத்து மணமகள் லண்டன் மாப்பிள்ளையை விவாகரத்து எடுக்க முற்பட்டுள்ளதாகத் தெரிய வருகின்றது

2012-02-20T02:16:00.000+11:00

தமிழ்த்தேசியக் கூட்டமைப்பை எப்படியும் மடக்கிக்கொள்வதற்காக பாராளுமன்ற தெரிவுக்குழுவுக்கு பெயர்களைத் தருமாறு கூறுகின்றார்கள்!!!!!!!

நாங்கள் பெயர் கொடுக்காவிட்டால் ஐ.தே.க, ஜே.வி.பி போன்ற கட்சிகள் பெயர்களைக் கொடுக்காது. எதிர்வரிசையில் இருக்கின்ற பலம் வாய்ந்த கட்சிகள் பெயர் கொடுக்காத நிலையில் அரசாங்கத்தினால் ஒரு நாள் கூட தெரிவுக்குழுவை ஏற்;படுத்த முடியாது என தமிழ் தேசியக் கூட்டமைப்பின் மட்டக்களப்பு மாவட்ட பாராளுமன்ற உறுப்பினர் பொன். செல்வராசா தெரிவித்தார். மட்டக்களப்பு, போரதீவுப்பற்று கல்விக்கோட்டத்துக்குட்பட்ட வெல்லாவெளி கலைமகள் மகா வித்தியாலயத்தில் இடம்பெற்ற வருடாந்த இல்ல விளையாட்டுப் போட்டியில் பிரதம அதிதியாகக் கலந்துகொண்டு உரையாற்றும்போதே அவர் இவ்வாறு தெரிவித்தார்.

தமிழினம் கஷ்டப்படுகின்றபோது பராமுகமாக இருந்தவர்கள் அரசாங்கத்தை ஆதரிக்கின்ற அரசியல்வாதிகளே தவிர தமிழ்த்தேசியக் கூட்டமைப்பல்ல. இந்த வெல்லாவெளிக் கிராமத்தின் வளர்ச்சிக்காகவும் எழுச்சிக்காகவும் பாடுபட்டவர்கள் தமிழ்த்தேசியக் கூட்டமைப்புப் பாராளுமன்ற உறுப்பினர்கள் என்பதை மக்கள் மறுக்கமாட்டார்கள். மட்டக்களப்பு மாவட்டத்தில் குடியேற்றக் கிராமங்களை அமைப்பதற்குத் தயாராகி வருகின்றனர். வவுணதீவுப் பிரதேசத்திலே 25000 ஏக்கர் நிலத்தை அரசுசார் ஊர்காவற்படைக்கு பயிர்செய்வதற்கு அரசாங்கம் வழங்கியிருக்கின்றது. அத்துமீறிக் குடியேறிய இந்த ஊர்காவற்படைக்கு மாகாணசபை வேலியடைத்துக் கொடுத்திருக்கின்றது. அதை நாங்கள் தட்டிக்கேட்டதற்கிணங்க இன்று அவர்களுக்கெதிராக சட்ட நடவடிக்கை எடுக்கப்பட்டிருக்கின்றது. தமிழ் மக்கள் தமது உரிமைகளை வென்றெடுப்பதற்காகப் போராட்டம் நடத்தினார்கள். அதில் 30வருட காலம் சாத்வீகப் போராட்டம் நடைபெற்றது. 30 வருட காலம் ஆயுதப் போராட்டம் நடைபெற்றது. இரண்டும் தோல்வியுற்ற நிலையில் இன்று சமயோசிதமாக பேச்சுவார்த்தை முறையில் வென்றெடுப்பதற்குத் தயாராகிக்கொண்டிருக்கிறோம்.

எங்களை எப்படியும் மடக்கிக்கொள்வதற்காகப் பாராளுமன்றத் தெரிவுக்குழுவுக்கு பெயர்களைத் தருமாறு கூறுகின்றார்கள். நாங்கள் பெயர் கொடுக்காவிட்டால் ஐக்கிய தேசியக்கட்சி, ஜே.வி.பி போன்ற கட்சிகள் பெயர்களைக் கொடுக்காது. எதிர்வரிசையில் இருக்கின்ற பலம் வாய்ந்த கட்சிகள் பெயர் கொடுக்காத நிலையில் அரசாங்கத்தால் ஒரு நாள் கூட தெரிவுக்குழுவை ஏற்;படுத்த முடியாது. எங்களது அனுமதியின்றி தெரிவுக்குழுவை ஏற்படுத்த முடியாது. எங்கள் இனத்தின் அபிலாஷைகள் என்று வென்றெடுக்கப்படுகின்றதோ அன்று தான் நாங்கள் ஓய்வாவோம். அதுவரை எமது போராட்டம் ஓயாது. அரசாங்கம் மக்களுக்கு அபிவிருத்தியைச் செய்துதான் ஆக வேண்டும். அது மனித உரிமையாகும். அது அனைவரையும் சென்றடைய வேண்டும். அபிவிருத்திகளைச் செய்வது அரசாங்கம் தான். அதை ஊக்குவிப்பவர்கள் அரசியல்வாதிகள். அவர்கள் வீட்டிலிருந்து பணத்தைக் கொண்டுவந்து அபிவிருத்தி வேலைகளைச் செய்யவில்லை என்றார்.

2012-02-19T04:39:00.001+11:00

இலங்கை அரசாங்கத்துடன் தமிழ்த்தேசிய கூட்டமைப்பு நடத்திய பேச்சுவார்த்தைகள் குறித்து சிவில் சமூகத்தினருக்கு ஏற்பட்டிருந்த சந்தேகம் தொடர்பான கலந்துரையாடல் ஒன்று வவுனியாவில் நடைபெற்றது!!!!!!!!

தமிழ்த்தேசிய கூட்டமைப்பின் தலைவர் இரா.சம்பந்தன் தலைமையிலான கூட்டமைப்பின் முக்கியஸ்தர்கள், மன்னார் ஆயர் இராயப்பு ஜோசப் அவர்களின் தலைமையிலான சிவில் சமூகத்தினர் ஆகியோர் இதில் கலந்து கொண்டனர். இந்தச் சந்திப்பு மூன்று மணித்தியாலங்களுக்கு மேலாக நடைபெற்றது அரசாங்கத்திற்கும் தமிழ்த்தேசிய கூட்டமைப்புக்கும் இடையிலான பேச்சுவார்த்தைகள் கடந்த வருடம் ஜனவரி மாதம் ஆரம்பமாகின. இதில் பேசப்பட்ட விடயங்கள், பேச்சுக்களின் முன்னேற்றம், பேச்சுவார்த்தைகளுக்கான அடிப்படை விடயங்கள் என்பன குறித்து சிவில் சமூகத்தினர் சந்தேகம் வெளியிட்டு, அதற்கான விளக்கம் கோரி பகிரங்க கடிதம் ஒன்றை வெளியிட்டிருந்தனர்.மன்னார் ஆயர் இராயப்பு ஜோசப் ஆண்டகை அவர்களை முதன்மையாகக் கொண்டு, சமூகத்தின் பல்வேறு துறைகளையும் சேர்ந்த எழுபதுக்கும் மேற்பட்டோர் இதில் கையெழுத்திட்டிருந்தனர். தமிழ்த்தேசிய கூட்டமைப்பு சுயநிர்ணய உரிமையைத் கைவிட்டு விட்டு சமவுரிமைகளுக்காகத்தான் பேச்சுக்களை நடத்துகின்றதா என்ற கேள்வி இக்கடிதத்தில் முக்கியமாக எழுப்பப்பட்டிருந்தது.

அத்துடன் வடமாகாண சபைக்கான தேர்தலில் தமிழ்த்தேசிய கூட்டமைப்பு பங்குபற்றினால், மாகாண சபை முறையைத் தமிழ் மக்கள் ஏற்றுக்கொண்டுவிட்டார்கள் என கருதப்படும். ஆகவே கூட்டமைப்பு இந்தத் தேர்தலில் நேரடியாகப் பங்கு பற்றக் கூடாது என்றும் அவசியமானால் மாற்று வழிகள் குறித்து அது மக்களுடன் பேச்சுக்களை நடத்த வேண்டும் என்றும் அந்தக் கடிதத்தில் குறிப்பிடப்பட்டிருந்தது.

இதற்குப் பதிலளித்த தமிழ்த்தேசிய கூட்டமைப்பு அதிகாரபூர்வமாக அறிவிக்கப்படாத வடமாகாண தேர்தல் குறித்து முன்கூட்டியே தீர்மானம் எடுக்க வேண்டிய அவசியமில்லை என்றும் அரசியல் தீர்வு தொடர்பான பேச்சுக்களின் உண்மை நிலைமை குறித்து சிவில் சமூகத்தினரை நேரடியாகச் சந்தித்து விளக்கமளிக்க முடியும் என தெரிவித்திருந்தது. இந்தப் பின்னணியிலேயே இன்றைய சந்திப்பு இடம்பெற்றிருந்தது.

இன்றைய சந்திப்பு குறித்து கருத்து தெரிவித்த மன்னார் ஆயர் இராயப்பு ஜோசப் ஆண்டகை சிவில் சமூகத்தினரின் சந்தேகங்களைத் தெளிவுபடுத்தும் வகையில் தமிழ்த்தேசிய கூட்டமைப்பினர் தமக்கு விளக்கமளித்திருந்ததாகவும், இன்றைய சந்திப்பின் நோக்கம் நிறைவேறியிருப்பதாகவும் கூறினார்.நீண்ட காலமாக நிலவி வருகின்ற அரசியல் பிரச்சினைக்கு பேச்சுவார்த்தைகளின் மூலம் தீர்வு காண்பதற்கு தமிழ்த்தேசிய கூட்டமைப்புக்கு சிவில் சமூகத்தினர் பக்கபலமாக இருப்பார்கள் என்றும் மன்னார் ஆயர் குறிப்பிட்டார்.இந்தச் சந்திப்பு மிகவும் திருப்திகரமாக அமைந்திருந்தது எனக் கூறிய தமிழ்த்தேசிய கூட்டமைப்பின் தலைவர் இரா.சம்பந்தன் அவர்கள் வெறும் கோஷங்களுக்காகத் தாங்கள் அரசாங்கத்துடன் பேச்சுக்களை நடத்தவில்லை எனவும் சுட்டிக்காட்டினார்.

''நாங்கள் எதனை பெறப்போகின்றோம் என்பதுதான் முக்கியம். எமது மக்கள் உண்மையான சுயாட்சியைப் பெறவேண்டும் என்பதுதான் சுயநிர்ணய உரிமை என்பதன் உண்மையான விளக்கம். நாங்கள் சுலோகங்களின் அடிப்படையில் பேச்சுவார்த்தை நடத்தவில்லை. இன்று சிவில் சமூகத்தைச் சந்தித்ததும் இதன் அடிப்படையில்தான்'' என்றார் இரா.சம்பந்தன்.

2012-02-18T20:47:00.000+11:00

ரயில் நிலையத்துக்கு முன்னால் நடத்தப்பட்ட அமைதி ஆர்ப்பாட்டத்தின் மீது பொலிஸ் தாக்குதல் நடத்தியமையை மிக வன்மையாகக் கண்டிப்பதாக ஐக்கிய தேசியக் கட்சி தெரிவித்துள்ளது!!!!!!

விலையேற்றத்துக்கு எதிராக ஒன்றிணைந்த பொது எதிர்க்கட்சிகளால் நேற்று வெள்ளிக்கிழமை கொழும்பு கோட்டை ரயில் நிலையத்துக்கு முன்னால் நடத்தப்பட்ட அமைதி ஆர்ப்பாட்டத்தின் மீது பொலிஸ் தாக்குதல் நடத்தியமையை மிக வன்மையாகக் கண்டிப்பதாக ஐக்கிய தேசியக் கட்சி தெரிவித்துள்ளது.ஐக்கிய தேசியக் கட்சியின் பொதுச் செயலாளர் திஸ்ஸ அத்தநாயக்க எம்.பி. விடுத்துள்ள அறிக்கையிலேயே மேற்கண்டவாறு தெரிவிக்கப்பட்டுள்ளது அவ்வறிக்கையில் மேலும் கூறப்பட்டுள்ளதாவது,எரிபொருள் விலையேற்றம் நாட்டில் சட்டம், ஒழுங்கு இல்லாது செய்யப்பட்டுள்ளமை மற்றும் சிவிலியன்கள் சுட்டுக் கொல்லப்படுதல் ஆகியவற்றுக்கு எதிராக நேற்று கொழும்பு கோட்டை ரயில் நிலையத்துக்கு முன்னால் பொது எதிர்க்கட்சியினரால் நடத்தப்பட்ட எதிர்ப்பு ஆர்ப்பாட்டப் பேரணி மீது பொலிஸாரினால் மேற்கொள்ளப்பட்ட தாக்குதலை வன்மையாகக் கண்டிக்கின்றோம்.

மக்களால் வாழ முடியாத ஒரு நிலைமை தோற்றுவிக்கப்பட்டிருக்கும் இன்றைய சந்தர்ப்பத்தில் மக்கள் எழுச்சியினையும் எதிர்ப்பினையும் கண்ணீர்ப் புகைப் பிரயோகம் மேற்கொண்டு பொலிஸ் தாக்குதல் நடத்தியும் போராட்டங்களை தடுத்து விட முடியாது.நேற்று நடத்தப்பட்ட மேற்படி தாக்குதலில் பலர் காயமடைந்துள்ளனர். நாட்டு மக்களுக்கு நிவாரணங்களைப் பெற்றுக் கொடுப்பதற்குப் பதிலாக ஊழல் மோசடிகள், வீண் விரயம் ஆகியவை உயர்ந்து நிற்கின்ற இன்றைய நிலையில் பொலிஸ் தாக்குதலின் மூலம் அடக்கி மக்கள் விரோதத்தை தடைப்படுத்திவிட முடியாது என்பதை கவனத்திற் கொண்டு வருகின்றோம்.ஜனநாயகத்தை மீண்டும் ஸ்தாபித்து நாட்டு மக்களுக்கு நிவாரணங்களைப் பெற்றுக் கொடுக்கும் வரையில் இந்த போராட்டம் தொடர்ச்சியாக நாடு முழுவதும் முன்னெடுக்கப்படும் என்பதையும் கண்டிப்பாகக் கூறிக் கொள்கிறோம்.

2012-02-18T20:44:00.000+11:00

பிரதமர் ராஜீவ் காந்தியை கொலை செய்வதற்கு விடுதலைப் புலிகளுக்கு பின்புலமாக அமெரிக்காவே செயற்பட்டது என அமைச்சர் விமல் வீரவன்ச !!!

பத்தரமுல்லையில் உள்ள கட்சி அலுவலகத்தில் நடைபெற்ற வைபவமொன்றில் உரையாற்றுகையிலேயே நிர்மாணத்துறை வீடமைப்பு பொது வசதிகள் அமைச்சர் விமல்வீரவன்ச இவ்வாறு கூறினார். அவர் தொடர்ந்து அங்கு உரையாற்றுகையில், ஐக்கிய நாடுகள் மனித உரிமை அமைப்புக்கு இலங்கை பற்றி அழுத்தம் கொடுப்பதற்கு பின்புலமாக இருப்பதும் அமெரிக்கர்களேயாவர். விடுதலைப் புலிகளின் சகல நாசகார வேலைகளுக்கும் பணம் மற்றும் ஆயுத விற்பனை தொட்டு சகல உதவிகள் வழங்கிய வரிசையில் அமெரிக்காவும் உள்ளது.தற்பொழுது விடுதலைப் புலிகளை இலங்கை ஜனாதிபதியும் இராணுவமும் அழித்தொழித்ததனால் மிகவும் நஷ்டமடைந்துள்ள நாடு அமெரிக்காவாகும். பிரபாகரனைப் பாவித்து இந்த நாட்டிலும் இந்தியா போன்ற நாடுகளிலும் தமது அழுத்தத்தைப் பிரயோகித்து வந்த நாடு அமெரிக்காவாகும். பிரபாகரன் ஊடாக இலங்கையில் பாரிய யுத்தத்தை ஏற்படுத்தி அந்த நாட்டை இரண்டாகப் பிரித்தும் அதனூடாக இந்தியாவிற்கும் பிரச்சினைகளை உருவாக்குவதற்கே அமெரிக்கா திட்டம் வகுத்து இருந்தது. அதற்காக ஆயுதம் மற்றும் மேலைத்தேய நாடுகள் ஊடாக பிரபாகரனுக்கு மறைமுகமாக உதவி வழங்கி வந்தது. ஐக்கிய நாடுகள் ஊடாக சில அதிகாரிகளை ஒப்பந்த அடிப்படையில் நியமித்து அவர்களுக்கு அமெரிக்கா வழங்கும் நிகழ்ச்சி நிரல்களை வழங்கி இலங்கைக்கு அழுத்தம் கொடுப்பதற்கு செயல்படுகின்றது. நீங்கள் மிக விரைவில் யுத்தத்தை ஒழித்துக் காட்டி விட்டீர்களா? நான் உங்களுக்கு நல்ல பாடம் படிப்பிக்கின்றேன் என அமெரிக்கா செயல்படுகின்றது என்றார்.

2012-02-18T20:24:00.000+11:00

எரிபொருள் விலை உயர்வைக் கண்டித்து சிலாபத்தில் நடைபெற்ற ஆர்ப்பாட்டத்தின்போது கொல்லப்பட்ட என்டனி பெர்னாண்டோவின் இல்லத்திற்கு எதிர்க்கட்சித் தலைவர் ரணில் விக்ரமசிங்க இன்றுகாலை விஜயம் மேற்கொண்டிருந்தார்!!!!!!!!

இதன்போது அவர் அங்கு வைக்கப்பட்டிருந்த பெர்னாண்டோவின் உடலுக்கு அஞ்சலி செலுத்தியதுடன் அவரின் உறவினர்களோடும் கலந்துரையாடினார். மேலும் பெர்னாண்டோவின் குழந்தைகளோடும் சிறிது நேரம் உரையாடினார். எதிர்க்கட்சித்தலைவருடன் கட்சி உறுப்பினர்களான பாலித்த ரங்க பண்டார மற்றும் அகில விராஜ் காரியவசம் ஆகியோரும் சென்றிருந்தனர். இந்நிலையில் பெர்னாண்டோவிற்கு தங்கள் இறுதி அஞ்சலியைச் செலுத்த அங்கு வருகைதந்த ஆளும் கட்சி அமைச்சர்கள் சிலரை பிரதேச வாசிகள் அனுமதிக்கவில்லையெனத் தெரிவிக்கப்படுகின்றது. ஆளும் கட்சியின் முக்கியஸ்தர்கள் மற்றும் பிரதேச சபைத் தலைவர் உட்பட சிலர் அங்கு வருகை தந்திருந்த போதும் அப் பகுதி மக்கள் அவர்களது வாகனத்தினை அங்கு பிரவேசிக்க விடவில்லையெனவும் அவர்களைத் திருப்பிச் செல்லுமாறு வலியுறுத்தியதாகவும் தெரியவருகின்றது. இதனால் அவர்கள் இறுதி அஞ்சலி செலுத்தமுடியாமல் திரும்பியதாகவும் தெரிவிக்கப்படுகின்றது.எரிபொருள் விலை திடீரென உயர்வடைந்தமைக்கு எதிர்ப்புத் தெரிவிக்கும் முகமாக புத்தளம் மாவட்டத்தின் சிலாபம் கடற்கரைப் பிரதேசத்தில் ஆர்ப்பாட்டத்தில் ஈடுபட்டிருந்த மீனவர்கள் மீது மேற்கொள்ளப்பட்ட துப்பாக்கிப் பிரயோகத்தினாலேயே என்டனி பெர்னாண்டோ உயிரிழந்தார். இரண்டு பிள்ளைகளின் தந்தையான என்டனியின் மூத்த மகளின் வயது 9 ஆகும். இவரது இரண்டாவது மகனின் வயது 8 என்பதுடன் இவர் படகு வாங்குவதற்காக பட்ட கடனை அடைப்பதற்காக இவரது மனைவி வெளிநாட்டுக்குச் சென்றிருந்தமையும் குறிப்பிடத்தக்கது.இவரின் மரணத்திற்கு எதிர்ப்புத் தெரிவித்து மன்னார் மாவட்ட மீனவர்களும் நேற்று கடலுக்குச் செல்லாமல் தமது எதிர்ப்பினை வெளிகாட்டியிருந்தனர். என்டனி பெர்னாண்டோவின் இறுதிக்கிரியைகள் இன்று சிலாபம் ரோமன் கத்தோலிக்க மயானத்தில் இடம்பெறவுள்ளமை குறிப்பிடத்தக்கது.

2012-02-16T00:23:00.000+11:00

துப்பாக்கிச்சூட்டில் மீனவர் பலி: சிலாபத்தில் பெரும் பதற்றம்!!!!!!

எரிபொருட்களின் விலையுயர்வைக் கண்டித்து சிலாபம் நகரில் மீனவர்களின் ஆர்ப்பாட்டத்தின் போது, பொலிஸாருக்கும் ஆர்ப்பாட்டக்காரர்களுக்குமிடையே ஏற்பட்ட மோதலின் போது இடம்பெற்ற துப்பாக்கிப் பிரயோகத்தில் ஒருவர் உயிரிழந்துள்ளதுடன் மேலும் பலர் படுகாயமடைந்த நிலையில் சிலாபம் வைத்தியசாலையில் சிகிச்சைக்காக அனுமதிக்கப்பட்டுள்ளதாக பொலிஸார் தெரிவிக்கின்றனர். எரிபொருட்களின் விலையுயர்வைக் கண்டித்து நேற்று முன்தினம் முதல் சிலாபம் பகுதியில் எதிர்ப்பு ஆர்ப்பாட்டங்களுடன் தொடர் பதற்றநிலை காணப்பட்டு வந்த நிலையில் இன்றைய ஆர்ப்பாட்டத்தின்போது, இச்சம்பவம் இடமடபெற்றுள்ளதாகத் தெரிவிக்கப்படுகிறது. அத்துடன் குறித்த பகுதியில் பெரும் பதற்ற நிலை ஏற்பட்டுள்ளதாகவும் இதனால் பாதுகாப்பு அதிகரிகி;க்கப்பட்டுள்ளதாகவும் அங்கிருந்து கிடைக்கும் செய்திகள் தெரிவிக்கின்றன.

2012-02-13T18:25:00.002+11:00

யாழ்.குடாவில் தமிழ் எழுத்துப் பிழையுடன் தலைநிமிர்ந்து நிற்கும் நிலாவரைக் கிணற்று வழிகாட்டிப் பெயர்ப்பலகை!!!!!!!!

யுத்தத்திற்குப் பின்னரான அபிவிருத்திப் பணிகள் ஆரம்பிக்கப்பட்டதனைத் தொடர்ந்து தமிழர் பிரதேசங்களிலும் தற்போது தாய்மொழி கொலை செய்யப்பட்டு வருகின்றமை வேதனைக்குரிய விடமாகும்.யாழ் நிலாவரைக் கிணற்றுப் பிரதேசத்திற்கு செல்வதற்கான வழிகாட்டிப் பலகையில் தமிழ் கொலை எவ்வாறு நடைபெற்றுள்ளது என்பதைப் பாருங்கள்.பெரும்பான்மையின மக்கள் பரந்து வாழும் பிரதேசங்களில் தமிழ் கொலை ஆரம்பத்தில் இருந்தே இடம் பெற்று வருகின்றது. அதே போல தமிழர்கள் செறிந்து வாழும் பிரதேசங்களும் இவ்வாறான பிழைகள் தற்போது அதிகளவில் தலைவிரித்தாட தொடங்கியுள்ளது.யாழ்ப்பாணத்திற்கு சுற்றுலா வருபவர்கள் யாராக இருந்தாலும் இங்கு செல்லத்தவறுவதில்லை. எனினும் இப் பெயர்ப்பலகை பிரபல காப்புறுதி நிறுவனத்தின் அனுசரணையில் போடப்பட்டுள்ளமை குறிப்பிடத்தக்கது.

2012-02-13T17:44:00.000+11:00

அரசாங்கத்தின் எரிபொருள் விலையேற்றத்தால் இந்தியாவுக்கே வருமானம் அதிகரிக்கும். ஆனால் எமது நாட்டு மக்களில் பெரும்பாலானோர் இருளில்!!!!!!!

எரிபொருட்களின் விலைகளைக் குறைக்குமாறு அரசாங்கத்தை வலியுறுத்தி இன்று திங்கட்கிழமை மாலை 4.00 மணிக்கு கொழும்புக் கோட்டை புகையிரத நிலையத்திற்கு முன்பாக எதிர்ப்பு ஆர்ப்பாட்டத்தை நடத்தவுள்ளதாகவும் ஜே.வி.பி. யின் பிரசாரச் செயலாளரும் எம்.பி. யுமான விஜித ஹேரத் தெரிவித்தார்பெலவத்தையிலுள்ள ஜே.வி.பி. யின் தலைமையகத்தில் நேற்று ஞாயிற்றுக்கிழமை இடம்பெற்ற ஊடகவியலாளர் மாநாட்டிலேயே விஜித ஹேரத் எம்.பி. இதனை தெரிவித்தார்.இங்கு விஜித ஹேரத் எம்.பி. தொடர்ந்து உரையாற்றுகையில், அரசாங்கத்தின் ஊழல் மோசடிகள், வீண் விரயங்கள் காரணமாகவே எரிபொருட்களின் விலைகள் அதிகரிக்கப்பட்டது. அதைவிடுத்து உலகச் சந்தையில் விலையேற்றம் பாரிய பாதிப்பை ஏற்படுத்தவில்லை. தேசத்தின் மகுடம் கண்காட்சிக்காக மட்டும் ரூபா 2100 கோடி செலவு செய்யப்பட்டுள்ளது. அமைச்சர்களுக்கு ரூபா 1454 கோடி செலவில் சுகபோக வாகனங்கள் கொள்வனவு செய்யப்பட்டுள்ளன. அதேபோன்று ஜனாதிபதியின் பாதுகாப்புத் தொடரணிக்காக ரூபா 24 கோடிக்கு வாகனங்கள் கொள்வனவு செய்யப்பட்டுள்ளன.

இது போன்று கண்காட்சிகள், அரசாங்கம் தொடர்பான பிரசாரங்களுக்கு கோடிக் கணக்கான பணம் வீண் விரயம் செய்யப்படுகிறது. அத்தோடு மிஹின் லங்கா, ஸ்ரீலங்கன் எயார் லைன்ஸ், இலங்கை மின்சார சபை, பெற்றோலியக் கூட்டுத்தாபனம் உட்பட பல்வேறு அரச நிறுவனங்கள் நஷ்டத்தில் இயங்குகின்றன. நிர்வாகத் திறன் இல்லாமை, ஊழல் மோசடிகள், வீண் விரயங்களே இதற்கு காரணமாகும். இந்த இழப்பை ஈடு செய்ய உலக சந்தை மீது பழியைப் போட்டு விட்டு எரிபொருட்களின் விலைகளை அரசாங்கம் அதிகரித்து மக்கள் மீது சுமைகளை அதிகரித்துள்ளது.

கடந்த காலங்களில் கொள்வனவு செய்த எரிபொருட்கள் 40 நாட்களுக்கு கையிருப்பில் உள்ளதாக அரச தரப்பு கூறியுள்ளது. அவ்வாறெனில் ஏன் அது கையிருப்பில் இருக்கும்போது உடனடியாக விலைகளை அதிகரிக்க வேண்டும். அரசாங்கம் எரிபொருட்களுக்கு அதிகளவு வரியை அறவிடுகிறது. ஏற்கனவே பெற்றோல் 1 லீற்றருக்கு ரூபா 12 அறவிடுகிறது.எனவே இம்முறை விலையேற்றத்தோடு எரிபொருட்களுக்கான அரசாங்கம் அறவிடும் வரி அதிகரிக்கும். இதனால் அரசாங்கத்தின் வரி வருமானம் அதிகரிக்கும்.

இலங்கையில் இன்னும் பல்லாயிரக்கணக்கானோர் குப்பி விளக்கின் ஒளியில் வாழ்கின்றனர். மாணவர்கள் கல்வி கற்கின்றனர். வன்னியில் இடம்பெயர்ந்த மக்கள் பெரும்பாலானோர் இவ்வாறே வாழ்கின்றனர்.மண்ணெண்ணெய் விலை அதிகரிப்பால் இவ்வாறு வாழ்க்கை நடத்தும் மக்கள் நெருக்கடியில் தள்ளப்பட்டுள்ளனர். அவர்களின் பிள்ளைகளின் கல்வியில் பின்னடைவு ஏற்படும் நிலை உருவாகியுள்ளது. ஐ.ஓ.சி. எரிபொருட்களின் விலைகளை அதிகரிப்பதன் மூலம் இந்தியாவின் ஐ.ஓ.சி. நிறுவனத்திற்கு அதிகளவு இலாபமீட்டும் வருமானத்தை அரசாங்கம் பெற்றுக் கொடுத்துள்ளது. ஏனென்றால் இலங்கையில் அதிகளவில் ஐ.ஓ.சி. எரிபொருள் நிலையங்கள் இயங்கி வருகின்றன. அரசாங்கத்தின் வீண் விரயங்களைக் களைந்து எரிபொருட்களின் விலைகளைக் குறைக்குமாறு வலியுறுத்தி இன்று திங்கட்கிழமை கொழும்பு கோட்டை புகையிரத நிலையத்திற்கு முன்பாக எதிர்ப்பு ஆர்ப்பாட்டத்தை நடத்தவுள்ளோம்.அதேபோன்று நாட்டின் அனைத்துப் பிரதேசங்களிலும் எதிர்ப்பு ஆர்ப்பாட்டங்களை ஏற்பாடு செய்துள்ளோம் என்றார்

2012-02-13T17:35:00.000+11:00

பிரசாரத்தில் மாத்திரமே அரசியல் செய்து கொண்டாடுகின்ற அமைச்சர் டக்ளஸ் தமிழ் தேசியக் கூட்டமைப்புக்கு சவால் விடுப்பதற்குப் பொருத்தமானவர் அல்ல !!!!!!!யாழ்.மாவட்ட எம்.பியுமான சுரேஷ் பிரேமச்சந்திரன்

அத்துடன் பாராளுமன்றத் தெரிவுக்குழு தொடர்பில் தமிழ்த் தேசியக் கூட்டமைப்பு ஈ.பி.டி.பி யிக் ஆலோசனையை எதிர் பார்திருக்கவில்லை என்று கூட்டமைப்பின் பேச்சாளரும் யாழ்.மாவட்ட எம்.பியுமான சுரேஷ் பிரேமச்சந்திரன் தெரிவித்தார். போட்டி அரசியலை கைவிடுவதாக கூறுகின்ற அமைச்சர் டக்ளஸ் ஏற்கனவே புலிகள் அழிக்கப்பட்டால் அரசியலில் இருந்தே ஒதுங்கிவிடுவதாகக் கூறியிருந்தார். எனவே தான் முதலில் கூறியதைச் செய்து காட்ட வேண்டும் என்றும் அவர் சொன்னார். தமிழ்த் தேசியக் கூட்டமைப்பு பாராளுமன்றத் தெரிவுக்குழுவில் இணைந்து கொள்ள வேண்டுமென்று வலியுறுத்தியுள்ள அமைச்சர் டக்ளஸ் தேவானந்தா அவ்வாறு குழுவில் இணைந்து கொள்ளும் பட்சத்தில் தான் போட்டி அரசியலைக் கைவிடுவதாகக் கூறியிருந்தார். இது தொடர்பில் கருத்து வெளியிடுகையிலேயே சுரேஷ் பிரேமச்சந்திரன் எம்.பி மேற்கண்டவாறு தெரிவித்தார்.

அவர் மேலும் கூறுகையில் பாராளுமன்றத் தெரிவுக்குழு விவகாரம் தொடர்பில் தமிழ்த் தேசியக் கூட்டமைப்பு தனது திட்டவட்டமான முடிவினை அறிவித்திருக்கின்றது. தேசிய இனப்பிரச்சினைக்கான தீர்வினை எட்டுவது விடயத்தில் தமிழ்த் தேசியக் கூட்டமைப்புக்கும் அரசுக்குமிடையில் இடம் பெற்று வந்த பேச்சு வார்த்தைகளின் எட்டப்பட்ட இணக்கப்பாடுகளின் அடிப்படையில் நாம் நடந்து கொண்டோம். எனினும் அரசு அதனை பின்பற்றவில்லை.

எமக்கிடையிலான பேச்சுக்களில் பேசப்பட்ட விடயம் என்ன? எட்டப்பட்ட இணக்கப்பாடுகள் என்ன? மற்றும் அது தவற விட்டிருக்கின்ற நிலைமைகள் என எதுவுமே தெரியாது அறியாது யாரும் எதனையும் கூற முடியாது ஆனாலும் அமைச்சர் டக்ளஸ் தற்போது அவ்வாறு தான் கூறியிருக்கின்றார். பேச்சு தற்போது தடைப்பட்டிருக்கின்றது. பாராளுமன்றத் தெரிவுக்குழுவில் இணைவது தொடர்பில் எமது தரப்பு நியாயப்பாடுகள் விளக்கப்பட்டுள்ளன. இந் நிலையில் விவகாரம் எதனையும் அறிந்திருக்கா விட்டால் அதனை அமைச்சர் டக்ளஸ் தமிழ்த் தேசியக் கூட்டமைப்புடன் பேசி தெரிந்து கொண்டிருக்க வேண்டும். இல்லையேல் வேறு வழியிலாவது முயற்சித்திருக்க வேண்டும். கடந்த காலத்தில் அமைக்கப்பட்ட மங்கள முனசிங்க ஆணைக்குழுவுக்கு என்ன நடந்தது? சர்வ கட்சி குழுவுக்கு என்ன நடந்தது ? அந்த அறிக்கைகள் எவ்வாறு குப்பைக் கூடைக்குச் சென்றன. என்பதெல்லாவற்றையும் அமைச்சர் டக்ளஸ் அறிந்து வைத்திருக்கிறாரோ இல்லையோ கூட்டமைப்பு நன்றாகவே அறிந்து வைத்திருக்கின்றது.

இவ்வாறான நிலையில் பாராளுமன்றத் தெரிவுக்குழு என்ற ஏமாற்றுக் குழுவில் அங்கம் வகிக்குமாறு கூறுவது முட்டாள் தனமான கூற்றாகும். அரசாங்கத்தில் அங்கம் வகிக்கும் அமைச்சர் டக்ளஸால் தமிழ் மக்கள் இது வரையில் என்ன நன்மையைப் பெற்றிருக்கின்றனர்? அவரால் என்னென்ன சாதிக்க முடிந்துள்ளது என்பதெல்லாம் விடையில்லா கேள்விகளாகும்.

பல்வேறு நாடுகள் இலங்கை அரசுக்கு கொடுத்த வருகின்ற அழுத்தங்களின் காரணத்தினாலேயே மீள் குடியேற்றப் பணிகள் இடம் பெற்று வருகின்றன. ஆனால் அமைச்சர் டக்ளஸ் தானே அதனைச் செய்வதாக பிரசாரம் செய்து வருகின்றனர். பிரசாரத்தில் அரசியல் நடத்தும் அவருக்கு கூட்டமைப்புக்கு சவால் விடுக்க தகுதியில்லை. மனசாட்சி இருந்தால் இது அவருக்குப் புரியும்.

மேலும் தமிழ் தேசிய கூட்டமைப்பைப் பொறுத்த வரையில் அமைச்சர் டக்ளஸ் ஒரு போட்டி அரசியல் வாதியே இல்லை இதனை அவரே கூறியிருக்கிறார். அது மாத்திரமின்றி இந் நாட்டில் புலிகள் அழிக்கப்பட்டு விட்டால் தான் அரசியலில் இருந்து ஒதுங்கிக் கொள்வதாக கூறியிருந்தார்.

அவ்வாறு கூறியவர் தான் இன்று தமிழ்த் தேசியக் கூட்டமைப்பு பாராளுமன்றத் தெரிவுக்குழுவில் இணைந்து கொண்டால் போட்டி அரசியலைக் கைவிடவதாகக் கூறியுள்ளார். இவ்வாறு வாய்ச் சவால்களை விடுத்து அவர் ஏற்கனவே கூறியதை முதலில் செய்து காட்ட வேண்டும் என்றார். _

2012-02-13T01:49:00.000+11:00

நேற்று நள்ளிரவு முதல் அமுலுக்கு வரும் வகையில் எரிபொருளின் விலைகள் அதிகரிக்கப் பட்டுள்ளதாகப் பெற்றோலியத்துறை அமைச்சு அறிவித்துள்ளது!!!!!!

பெற்றோல் விலை லீற்றருக்கு 12 ரூபாவினாலும், டீசல் விலை லீற்றருக்கு 31 ரூபாவினாலும், மண்ணெண்ணெய் விலை லீற்றருக்கு 35 ரூபாவினாலும் நேற்று நள்ளிரவு முதல் அதிகரிக்கப்பட்டுள்ளன.இதன்படி ஒரு லீற்றர் 90 ஒக்டேன் பெற்றோல் 149 ரூபாவாகவும், 95 ஒக் டேன் பெற்றோல் 167 ரூபாவாகவும் ஒரு லீற்றர் டீசல் 115 ரூபாவாகவும் மண்ணெண் ணெய் லீற்றர் 106 ரூபாவாகவும் விற்கப்படும்.விலைத்திருத்தத்தின் ஊடாக பொதுப் போக்குவரத்துத் துறைக்கு எவ்வித பாதிப்பும் ஏற்படாது என்று அரசு வெளியிட்டுள்ள அறிக்கையில் தெரிவிக்கப்பட்டுள்ளது.இலங்கைப் போக்குவரத்து சபை, தனியார் போக்குவரத்து பஸ் சேவை, கடற்றொழிலாளர்கள், பாடசாலை போக்குவரத்து சேவை மற்றும் முச்சக்கர வண்டி உள்ளிட்ட போக்குவரத்து சேவைகளுக்கு எரிபொருள் நிவாரணமொன்றை வழங்க நடவடிக்கை எடுக்கப்பட்டுள்ளதாக அறிக்கையில் சுட்டிக்காட்டப்பட்டுள்ளது.உலக சந்தையில் மசகு எண்ணெயின் விலை எதிர்பாராத விதமாக அதிகரித்தமையே இந்த விலை திருத்தத்திற்கான காரணமென அரசு தெரிவிக்கின்றது. இதேவேளை யாழ்ப்பாணத்தில் உள்ள இலங்கைப் பெற்றோலியக் கூட்டுத்தாபன யாழ். பிராந்தியத்துக்கும் புதிய விலைப் பட்டியல் படிவம் அனுப்பி வைக்கப்பட்டுள்ளது.இதன்படி யாழ்.குடாநாட்டில் இதுவரை 137.50 சதமாக விற்பனையான பெற்றோல் மேலதிகமாகப் 12 ரூபாவாலும் 84.60 சதமாக விற்பனையான ஓட்டோ டீசல் மேலதிகமாக 31 ரூபாவாலும், 71.60 சதமாக விற்பனையான மண்ணெண்ணெய் 35 ரூபாவாலும் அதிகரிக்கப்படவுள்ளதாகவும் பிராந்திய முகாமையாளர் வி.சண்முகநாதன் தெரிவித்துள்ளார்.

நேரகாலத்துடன் மூடப்பட்ட எரிபொருள் நிலையங்கள்

இதனிடையே, எரிபொருள்களுக்கான விலை அதிகரிக்கப்படும் என்ற செய்தி பரவியதை அடுத்து யாழ்ப்பாணத்தில் வழமையாக 10 மணிக்கு மூடப்படும் எரிபொருள் நிலையங்கள் மாலை 6 மணிக்கே மூடப்பட்டு விட்டன. இதனால் வாகனங்களுக்கு எரிபொருள் நிரப்ப முடியாத நிலை ஏற்பட்டது.

2012-02-13T01:43:00.000+11:00

கடந்த காலங்களில் யுத்தத்தை காரணம் காட்டி வடகிழக்கு தமிழ் மக்கள் மீது பொருளாதார தடைகளை விதித்த அரசு !!!!!!!தமிழ்த் தேசியக் கூட்டமைப்பின்உறுப்பினர் பா.அரியநேத்திரன்

தற்போது ஈரானின் பொருளாதாரத் தடையை காரணம் காட்டி வடக்கு கிழக்கு தமிழ் மக்கள் மீது பொருளாதார சுமையினை உருவாக்கியுள்ளது. என தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் பா.அரியநேத்திரன் தெரிவித்துள்ளார்.வரவு செலவுத்திட்டம் சமர்ப்பிக்கப்பட்டு இரண்டுமாதங்கள் கடந்துள்ள நிலையில் இவ்வாறான விலையேற்றங்கள் அரசாங்கத்தின் திட்டமிட்ட நடவடிக்கையாகவே இதனை கருதவேண்டியுள்ளது. குறிப்பாக ஏற்கனவே யுத்தத்தினால் பாதிக்கப்பட்டு வறுமையில் வாடிக்கொண்டிருக்கும் வடகிழக்கு மக்களுக்கே இது கூடுதல் வேதனையாகும். எனவும் அவர் சுட்டிக்காட்டியுள்ளார். பாமரமக்கள் பயன்படுத்தும் மண்ணெண்ணெயின் விலையினையே அரசாங்கம் கூடுதலாக அதிகரித்துள்ளது. யுத்தத்தினால் பாதிக்கப்பட்ட வடக்கு கிழக்கில் உள்ள மக்களுக்கு சரியான மின்சார வசதியில்லை, வருமானம் மிகவும் குறைவு, தங்களது தேவைகளை நிறைவு செய்வதற்கு அவர்கள் நீண்ட தூரம் பயணம் செய்ய வேண்டியுள்ளது. எனவே இவர்களுக்கு இந்த எரிபொருட்களின் விலையெற்றம் மேலும் பொருளாதார சுமைகளையே உருவாக்கியுள்ளது.கடந்த காலங்களில் யுத்தத்தை காரணம்காட்டி வடக்கு கிழக்கு தமிழ் மக்கள் மீது பொருளாதார தடைகளை உருவாக்கிய அரசாங்கம் இப்போது ஈரான் நாட்டின் பொருளாதாரத் தடையை காரணம் காட்டி, மக்கள் மீது குறிப்பாக வடக்கு கிழக்கு தமிழ் மக்கள் மீது பொருளாதாரச் சுமையினை சிறிலங்கா அரசாங்கம் உருவாக்கியுள்ளது. என அவர் தெரிவித்திருக்கின்றார்.மொத்தத்தில் இந்த எரிபொருட்களின் விலையேற்றம் அனைத்து துறைகளிலும் மக்களை பாதிக்கவே செய்யும் எனவே அரசாங்கத்தின் இது போன்ற நடவடிக்கை குறித்து எதிர்காலத்தில் மக்களே தீர்மானிப்பர் என்றார்

2012-02-13T01:36:00.002+11:00

தெல்லிப்பளை கொல்லங்கலட்டி பிள்ளையார் கோவிலுக்கு அருகிலிருந்து மனித எச்சங்கள் இன்று பொலிஸாரினால் மீட்கப்பட்டுள்ளன!!!!!!!

தெல்லிப்பளை கொல்லங்கலட்டி சிந்துவாம்பிட்டி என்ற இடத்தில் உள்ள வீடொன்றிலிருந்தே இவ் எச்சங்கள் இன்று மீட்கப்பட்டுள்ளது.நேற்று மாலை குறித்த வீட்டின் கிணற்றினைத் துப்புரவு செய்து கொண்டிருந்த பொழுது கிணற்றுக்குள் இருந்து இவ் எச்சங்கள் கண்டுபிடிக்கப்பட்டன.அதனைத் தொடர்ந்து துப்புரவு செய்தவர்களால் தெல்லிப்பளை காவற்துறைக்கு தகவல் வழங்கப்பட்டது.அதனையடுத்து நேற்றைய தினம் மாலை தெல்லிப்பளைக் காவற்துறையினர் இருவர் சம்பவ இடத்திற்கு வருகை தந்து முதற் கட்ட விசாரணைகளை மேற்கொண்டுள்ளனர். தொடர்ந்து இன்று காலை முறைப்பாடு செய்யப்பட்டது.இன்று காலை குறித்த இடத்திற்கு வந்த காவற்துறையினர் மற்றும் சட்ட வைத்திய அதிகாரி முன்னிலையில் கிணற்றிலிருந்து இவ் எச்சங்கள் மீட்டெடுக்கப்பட்டன.இச் சம்பவம் குறித்து தெரிய வருவதாவது, 1992ம் ஆண்டு யுத்தத்தினால் குறித்த கிராம மக்கள் இடம்பெயர்ந்து சென்றுள்ளனர். அவ்வேளையில் குறித்த வீட்டு உரிமையாளர் உட்பட அவரது சகோதரிகள் இருவரும் அங்கேயே தொடர்ந்தும் இருந்துள்ளனர். செல்லப்பா இராசரத்தினம்(வயது 75), செல்லப்பா பாலாம்பிகை (வயது80), செல்லத்துரை அன்னலட்சுமி (வயது 70), ஆகிய 3 சகோதரர்களுமே தங்கியிருந்ததாக அயலவர்கள் தெரிவித்தனர்.பின்னர் அவர்கள் பற்றிய விபரங்கள் எதுவும் உறவினர்களால் அறியப்படவில்லை. 6 மாதங்களுக்கு முன்னரே இப் பகுதி மக்கள் மீளக்குடியேற அனுமதிக்கப்பட்டு தங்கள் வளவுகளை துப்புரவு செய்து வருகின்றனர். அதன்படி குறித்த வீட்டின் உரிமையாளரின் பெறாமகன் லண்டனில் இருந்து யாழ்ப்பாணத்திற்கு வந்துள்ளார்.அவரினால் குறித்த வீட்டுப்பகுதியும் துப்புரவு பணிகள் மேற்கொள்ளப்பட்டது. அதன் போது மனித எச்சங்கள் கிணற்றிலிருந்து மீட்கப்பட்டுள்ளன. இதனையடுத்து 3பேருடைய மனித எச்சங்களும் இருக்கும் என எதிர்பார்க்கப்பட்ட போதும் ஒருவரது பூரணமான எச்சங்களே மீட்கப்பட்டுள்ளன.ஏனையவர்களது எலும்புக் கூடுகளும் அப்பகுதியிலேயே இருக்கலாம் என சந்தேகிக்கப்படுவதாக தெரிவிக்கப்படுகின்றது. இவை தற்போது யாழ்.போதனா வைத்தியசாலைக்கு எடுத்துச் செல்லப்பட்டுள்ளன.நீதிமன்ற உத்தரவின் பின்னர் பரிசோதனைகள் மேற்கொள்ளப்படவுள்ளன. மக்கள் மீளக்குடியமர அனுமதிக்கப்பட்டதனைத் தொடர்ந்து குடாநாட்டின் பல பகுதிகளிலும் தொடர்ச்சியாக மனித எச்சங்கள் மீட்கப்பட்டு வருகின்றமை குறிப்பிடத்தக்கது.குறித்த மனிச்சங்கள் ஆணுடையதா அல்லது பெண்ணுடையதா என்றும் எந்த காலப்பகுத்தியில் குறித்த நபர் மரணமடைந்துள்ளார் என்பதும் மருத்துவபரிசோதனையின் பின்னரே உறுதிப்படித்த முடியுமென வைத்தியசாலை வட்டாரங்கள் தெரிவிக்கின்றன

2012-02-11T16:09:00.000+11:00

வடமாகாணத்தில், யாழ்ப்பாணம் மாவட்டத்தின் பல்வேறு இடங்களில், சென்னை பத்திரிகையாளர்கள் பயணம் மேற்கொண்டனர்!!!!!!!

இதில், யாழ்ப்பாணத்தின் வடபகுதியில் உள்ள வல்வெட்டித் துறை, மாதகல் ஆகிய இரு இடங்களிலும், மீனவர்கள் உடனான சந்திப்பு நடந்தது. இந்திய, இலங்கை உறவில் சிக்கல்களை ஏற்படுத்தும் முக்கிய விவகாரங்களில், மீனவர் பிரச்னையும் ஒன்று. சமீபத்தில், இலங்கை சென்றிருந்த மத்திய அமைச்சர் எஸ்.எம். கிருஷ்ணா, முன்னாள் ஜனாதிபதி அப்துல் கலாம் ஆகியோர், இப்பிரச்னையில் குறிப்பிடத்தக்க ஆலோசனைகளை வழங்கியுள்ளனர். அதோடு, இரு நாடுகளையும் சேர்ந்த மீன்பிடி தொழிலுக்கான கூட்டு நடவடிக்கைக் குழு, கடந்த ஜனவரியில் நடத்திய ஆய்வுக் கூட்டத்தில், மீனவர் மீது நடத்தப்படும் தாக்குதலைத் தடுப்பது குறித்து ஆராய்ந்தது.

பல்வேறு ஆலோசனைகள்: இதன் அடிப்படையில், கடலில் குறிப்பிட்ட சில பகுதிகளைக் கண்டறிந்து, அங்கு மட்டுமே அந்தந்த நாடுகளின் மீனவர்கள் மீன் பிடிக்க வேண்டும் என்ற ஆலோசனை முன்வைக்கப்பட்டது. இதன் மூலம், மீனவர்கள் மீது தாக்குதல், கைது போன்ற பிரச்னைகளைக் களைய முடியும் என, அக்குழு எதிர்பார்க்கிறது. இரு நாடுகளுக்கு இடையிலான கடல் பரப்பு மிகவும் குறுகியதாக இருப்பதால், கடல் எல்லை என்பது சில கடல் மைல் தொலைவிலேயே வந்து விடும். அதனால், மீனவர்கள் மீன் பிடிக்க, எல்லை மீற வேண்டிய நிர்பந்தம் ஏற்படுகிறது என்ற வாதம், இப்பிரச்னையில் முன்வைக்கப்படுகிறது.நிலவரம் என்ன? ஆனால், வல்வெட்டித் துறையில் நடந்த மீனவர்கள் சந்திப்பின் போது நிலவரம் வேறு விதத்தில் இருப்பதை உணர முடிந்தது. தங்களுக்குக் கடல் எல்லை ஒரு பிரச்னையே இல்லை என்பதை, அவர்கள் அழுத்தம் திருத்தமாக வலியுறுத்தினர்.

குற்றச்சாட்டு: தமிழகத்தில் தடை செய்யப்பட்ட இழுவைப் படகு, இரட்டை மடி வலை போன்றவற்றைப் பயன்படுத்தி, மீனவர்கள் தங்கள் கடல் வளங்களை அழிப்பதையே அவர்கள் குற்றம்சாட்டினர். அதோடு, தமிழக மீனவர்கள் இழுவைப் படகு பயன்படுத்துவதன் அரசியல் பின்னணியையும், அவர்கள் சுட்டிக் காட்டினர். இந்த விவகாரம் குறித்து, யாழ் மாவட்ட கடல் தொழிலாளர் கூட்டமைப்புகளின் சம்மேளனம் மற்றும் வடமாகாண கடல் தொழிலாளர் கூட்டமைப்புகளின் சம்மேளனம், கடல் தொழிலாளர் கூட்டுறவுச் சங்கம் ஆகிய அமைப்புகளைச் சேர்ந்த, எஸ்.தவரத்தினம், அருள் தாஸ், சூரிய குமார், சந்திரஹாசன் ஆகிய மீனவர் பிரதிநிதிகள் பத்திரிகையாளர்களிடம் கூறியதாவது: தமிழக மீனவர்களை எங்கள் உறவுகளாகத் தான் மதிக்கிறோம். அவர்கள் இங்கு சிறைபட்டால் கூட, அவர்களுக்குத் தேவையான பல்வேறு உதவிகளையும் செய்து, அவர்களை விடுவிப்பதில் அக்கறை காட்டுகிறோம்.

1960களில்...: இந்த விவகாரத்தில், கடல் எல்லை என்பது ஒரு பெரிய பிரச்னையே அல்ல. 1960கள் வரை, இரு நாட்டு மீனவர்களும் பரஸ்பரம் எல்லைகளைத் தாண்டி வந்துதான் மீன்பிடித்துக் கொண்டிருந்தோம். அப்போதெல்லாம் ஒரு பிரச்னையும் இல்லை. காரணம், அப்போது அவர்கள் இழுவைப் படகுகளைப் பயன்படுத்தியதில்லை. ஆனால், 1970க்கு முன்பே இழுவைப் படகுகளை தமிழக மீனவர்கள் பயன்படுத்தத் துவங்கினர்.தடை செய்யப்பட்ட படகுகள்: போர்க் காலகட்டத்தில், கடலுக்குள் செல்ல முடியாதபடி, ராணுவத் தடைகள் இருந்தன. அக்காலகட்டத்தை தமிழக மீனவர்கள் நன்றாகப் பயன்படுத்திக் கொண்டனர். 2009ல் போர் முடிந்த பின், நாங்கள் மீண்டும் மீன்பிடி தொழிலைத் துவக்கிய போது தான் இப்பிரச்னை தலையெடுத்தது. இழுவைப் படகுகள், இரட்டை மடி வலைகள், தங்கூசி வலைகள் போன்றவை, கடல் வளங்களின் அழிவுக்குக் காரணமாக இருப்பதால், அவை இந்தியா மற்றும் இலங்கையில் தடை செய்யப்பட்டுள்ளன. அவற்றை நாங்கள் பயன்படுத்துவதில்லை.

பின்னணி என்ன? இதே நிலைப்பாட்டை தமிழக மீனவர்களும் மேற்கொண்டால், இப்பிரச்னை சுலபத்தில் தீர்ந்து விடும். ஆனால், பிரச்னையைத் தீர்க்கவிடாமல் தடுப்பவர்கள், தமிழகத்தில் உள்ள கோடீஸ்வர பணக்கார மீனவர்கள் தான். அவர்கள் 40 லட்ச ரூபாய் செலவில், இழுவைப் படகையும், 5 லட்ச ரூபாய் மதிப்பிலான இரட்டை மடி வலையையும் வாங்கி, அதைப் பயன்படுத்தும்படி, சாதாரண மீனவர்களை நிர்பந்திக்கின்றனர். அவர்களும் வேறு வழியின்றி அத்துமீறுகின்றனர். தமிழக கடற்பகுதியில் இந்தப் படகுகள், கடந்த 40 ஆண்டுகளாகப் பயன்படுத்தப்படுவதால், அங்கிருந்த கடல் வளங்கள் முற்றிலும் அழிந்து விட்டன. அதனால், தமிழக மீனவர்கள் தற்போது இலங்கைக் கடல் வளங்களைக் குறிவைத்து அத்துமீறுகின்றனர். இந்தக் கடல் வளங்கள் தான் எங்கள் ஆதாரம். இவையும் அழிந்து விட்டால், நாங்கள் எங்கே செல்வோம்?எந்தெந்த மீனவர்கள்? வல்வெட்டித்துறை உள்ளிட்ட வடமராட்சிப் பகுதியில், மொத்தம் மூவாயிரத்து 500 குடும்பங்கள் இந்த மீன்பிடித் தொழிலை நம்பித்தான் வாழ்கின்றன. வல்வெட்டித்துறை கடற்பகுதியில் பெரும்பாலும் நாகப்பட்டினம், ஜகதாபட்டினம் ஆகிய பகுதிகளைச் சேர்ந்த மீனவர்கள் தான் அத்துமீறி உள்நுழைகின்றனர். ராமேஸ்வரம் மீனவர்கள், மன்னார் பகுதியில் அத்துமீறி வருகின்றனர்.

மூன்றே ஆண்டுகளில்...: நூற்றுக்கணக்கான ஆண்டுகளில் உருவாகி வந்த இந்த வளங்கள், சில மாதங்களில் சுவடே தெரியாமல் இழுவைப் படகுகள் மூலம் அழிக்கப்பட்டு விடுகின்றன. இதற்கு முன் காணப்பட்ட அரிய வகை மீன் இனங்கள், தற்போது அழிந்துவிட்டன.இந்த நிலைமை இப்படியே நீடித்தால், மூன்றே ஆண்டுகளில் இலங்கை கடற்பகுதியில் உள்ள அனைத்து வளங்களும் அழிந்து போய் விடும். இதுகுறித்து, பலமுறை பேச்சு நடந்துள்ளது. எனினும், இப்பிரச்னைக்கு எவ்வித தீர்வும் இதுவரை எட்டப்படவில்லை. இப்பிரச்னைக்கு இனி, இருதரப்பு அரசுகளும் தான் சரியான தீர்வு காண வேண்டும். அதன் மூலம், கடல் வளங்கள் அழிக்கப்படாமல் பாதுகாக்கப்பட வேண்டும்.இவ்வாறு, வல்வெட்டித்துறை மீனவ பிரதிநிதிகள் தெரிவித்தனர்.

இலங்கை தமிழ் மீனவர்கள் விளக்கம்

பிரச்னையும் தீர்வும்

* அதிவேகத்தில் செல்லக் கூடிய இழுவைப் படகுகளை, தமிழக மீனவர்கள் பயன்படுத்துகின்றனர். அதோடு, இரட்டை மடி வலைகளையும் வீசுகின்றனர். இவை, கடல் வளங்களை முற்றிலும் அழித்து விடுகின்றன. இதுதான் பிரச்னையின் அடித்தளம்.

* தற்போது தமிழக கடல் எல்லையில் வளங்கள் இல்லாததால், அவற்றைத் தேடி, தமிழக மீனவர்கள் அத்துமீறுவதாக, இலங்கை மீனவர்கள் குற்றம் சாட்டுகின்றனர்.

* இழுவைப் படகு, இரட்டை மடி வலை ஆகியவற்றைப் பயன்படுத்துவதை, தமிழக மீனவர்கள் கைவிட வேண்டும்.

* அப்படிக் கைவிடும்பட்சத்தில், எல்லை தாண்டுதல் என்பது பிரச்னையே இல்லை.

* தமிழக மீனவர்களுக்கு மாற்றுத் தொழில், அதாவது ஆழ்கடல் மீன்பிடிப்பு போன்றவை பயிற்றுவிக்கப்பட வேண்டும்.

* இதன் மூலம், அவர்கள் சர்வதேச கடல் எல்லையில் மீன்பிடி தொழிலை பிரச்னையின்றி நடத்த முடியும். தற்போது, இலங்கையை ஒட்டிய சர்வதேச கடற்பகுதியில் அண்டை நாட்டு மீனவர்கள் வந்து மீன் பிடிக்கின்றனர் என்பது குறிப்பிடத்தக்கது.

* இரு நாட்டு அரசுகளும், பாக்., நீரிணையில் உள்ள கடல் வளங்கள் குறித்து ஆய்வு செய்து, அவற்றைப் பாதுகாப்பதற்கான நடவடிக்கைகளை எடுக்க வேண்டும். இதன் மூலம், மிச்சமிருக்கும் மீன் இனங்களையாவது காப்பாற்ற முடியும்.

2012-02-11T15:58:00.000+11:00

பெண்களுக்கான வலுவூட்டலுக்கும் அபிவிருத்திக்குமான அமைப்பு!!!!!

(WEDF) நிறுவனமானது காத்தான்குடி பெண்களின் நலன் கருதி பெண்கள் பொலிஸ் நிலையத்திற்குச் சென்று தங்களது பிரச்சினைகளை முறைப்பாடு செய்து தீர்வுகளைக் காண்பதற்கு முகம் கொடுக்கின்ற பிரச்சினைகளைக் கருத்திற் கொண்டு பொலிஸ் நடமாடும் சேவை ஒன்றினை காத்தான்குடி நகரசபை உறுப்பினரும் பெண்களுக்கான வலுவூட்டலுக்கும் அபிவிருத்திக்குமான அமைப்பின் பணிப்பாளருமான சல்மா ஹம்ஸா அவர்களின் ஏற்பாட்டில் 11.02.2012 சனிக்கிழமை காலை 9.00 மணி தொடக்கம் நண்பகல் 1.00 மணிவரை பெண்களுக்கு மாத்திரம் நடாத்துவதற்கு ஏற்பாடு செய்யப்பட்டுள்ளது.அடையாள அட்டை பாஸ்போட் காணாமல் போனவர்கள் மற்றும் விவாகரத்து, தாபரிப்பு, காணி சம்மந்தமான பிரச்சினைகளுக்கான தீர்வுகளை வழங்குவதற்காக இந்நடமாடும் சேவையினை நடாத்த ஏற்பாடு செய்யப்பட்டுள்ளது.இந்த நடமாடும் சேவையில் தங்களது பிரச்சினைகளுக்கு தீர்வுகளைக் காண விரும்புவோர் குறிப்பிட்ட நேரத்திற்கு சமூகமளிக்குமாறு இவ்வமைப்பு கேட்டுக் கொள்கின்றது .
இடம்:
WEDF அலுவலகம்
சேர்மன் இப்றாகீம் வீதி
காத்தான்குடி-01

2012-02-11T07:30:00.001+11:00

மிஸ்டு கால் மூலம் பார்க்காமலேயே காதலித்த பெண்ணை நேரில் சந்திந்தபோது, அழகாக இல்லை என்பதால் அவருடன் பஸ் ஸ்டாண்டில் வாக்குவாதம்!!!!!!!

.திருச்சி மாவட்டம் மணப்பாறை அருகே உள்ள மீனவேலியை அடுத்த வெள்ளையகவுண்டம்பட்டியை சேர்ந்தவர் ராமசாமி. கொத்தனார். இவரது மகள் அன்புமொழி(28). சீத்தப்பட்டியை சேர்ந்த மளிகை வியாபாரி கன்னியப்பா.இவர் அன்புமொழியை கடந்த வருடம் 2ம் தாரமாக திருமணம் செய்து கொண்டார். திருமணமான 6 மாதத்தில் இருவருக்கும் கருத்து வேறுபாடு ஏற்பட்டு, அன்புமொழி தாய்வீட்டுக்கே வந்துவிட்டார். அதன்பின் துவரங்குறிச்சியில் உள்ள செல்போன் கடையில் அன்புமொழி வேலை பார்த்து வந்தார். கடந்த 2 மாதத்துக்கு முன் மிஸ்டு கால் மூலம் பன்னாங்கொம்பு அருகே உள்ள பின்னத்தூரை சேர்ந்த ராமநாதன்(25) என்பவருடன் அன்புமொழிக்கு பழக்கம் ஏற்பட்டது. ராமநாதன் கோயம்புத்தூரில் உள்ள ஒரு கடையில் சப்ளையராக வேலை செய்து வருகிறார். பின்னர் ராமநாதனுடன் அன்புமொழி அடிக்கடி செல்போனில் காதல் மொழி பேசத்தொடங்கினார்நேரில் பார்க்காமலேயே காதலித்து வந்ததால் தன்னை வந்து பார்க்கும்படி ராமநாதனிடம் அன்புமொழி கூறியுள்ளார். ராமநாதனும் ஏதாவது ஒரு காரணம் சொல்லி வராமல் இருந்துள்ளார்.

இந்நிலையில் உடனே வந்த தன்னை திருமணம் செய்து கொள்ளும்படியும், இல்லையென்றால் தற்கொலை செய்து கொள்வேன் என்றும் ராமநாதனிடம் அன்புமொழி கூறியுள்ளார். இதனால் அதிர்ச்சியடைந்த ராமநாதன், தான் நேரில் வந்து சந்திப்பதாக கூறியுள்ளார். அதன்படி நேற்று மணப்பாறை பஸ் ஸ்டாண்டுக்கு வரும்படி அன்புமொழியிடம் ராமநாதன் கூறியுள்ளார். மேலும் இந்த விஷயம் பற்றி தனது பெற்றோருக்கும் ராமநாதன் தகவல் தெரிவித்து, அவர்களையும் பஸ் ஸ்டாண்டுக்கு வரச்சொல்லியுள்ளார். இதையடுத்து நேற்று மணப்பாறை பஸ் ஸ்டாண்டுக்கு வந்த ராமநாதன், செல்போனில் அன்புமொழியை தொடர்பு கொண்டார். அப்போது சிறிது தொலைவில் நின்று கொண்டிருந்த அன்புமொழி செல்போனை எடுத்து பேசியுள்ளார். அவரை நேரில் பார்த்த ராமநாதன் அதிர்ச்சியடைந்து, உடனே செல்போனை கட் செய்துவிட்டார்.

அவர் காதலியின் உருவத்தை கற்பனை செய்து வைத்திருந்ததற்கும், நேரில் பார்ப்பதற்கும் சம்மந்தமே இல்லாமல் இருந்ததால் வெறுப்படைந்தார். அதேசமயம் தனது காதலன் போன் செய்து ஏன் கட் செய்தார் என்று தெரியாமல் குழப்பமடைந்து, அவரை தொடர்பு கொண்டபோது, ராமநாதன் செல்போனை சைலன்ட்டில் போட்டுவிட்டு எடுக்கவே இல்லை. அந்த நேரத்தில் ராமநாதனின் பெற்றோர் அன்புமொழியிடம் செல்போனில் பேசி அடையாளம் கண்டு, என் மகனை மயக்கிவிட்டாயே என்று கேட்டு அவருடன் வாக்குவாதம் செய்து கொண்டிருந்தனர். இதை தூரத்திலிருந்து ராமநாதனும் அங்கு சென்று அன்புமொழியிடம் உன்னை திருமணம் செய்து கொள்ள முடியாது என்று கூறியுள்ளார். இதனால் அதிர்ச்சியடைந்த அன்புமொழி பஸ் ஸ்டாண்டில் உருண்டு புரண்டு கதறி அழுதார். இதனால் பஸ் ஸ்டாண்டே களேபரம் ஆனது.

தகவலறிந்த மணப்பாறை இன்ஸ்பெக்டர் கும்மராஜா மற்றும் போலீசார் அங்கு சென்று அன்புமொழி, ராமநாதன், அவரது பெற்றோரை போலீஸ் ஸ்டேஷனுக்கு அழைத்துச் சென்றனர். எஸ்ஐ கோமதி விசாரித்தபோது தான், அன்புமொழிக்கு ஏற்கனவே திருமணமான விஷயம் தெரியவந்தது. இதனால் ராமநாதனை திருமணம் செய்து வைக்க சட்டத்தில் இடமில்லை என அன்புமொழியிடம் போலீசார் கூறினர். தகவலறிந்த அங்கு வந்த அன்புமொழியின் கணவர் கன்னியப்பாவும், இப்போது தனது மனைவி தன்னுடன் வந்தால் வாழ விரும்புவதாக கூறினார். ஆனால் திருமணம் செய்தால் ராமநாதனை தான் திருமணம் செய்வேன். கன்னியப்பாவுடன் செல்ல மாட்டேன் என கூறிவிட்டு, தனது சகோதரருடன் சென்றுவிட்டார். அப்பாடா தப்பிச்சேன் என்ற திருப்தியில் பெற்றோருடன் அங்கிருந்து நடையை கட்டினார் ராமநாதன்.

2012-02-11T07:16:00.000+11:00

'வெளிநாடுகளுக்குப் போவது என்பது ஒரு வீண்வேலை. அவற்றை எல்லாம் விடுத்து நம் நாட்டில் நன்றாக சுயதொழில்களை மேற்கொள்ளலாம்!!!!!!

நம்மவர்கள் எதிலும் கௌரவம் பார்ப்பவர்களாகத்தான் உள்ளார்கள். வெளிநாட்டுக்குப் போயும் இங்கு கஷ்டப்படுவது போல்தான் அங்கேயும் பல கஷ்டங்களைப்படுகின்றனர்' என மீள்குடியேற்றப் பிரதி அமைச்சர் விநாயகமூர்த்தி முரளிதரன் தெரிவித்துள்ளார்.மட்டக்களப்பு வவுணதீவு பிரதேச செயலகத்தில் இலங்கைக்கான தேசிய சிறுவர் நிதியத்தின் அனுசரணையுடன் தேசிய இளைஞர் சேவை மன்றத்தினால் வியாழக்கிழமை நடத்தப்பட்ட இளைஞர், யுவதிகளுக்கான சைக்கிள்கள் வழங்கும் நிகழ்வில் பிரதம அதிதியாக கலந்து கொண்டு உரையாற்றுகையிலேயே அவர் இவ்வாறு கூறினார். அங்கு அவர் தொடர்ந்து உரையாற்றுகையில்,30 வருடகாலம் சண்டை பிடித்தோம். அதில் எந்த பிரயோசனமும் இல்லை. அதனால் அந்த யுத்தத்தினை நான் தான் நிறுத்தினேன். இல்லையேல் தற்போது பச்சை ரீசேட் போட்டுள்ளவர்கள் இன்னுமொரு பச்சை ரவுசரை போட்டுக்கொண்டு ஆளுக்கொரு துவக்கோடு நின்றிருப்போம். இது எல்லாவற்றையும் பார்த்துவிட்டு இந்த யுத்தம் வேண்டாம் என்று நானே கூறினேன்.

தற்போது இருக்கின்ற பாரிய பிரச்சினை என்னவென்றால் வேலைவாய்ப்பு பிரச்சினையாகும். மட்டக்களப்பு மாவட்டத்தில் மட்டும் சுமார் 1,800 பட்டதாரிகள் உள்ளனர். கிழக்கில் 2,800 இற்கும் மேலும் வடகிழக்கில் 8,000 பட்டதாரிகளும் உள்ளனர். இதனைவிட க.பொ.த. சாதாரண, உயர்தரம் படித்தவர்கள் அநேகம்பேர் வேலை இல்லாமல் உள்ளனர்.இவைகள் அனைத்தும் கடந்த 30 வருடகால யுத்தம் தந்த சுமைகளாகும். கடந்த யுத்தத்தில் பல பெறுமதியான உயிரிழப்பு, சொத்து இழப்பு, எத்தனையோ பிள்ளைகள் தந்தை, தாய் இல்லாமல் தவிக்கின்றார்கள். இளைஞர், யுவதிகளுக்கு வேலைவாய்ப்பு இல்லை என்றெல்லாம் பாரிய பிரச்சினைகளையே எமது மக்கள் எதிர்நோக்குகின்றார்கள்.இவற்றை எல்லாம் மையப்படுத்தித்தான் வவுணதீவுப் பிரதேசத்தினைத் தெரிவு செய்து 120 இலட்சம் ரூபா நிதி செலவில் இத்திட்டம் நடைமுறைப்படுத்தப்படுகின்றது. கனரக வாகன ஓட்டுனர் பயிற்சி, கணினிப் பயிற்சி போன்றவற்றுக்கு இவ் அமைப்பு முக்கியத்துவம் கொடுத்து இளைஞர், யுவதிகளை ஊக்கப்படுத்தியுள்ளார்கள். சாதாரணமாக கனரக வாகன சாரதிகள் 40 தொடக்கம் 50 ஆயிரம் ரூபா வேதனம் மாதாந்தம் பெறுகின்றார்கள்.

தற்போது எழுந்துள்ள வேலையில்லாப் பிரச்சினைக்கு இதுபோன்ற கைத்தொழில்களையும் சுயதொழில்களையும் மேற்கொள்ள வேண்டும். ஏனெனில் அரசாங்கத்திடம் அனைவருக்கும் தொழில் வழங்குவதற்கு பணம் இல்லை. பணம் இருந்தாலும் ஒரே நேரத்தில் அனைவருக்கும் தொழில் வழங்க முடியாது. அதனைக் கட்டம் கட்டமாகத்தான் மேற்கொள்ளமுடியும்.

மட்டக்களப்பில் அனைத்து அரசசார்பற்ற நிறுவனங்களையும் ஒன்றிணைத்து நான்தான் செயற்பட்டு வருகின்றேன். அதில் மக்கள் மத்தியில் சுயதொழில், கைத்தொழில் போன்றவற்றை ஊக்கப்படுத்தும் நடைமுறைகளை மேற்கொள்ளவுள்ளோம். மட்டக்களப்பு மாவட்டத்தில் தற்போது விவசாயம் மேலோங்கி காணப்படுகின்றது. மீன்பிடி, கால்நடை வளர்ப்பு, சுற்றுலாத்துறை என்பன வளர்ச்சியடைந்துள்ளன. தற்போது 2,000 இளைஞர்கள் பாசிக்குடா, கல்குடா போன்ற பகுதிகளில் சுற்றுலாத்துறையை மையப்படுத்தி வேலை செய்கின்றார்கள்.

நம்மவர்கள் எதிலும் கௌரவம் பார்ப்பவர்களாகத்தான் உள்ளார்கள். வெளிநாட்டுக்குப் போயும் இங்கு கஷ்டப்படுவதுபோல் தான் அங்கேயும் பல கஷ்டங்களைப்படுகின்றார்கள். வெளிநாடுகளுக்குப் போவது என்பது ஒரு வீண்வேலை. அவற்றையெல்லாம் விடுத்து நம் நாட்டில் நன்றாக சுயதொழில்களை மேற்கொள்ளலாம். யுத்த காலத்தில் வவுணதீவுப் பாலத்தினால் போகமுடியாது. இளைஞர்கள், யுவதிகள் நடமாட முடியாது. தொழிலுக்குப் போனவர்கள் திரும்பி வரமாட்டார் என பல கஷ்டங்களை
நம்மக்கள் அனுபவித்தனர்.

இவைகள் தற்போது இல்லை. நமக்கு என்று ஓர் அரசியல் அதிகாரம் உள்ளது. அதற்காக காணி அதிகாரம், பொலிஸ் அதிகாரம் நமக்கு எதற்குத் தேவை? நம் மக்களுக்கு அபிவிருத்தித்தான். நீங்கள் யோசிப்பீர்கள் 'என்னடா அம்மான் காணி பொலிஸ் அதிகாரங்கள் தேவையில்லை என்று அறிக்கைகள் விடுறார்' என்று. அது கிடைக்கப் போவதுமில்லை. ஆனால் தமிழ் தேசியக் கூட்டமைப்பு எல்லாம் தற்போது கத்துவார்கள். இதனால் எந்தவித பயனுமில்லை. காணி என்றால் அது உரிய பிரதேச செயலாளருக்குத்தான் சொந்தம். நமது தமிழ் பிரதேசத்தில் தமிழ் பிரதேச செயலாளர்கள் தான் உள்ளார்கள். அவரிடம் கூறினால் அவர் யாருக்கும் காணியை கொடுக்கமாட்டார்.

இதனை விடுத்து நமது இளைஞர், யுவதிகளுக்கு தொழில்வாய்ப்பு சுயதொழில்கள் பற்றி யாரும் கதைக்கின்றார்களா. இல்லை மட்டக்களப்பு மாவட்டத்தில் ஆறரைக் கோடி ரூபா செலவில், 22 பாடசாலைகள் புனரமைக்கப்படுகின்றன. கடந்த 2011ஆம் ஆண்டில் மட்டக்களப்பு மாவட்டத்தில் 93 கிராமங்களுக்கு மின்சாரம் வழங்கினோம். இவ்வருடத்தில் மாவட்டத்தில் 95 சதவீதத்திற்கு மக்களின் மின்சாரத் தேவையைப் பூர்த்தி செய்யவுள்ளளோம். 11 ஆயிரம் மில்லியன் ரூபா செலவில் வவுணதீவில் நீர் சுத்திகரிப்பு நிலையத்தினை நிறுவியுள்ளோம். இதனால் மூன்று இலட்சம் மக்கள் நன்மையடைகின்றார்கள்.

சைல்ட் பண் நிறுவனம் மட்டக்களப்பில் கடந்த 6,7,வருடகாலமாக மிகவும் திறம்பட இயங்கிக்கொண்டு வருகின்றது. வவுணதீவுப் பிரதேசத்தில் 7 சதவீதமானவர்கள்தான் அரசாங்கத் தொழிலில் உள்ளனர். ஏனையவர்கள் கூலித்தொழிலிலும் விவசாயத்திலும் ஈடுபடுகின்றனர். அரசாங்கம் என்னிடம் அபிவிருத்திக்குழு தலைவராக நான் வகிக்கக்கூடிய இடத்தினைத் தெரிவுசெய்து தருமாறு கோட்டபோது அதற்கு நான் வவுணதீவு, பட்டிப்பளை, வெல்லாவெளி ஆகிய பிரதேசங்களைத்தான் தெரிவுசெய்தேன். ஏனெனில், இந்தப் படுவான்கரைப் பிரதேசம் கடந்த காலங்களில் மிகவும் யுத்தத்தினால் பாதிக்கப்பட்ட பிரதேசமாகும். இதனை அனைவரும் இணைந்து கட்டியெழுப்ப வேண்டும். இந்த அபிவிருத்திகள் கட்டம் கட்டமாகத்தான் நடைபெற்று வருகின்றன.

தற்போது மட்டக்களப்பு மாவட்டத்தில் வீதிகள் புனரமைப்பு, பாலங்கள் கட்டுதல், வீட்டுத் திட்டங்கள், போக்குவரத்து வசதிகள், வைத்தியசாலைகள் புனரமைப்பு இவைகள் அனைத்தும் மேற்கொள்ளப்பட்டு வருகின்றன. 30 வருடகால இழப்பை மிகக் குறுகிய காலத்தில் அபிவிருத்தி செய்துவிட முடியாது. கடந்த இரண்டு வருடத்தில் மட்டக்களப்பு மாவட்டம் பாரிய அபிவிருத்தியைக் கண்டுள்ளது. அரசு வட கிழக்கிற்குத்தான் அதிகளவு நிதியினை ஒதுக்கியுள்ளது. இதனைப் பயன்படுத்தி நமது பகுதியை அபிவிருத்தியடையச் செய்வோம்' எனக் கூறினார்.இந்நிகழ்வில் இளைஞர் சேவை மன்றத்தின் உதவிப் பணிப்பாளர் ஏ.ஜே.கபூர், பிரதேச செயலாளர், என்.வில்வரெத்தினம், இலங்கைக்கான சிறுவர் நிதியத்தின் மட்டக்களப்பு பிராந்தியப் பணிப்பாளர் வேணாட் பிரகாஸ் கிராம சேவை அதிகாரிகள், இளைஞர், யுவதிகள் என பலர் கலந்து கொண்டனர்.

2012-02-10T23:14:00.002+11:00

குறைந்தளவிலான மக்களைக் கொண்டஒரு தீவாக விளங்கும் 'மாலை" தீவில் நடந்தது தான்என்ன!!!!!!!

அன்று செவ்வாய்க்கிழமை! ஜனாதிபதி மொஹமட் நஷீட் எதிர்பார்த்திராத நாள் என்று கூடக் கூறலாம். திடீரென நாடளாவிய ரீதியில் வெடித்த பாரிய ஆர்ப்பாட்டம். முஹமட் நஷீட் பதவிவிலக வேண்டும் என்பதே ஆர்ப்பாட்டத்தின் பிரதான கருப்பொருளாக இருந்தது. இந்நிலையில் செய்வதறியாது , சொல்வதறியாது தடுமாறிய ஜனாதிபதி முஹம்மது நஷீட் தனது பதவியை இராஜினாமா செய்தார். அவரது பதவி விலக்கல் ஒரு திட்டமிட்ட சதியா? அல்லது சர்வதேசங்களின் மறைமுக அழுத்தமா என்ற கேள்வி எழும்புகின்றது. அமைதியாக இருந்த இந்த மாலைதீவில் உண்மையில் நடந்தது தான் என்ன என்று அறிந்து கொள்வதற்கு பலரும் பெரும் ஆவலாக இருக்கின்றார்கள். ஆம் என்ன நடந்திருக்கும் என்பதை சற்று விரிவாகப் பார்ப்போம்.

கிட்டத்தட்ட நான்கு இலட்சம் மக்களைக் கொண்ட இந்த சிறிய தீவுக்கு ஜனநாயக ரீதியில் தெரிவு செய்யப்பட்டவர் முஹம்மது நஷீட். சுமார் மூன்று தசாப்தங்களாக மாலைதீவைத் தன்பிடிக்குள் வைத்திருந்த முன்னாள் ஜனாதிபதி அப்துல் கையூமை 2008 ஆம் ஆண்டு இடம்பெற்ற தேர்தலில் தோற்கடித்து முஹம்மது நஷீட் மக்களால் பெரும் ஆதரவுடன் ஜனநாயக ரீதியில் தெரிவு செய்யப்பட்டார்.

தான் ஜனாதிபதியாகத் தெரிவு செய்யப்பட்ட நாளிலிருந்து நாட்டின் நலன் கருதி பல்வேறு திட்டங்களை முன்னெடுத்து வந்துள்ளார். சுன்னி இஸ்லாமிய நாடான மாலைதீவில் இந்த வருட முற்பகுதியில் அறிமுகப்படுத்திய நவீன திட்டங்களின் பின்னரே இவ்வாறான வெடிப்பதற்கு பிரதான காரணமாக அமைந்திருந்துள்ளது என்று தெற்காசிய ஊடகங்கள் அண்மையில் வெளியிட்டுள்ள செய்திகளிலிருந்து அறியக்கூடியதாக உள்ளது.

இதுவும் உண்மையா? இவ்வாறு கூறப்பட்டாலும் அந்நாட்டின் குற்றவியல் நீதிமன்ற சிரேஷ்ட நீதிபதி அப்துல்லாஹ் முஹம்மதுவை கைது செய்வதற்குக் கட்டளையிட்டதற்கமைய இராணுவம் கைது செய்தமையும் அதனால் ஏற்பட்ட பொலிஸார் ஆதரவுடனான கலகமுமே நசீட் பதவி விலகி தனது துணை ஜனாதிபதியான டாக்டர் வாகிட் பதவியேற்க வழிவகுத்ததாகத் தெரிவிக்கப்பட்டது.

புதிய ஜனாதிபதி பதவியேற்ற மறுநாளே கைது செய்யப்பட்ட தலைமை நீதிபதி விடுவிக்கப்பட்டதுடன், வன்முறைகளும் தொடர்ந்த வண்ணமுள்ளன. இதன் உச்சக்கட்டமாக புதன்கிழமை இரவு இடம்பெற்ற பொலிஸார் ஆர்ப்பாட்டக்காரர்கள் மோதலில் பலர் காயமடைந்ததாகவும் அதில் பதவி விலகிய நசீட்டும் ஒருவரெனவும் செய்திகள் வெளியாகியுள்ளன.

இதேவேளை இருதரப்பினரும் அமைதி காக்க வேண்டும் என்று ஐ.நா மற்றும் அமெரிக்கா ,பிரித்தானியா உட்பட ஐரோப்பிய நாடுகளும் தெரிவித்திருக்கின்றன. இந்நிலையில் மாலைதீவு பிரச்சினைக்கு இந்தியா, சீனா ஆகிய நாடுகளும் பின்னணியில் இருப்பதாக வெளிநாட்டு ஊடகங்களில் கிடைக்கும் செய்திகள் மூலம் அறியக்கூடியதாக உள்ளது. எனினும் இலங்கையைப்போன்று மாலைதீவும் முக்கிய கேந்திர மையமாக இருப்பதால் இந்திய குறியாக இருக்கலாம் எனவும் நம்பப்படுகின்றது.

முன்னாள் ஜனாதிபதி முஹம்மது நஷீட் கொழும்பில் கல்வி பயின்றவர். அது மட்டுமன்றி பல உறவினர்கள் மற்றும் நண்பர்கள் இலங்கையில் இருக்கின்றார்கள். கடந்த நான்கு வருடங்களுக்கு முன்னர் மாலைதீவு ஆட்சி அதிகாரத்தைக் கைப்பற்றுவதற்கு அவர் இலங்கையிலிருந்து செயற்பட்டிருக்கிறார் என்று நம்பத்தகுந்த வட்டாரங்களிலிருந்து அறியக்கூடியதாக உள்ளது. எனினும் இந்த விடயம் பெரும்பாலானவர்கட்கு தெரிந்திருக்க வாய்ப்பில்லை என்று கூறலாம்.

ஆம்! தான் 2008 ஆம் ஆண்டு பதவியேற்றதன் பின்னர் தனது முதலாவது அமைச்சரவைக் கூட்டத்தைக் கடலுக்கடியில் நடத்தி சர்வதேசத்தை தன்பால் கவரச் செய்தவர் நஷீட். மக்களை பகடைக்காய்களாக்கி தான் தொடர்ந்தும் பதவியில் இருக்க வேண்டியதொரு தேவையில்லை என்றதற்கமைய தனித்தன்மை வாய்ந்த சிறந்த தலைவனாக இருந்தவர் இவர். மக்கள் ஆர்ப்பாட்டத்தில் ஈடுபட்ட மாலே நகர் வீதிக்கு நேரடியாக வந்த அதிபர் நஷீட் ஆர்ப்பாட்டக்காரர்களிடம் சென்று விளக்கமளிக்க முற்பட்டார். கலகக்காரர்கள் ஜனாதிபதி பதவி விலக வேண்டும் என்று பிடிவாதமாக இருந்தனர். இதற்கிடையில் தனது ஆதரவாளர்களுக்கும், எதிரணி ஆதரவாளர்களுக்குமிடையே இரத்தக் களரி ஏற்படுகின்ற நிலை அங்கு தோன்றியது.

அங்கிருந்து அகன்ற ஜனாதிபதி நஷீட், தான் மாலைதீவில் சட்டரீதியாக ஜனநாயக முறைப்படி பதவிக்கு வந்த நிலையிலும் மக்களைக் காயப்படுத்திக் கொண்டு அவர்களின் இரத்தத்தின் மேல் நின்று அதிகார பீடத்தில் இருக்க விரும்பவில்லை என்று தொலைக்காட்சியினூடாக கூறியதுடன் தனது சகாவிடம் பதவியையும் ஒப்படைத்தார். அத்துடன் தன்னைப் பதவி விலகுமாறு நிர்ப்பந்திக்கப்பட்டதாகவும் பொலிஸார் தன்னை ஆயுத முனையில் அச்சுறுத்தி பதவி விலக்க கோரியதாகவும் வெளிநாட்டு ஊடகமொன்றுக்கு வழங்கிய செவ்வியில் குறிப்பிட்டிருந்தார்.

இந்நிலையில் நேற்று முன்தினம் புதன்கிழமை இரவு நஷீட்டின் மனைவி லைலா மற்றும் அவரது பிள்ளைகள் இருவர் பாதுகாப்புக் கருதி இலங்கையில் தஞ்சமடைந்துள்ளனர். இது இவ்வாறிருக்க நேற்று வியாழக்கிழமை மாலைதீவு குற்றவியல் நீதிமன்றம் முன்னாள் ஜனாதிபதி நஷீட்டுக்கு பிடியாணை பிறப்பித்துள்ளது. இதனை அறிந்தவுடன் ஜனாதிபதி மஹிந்த ராஜபக்ஷ அவரது பாதுகாப்பு நிலைவரம் தொடர்பில் தொலைபேசியில் கேட்டறிந்துள்ளார். அது மட்டுமா அவருக்கு உரிய பாதுகாப்பை வழங்குமாறு அந்நாட்டின் தற்போதைய நிர்வாகத்திற்கு வலியுறுத்தியுள்ளதாகவும் தகவலறிந்த வட்டாரங்கள் தெரிவித்துள்ளன. இந்நிலையில் அவரது மனைவி மற்றும் பிள்ளைகளுக்கு உரிய பாதுகாப்பு வழங்குமாறு பொலிஸ்மா அதிபருக்கு ஜனாதிபதி மகிந்த ராஜபக்ஷ பணிப்புரை வழங்கியுள்ளதாகவும் பிந்திய தகவல்கள் மூலம் அறியக்கூடியதாக உள்ளது. இந்த பதற் நிலை தொடருமா? அல்லது சுமுகமான நிலை ஏற்படுமா? பொருத்திருந்துதான் பார்க்க வேண்டும்

2012-02-10T23:04:00.003+11:00

தமிழ் தேசிய கூட்டமைப்புக்கும் ஐக்கிய தேசிய கட்சிக்கும் இடையிலான சந்திப்பு ஒன்று நேற்று இடம்பெற்றுள்ளது!!!!!!!

நாடாளுமன்ற கட்டிடத் தொகுதியில் இடம்பெற்ற இந்த சந்திப்பில், தமிழ் தேசிய கூட்டமைப்பு சார்பில் நாடாளுமன்றக் குழுத் தலைவர் ரா.சம்பந்தன், சுரேஷ் பிரேமசந்திரன், செல்வம் அடைக்கலநாதன் மற்றும் எம்.சுமந்திரன் ஆகியோர் கலந்துக் கொண்டனர்.ஐக்கிய தேசிய கட்சி சார்பில், கட்சித் தலைவர் ரணில் விக்ரமசிங்க, பொது செயலாளர் திஸ்ஸ அத்தநாயக்க, நாடாளுமன்ற உறுப்பினர்களான மங்களசமரவீர, ஜெயலத் ஜெயவர்தன ஆகியோர் கலந்துக் கொண்டனர்...தேசியப் பிரச்சினைக்குத் தீர்வு காண்பதற்காக அரசாங்கத்தினால் முன்மொழியப்பட்டுள்ள நாடாளுமன்றத் தெரிவுக் குழுவில் பங்குபற்றுவது தொடர்பாக ஐக்கிய தேசியக்கட்சிக்கும் தமிழ் தேசியக் கூட்டமைப்புக்கும் இடையில் நேற்று வியாழக்கிழமை பேச்சுவார்த்தை இடம்பெற்றதாக தகவலறிந்த வட்டாரங்கள் தெரிவித்தன.அரசாங்கத்துக்கும் தமிழ் தேசியக் கூட்டமைப்புக்கும் இடையிலான பேச்சுவார்த்தைகளில் இரு தரப்பினரும் அடிப்படை அம்சமொன்றை கொண்டிருப்பது சிறந்தது எனவும் இல்லாவிட்டால் இப்பேச்சுவார்த்தை மிக நீண்ட பயணமாக அமைந்துவிடும் எனவும் ஐ.தே.க. வலியுறுத்தியுள்ளது.அரசாங்க – த.தே.கூட்டமைப்பு பேச்சுவார்த்தைகளுக்கான அடிப்படையாக 13ஆவது திருத்தச்சட்டத்தை அர்த்தபூர்வமாக அமல்படுத்துவதற்கு இரு தரப்பினரும் இணங்குவது நல்லது எனவும் ஐ.தே.க. கூறியுள்ளது.அதேவேளை தமிழ் தேசியக் கூட்டமைப்பு ஒருபோதும் கடினமான தீர்வை எதிர்பார்க்கவில்லை எனவும் அக்கட்சி தெரிவித்துள்ளது. அத்துடன், யதார்த்தமான, நிலைத்துநிற்கக் கூடிய தீர்வையே தமிழ் மக்கள் விரும்புவதாகவும் த.தே.கூட்டமைப்பு இச்சந்திப்பில் தெரிவித்துள்ளது.

2012-02-10T18:36:00.004+11:00

பதின்மூன்று மாதங்களாக நான் சாவோடு போராடி வருகிறேன். அதிலிருந்து மீண்டுவர கருணை உள்ளம் கொண்டவர்களே எனக்கு உதவுங்கள்

இல.37, வைத்தியசாலை வீதி, திருநகர் வடக்கு, கிளிநொச்சியை சேர்ந்தவர் முருகேசு குகதாஸ்(வயது-40). வன்னி யுத்ததின் இறுதி வரை சென்று தப்பித்து வந்த போதிலும் காலன் அவரை விடுவதாயில்லை.யுத்தத்தின் இறுதி நாள் அவலங்கள் அவரது இரு சிறுநீரகங்களையும் செயலிழக்க செய்துவிட்டது. மூன்று தடைவை மரணத்தின் இறுதி வரை சென்று தப்பி பிழைத்துள்ள அவர் தற்போது கொழும்பிலுள்ள தனியார் வைத்தியசாலையொன்றினில் சிறுநீரக சத்திர சிகிச்சைக்காக உங்கள் உதவி நாடி காத்திருக்கிறார்.

வங்கிக் கணக்கு இலக்கம்::8060089027

0094775021153

0094778394544

2012-02-10T18:22:00.000+11:00

மாலைதீவு முன்னாள் ஜனாதிபதியின் குடும்பத்திற்கு பாதுகாப்பு வழங்க: ஜனாதிபதி மஹிந்த ராஜபக்ஷ உத்தரவிட்டுள்ளார்!!!!!!!!

மாலைத்தீவு முன்னாள் ஜனாதிபதி மொஹமட் நஷீட்டின் மனைவி அவரது மகளுடன் இலங்கை சென்றுள்ளதுடன் அவர்களுக்கு பாதுகாப்பு வழங்குமாறு ஜனாதிபதி மகிந்த ராஜபக்ஸ நேற்று (09) காவற்துறை மா அதிபருக்கு உத்தரவிட்டுள்ளார். மாலைத்தீவு முன்னாள் ஜனாதிபதியின் பாரியார் நேற்று முன்தினம் தனது மகளுடன் இலங்கை சென்றார்.அதேவேளை முன்னாள் ஜனாதிபதி நஷீட்டுக்கு பாதுகாப்பு வழங்குமாறும், ஜனாதிபதி மகிந்த ராஜபக்ஷ, புதிய ஜனாதிபதி மொஹமட் வாஹிட் ஹசனிடம் கேட்டுக்கொண்டுள்ளார். இலங்கையில் தஞ்சமடைந்துள்ள மலைத்தீவின் முன்னாள் ஜனாதிபதியின் பாரியார் , ஜனாதிபதி மகிந்த ராஜபக்ஷவை தொலைபேசியில் தொடர்புக்கொண்டு, தனது கணவருக்கு பாதுகாப்பு வழங்க தலையீடுகளை மேற்கொள்ளுமாறு கேட்டுக்கொண்டதாக ஜனாதிபதியின் ஊடகப் பணிப்பாளர் பந்துல ஜயசேகர தெரிவித்துள்ளார்.இது குறித்து ஜனாதிபதி மகிந்த ராஜபக்ஸ, மலைத்தீவின் புதிய ஜனாதிபதியுடன் தொலைபேசியில் தொடர்புக்கொண்டு கலந்துரையாடியதாகவும் ஜயசேகர கூறியுள்ளார்.

2012-02-10T18:15:00.000+11:00

ஐரோப்பா நாடுகளில் புலிகளின் 420 பாடசாலைகள் இயங்கி வருவதாக கொழும்பு பத்திரிகை செய்தி வெளியிட்டுள்ளது!!!!!!!

புலம்பெயர் புலி மக்களினால் இந்தப் பாடசாலைகள் நடத்தப்பட்டு வருகின்றன. ஜெர்மன், சுவிட்சர்லாந்து. பிரான்ஸ், நெதர்லாந்து மற்றும் டென்மார்க் ஆகிய நாடுகளில் இந்தப் பாடசாலைகள் இயங்கி வருகின்றதாக தெரிவிக்கப்பட்டுள்ளது.நான்கு முதல் இருபத்து ஒன்று வயது வரையிலான 20 ஆயிரம் மாணவர்கள் இந்தப் பாடசாலைகளில் கல்வி பயில்கின்றனர் எனவும் பாடசாலை மாணவர்களிடம் அறவீடு செய்யப்படும் நிதி புலிகளின் சர்வதேச வலையமைப்பு பயன்படுத்துகின்றது எனவும் குறிப்பிடப்பட்டுள்ளது.மேலும், தமிழ்ச் சோலை என்ற பெயரில் இந்தப் பாடசாலைகள் இயங்கி வருவதாக அரச புலனாய்வுப் பிரிவினர் தெரிவித்துள்ளனர்.சிங்கள மக்களுக்கு எதிராக ஐரோப்பிய வாழ் தமிழ் சிறுவர்களை தூண்டும் வகையில் பாடங்கள் போதிக்கப்படுவதாக கொழும்பிலிருந்து வெளிவரும் திவயின செய்தி வெளியிட்டுள்ளது

2012-02-10T08:21:00.000+11:00

புலம்பெயர் நாடுகளில் செயற்படும் டயஸ்போறா புலிகளெனவும் அவர்களுடன் தமிழ் தேசியக் கூட்டமைப்பின் தலைவர் சம்பந்தனுக்கும் தொடர்பு பாராளுமன்ற உறுப்பினரான அஸ்வர்!!!!!!

பாராளுமன்றத்தில் நடைபெற்ற பெருந்தெருக்கள் மீதான சட்டமூலத்தில் கலந்துகொண்டு உரையாற்றிய தமிழ் தேசியக் கூட்டமைப்பின் மட்டக்களப்பு மாவட்ட பாராளுமன்ற உறுப்பினர் பா.அரியநேத்திரன் 2009ம் ஆண்டுடன் அரசாங்கம் புலிகளை அழித்துவிட்டதாக கூறி அரசியல் செய்த நீங்கள் இப்போது கூட்டமைப்பு அரசாங்கத்தை விமர்சித்தால் அதற்கு தகுந்த பதில் தராமல் கூட்டமைப்பு புலிகள் கேட்டதையே கேட்கின்றது கூட்டமைப்புக்கு புலிகளுடன் தொடர்பு என மீண்டும் புலிகளை வைத்து அரசியல் செய்வது நீங்கள் தான் நாங்கள் இல்லை என கூறியபோது இடைமறித்து வாக்குவாதத்தில் ஈடுபட்ட அஸ்வர் எம்.பி. உங்களது தலைவர் சம்பந்தன் புலம்பெயர் நாடுகளுக்குச் சென்று டயஸ்போறா புலிகளை சந்தித்து பேசியுள்ளார். அவருக்கு டயஸ்போறா புலிகளுடன் தொடர்புள்ளது எனவும் கூறியுள்ளார்

2012-02-10T08:18:00.000+11:00

மேற்கு ஆபிரிக்க நாடான டோஹோ நாட்டிலுள்ள "லுமி" நகருக்கு சட்டவிரோத பயண ஏற்பாடுகளினால் அழைத்துச் செல்லப்பட்ட இலங்கைத் தமிழர்கள் !!!!!!!

கனடாவிற்கென அழைத்துச் செல்லப்பட்டு டோஹோ நகரில் நிர்க்கதியான நிலையில் தற்போது அந்நாட்டு முகாமொன்றில் இவர்கள் தடுத்து வைக்கப்பட்டுள்ளார்கள். இவர்களில் இரண்டாவது தொகுதியினராக 28 பேர் கடந்த திங்கட்கிழமை நாடு திரும்பியுள்ளனர். இந்த 28 பேரில் 14 பேர் மட்டக்களப்பு மாவட்டத்தைச் சேர்ந்தவர்கள்.

அவர்களில் ஒருவர் இது தொடர்பாக தெரிவிக்கையில்.

டோஹோ நாட்டிலுள்ள "லுமி" நகரில் ஐந்து வீடுகளில் தங்கவைக்கப்பட்ட எங்களை பராமரிக்கும் பொறுப்பை முகவருடைய உறவினர்கள் ஏற்றிருந்தார்கள். அவர்களிடம் உணவுக்காக பிரதான முகவரினால் பணம் கொடுக்கப்பட்டது. அவர்கள் அதை எங்களிடம் தரவில்லை. நாம் அடிப்படை வசதிகளின்றி கஷ்ரப்பட அவர்கள் சொகுசு வாழ்கை வாழ்ந்தார்கள். தொலைபேசியில் தொடர்பு கொள்ள மறுக்கப்பட்டது. அப்படி தொடர்பு கொள்வதென்றால் அவர்களால் ஓட்டுக் கேட்கும் வகையில் ஏற்பாடு செய்து தரப்படும். இந்த தொலைபேசி தொடர்பு கூட மலேசியாவிலிருந்து இணைப்பு ஏற்பாடு செய்யப்படும். இதுவும் ஒருமுறைதான் வசதி செய்யப்படும்.நாங்கள் தங்கவைக்கப்பட்ட இடங்களில் முகவருடைய ஆட்களும் தங்கிருந்தார்கள் அவர்களுக்கிடையில் இடம்பெறும் உரையாடலின் போது மேற்கு ஆபிரிக்காவில் ஹானா உட்பட இன்னும் ஓரிரு நாடுகளில் ஆட்கள் தங்க வைக்கப்பட்டுள்ளார்கள் குறிப்பாக ஹானா நாட்டில் சுமார் 400 பேர் இருக்கிறார்கள்.நாங்கள் தங்கியிருந்த டோஹோவில் எங்களது முகவரை விட ஏனைய இரு முகவரின் ஆட்களும் பல வீடுகளில் இலங்கையர்கள் தங்க வைக்கப்பட்டுள்ளார்கள். இப்படி தங்க வைக்கப்பட்டுள்ளவர்கள் உணவு உட்பட பலவகையில் கஷ்டப்பட்டுவருவதாக என்னால் அறிய முடிகிறது. அது மட்டுமின்றி வீசா முடிவடைந்த நிலையில் வெளியே செல்ல முடியாது வீடுகளில் மறைத்து வைக்கப்பட்டுள்ளார்கள்.நாங்களும் இப்படித்தான் அங்கு வைக்கப்பட்டோம். இந்த சட்டவிரோத பயண ஏற்பாட்டாளர்களால் குறித்த வீடுகளில் நாம் தங்கவைக்கப்பட்டிருந்தோம் என்பதை விட அடைத்து வைக்கப்பட்டோம் என்றுதான என்னைப் பொறுத்தவரை கூற முடியும். இப்படி இன்னும் பலர் அந்த நாட்டில் உள்ளார்கள். இதனை எமது நாட்டில் உள்ளவர்கள் அறியவேண்டும்.

இப்படி தங்க வைக்கப்பட்டிருந்த வேளை நவம்பர் மாதம் 20ஆம் திகதி நாங்கள் தங்க வைக்கப்பட்ட இடம் என்பதை விட முகவரினால் தடுத்து வைக்கப்பட்ட இடம் இந்நாட்டு இராணுவத்தினரால் சுற்றிவளைக்கப்பட்டு கைது செய்யப்பட்டோம். அதற்கு முதல் நாள் அங்கு தங்கியிருந்த முகவரின் ஆட்கள் எங்களின் பணத்தை பெற்று சென்றுவிட்டனர். அதன் பின்புதான் நாங்கள் கைதுசெய்யப்பட்டோம். இதனை நோக்கும் போது இது ஒரு திட்டமிட்ட செயல் என்று கருதுகிறோம். அப்படியிருந்தும் முகவரின் ஆட்கள் எனக் கூறப்படும் சிலரும் எம்முடன் கைதானார்கள்.இராணுவத்தினரால் கைது செய்யப்பட்டு இராணுவ முகாமதிற்கு அழைத்துச் செல்லப்பட்டு அழைத்துச் செல்லப்பட்டபோது முகவர்கள் உறவினர்களும் அங்கு காணப்பட்டார்கள். அங்கிருந்தும் எமது வெளித்தொடர்பை தடுக்க முற்பட்டனர். இராணுவத்தினாரால் சுற்றிவளைக்கப்பட்டு தடுத்து வைக்கப்பட்ட இடம் ஒரு மைதானம் அடிப்படை வசதிகள் போதுமானதாக இல்லாவிட்டாலும் மனிதாபிமான அடிப்படையில் பராமரிக்கப்பட்டோம். எங்களை நன்றாகப் பராமரித்தார்கள்.

உணவு தேனீர் போன்றன உரிய நேரங்களில் கிடைக்கும் வகையில் ஏற்பாடு செய்யப்பட்டது. மைதானத்தில் நுளம்பு வலைக் கூடாரங்களில் பொதுவாக ஆண்கள் தங்கினோம். பெண்களும் குழந்தைகளும் விளையாட்டு அரங்கில் தங்க வைக்கப்பட்டுள்ளார்கள். அந்த நாட்டைச் சேர்ந்த இராணுவமோ அதிகாரிகளோ எங்களிடம் எவ்வித விசாரணைகளும் மேற்கொள்ளவில்லை. வறிய நாடாக இருந்தாலும் நாங்கள் நன்றாகப் பராமரிக்கப்பட்டோம். தடுப்பு முகாமில் தடுத்து வைக்கப்பட்டிருந்தாலும் எமது சுதந்திரமான நடமாட்டத்திற்கு தடைகள் இல்லை. இராணுவ வீரர்களின் கண்காணிப்பில் வெளி நடமாட்டத்திற்கு ஆரம்பத்தில் அனுமதியளிக்கப்பட்டது. முகவரின் ஆட்கள் என கருதப்பட்ட நான்கு பேர் அந்த சந்தர்ப்பத்தைப் பயன்படுத்தி தலைமறைவானதையடுத்து அந்த அனுமதி கூட இப்போ மறுக்கப்பட்டுள்ளது.209 பேரில் முதற்கட்டமாக 9 பேர் கடந்த மாதம் சர்வதேச புலம்பெயர்தோர் அமைப்பின் உதவியுடன் நாடு திரும்பினார்கள். இரண்டாவது தொகுதியாக நான் உட்பட மூன்று பெண்கள் அடங்கலாக 28 பேர் நாடு திரும்பியுள்ளளோம். இவர்களில் கணவன் மனைவி�� மற்றும் தாய் மகள் என மூன்று பெண்கள் உட்பட மட்டக்களப்பு மாவட்டத்தைச் சேர்ந்தவர்கள்.

நாட்டுக்கு திரும்புமாறு எந்த தரப்பிலிருந்தும் எம் மீது அழுத்தம் பிரயோகிக்கப்படவில்லை சுயமாகவே நாடு திரும்பினோம். சர்வதேச புலம்பெயர்ந்தோர் அமைப்பு நாடு திரும்ப விரும்பினால் ஏற்பாடு செய்து தர முடியும் என்றுதான் தெரிவித்தது. இந்த அடிப்படையில் அனேகமானோர் நாடு திரும்பும் வகையில் தற்போது வைத்திய பரிசோதனை முடித்துள்ளார்கள். சிலர் ஏதோவொரு காரணத்தினால் நாடுதிரும்ப விரும்பாமல் அந்த நாட்டில் தங்க விரும்புகிறார்கள் இன்னும் சிலர் ஏதோவொரு நாட்டிலாவது அகதி அந்தஸ்து வேண்டுமென எதிர்பார்க்கிறார்கள். தற்போது அந்த தடுப்பு முகாமில் 16 பெண்கள் 11 குழந்தைகள் உட்பட 168 பேர் தொடந்தும் உள்ளனர்.

எனது பயணத்திற்காக 25 இலட்சம் ரூபா பேரம் பேசப்பட்டது. முதற் தொகையாக நகைகளை அடவு வைத்தும் கடன்பட்டும் மூன்று இலட்சம் ரூபா செலுத்தப்பட்டது. இரண்டாம் கட்டமாக இலங்கையை விட்டு வெளியேற முன்பு தடுப்பு ஊசி போடுவதற்கும் ஒரு இலட்சத்து ஐம்பதாயிரம் ரூபா செலுத்தப்பட்டது மேலும் டோஹோ சென்ற பின்பு எம்மிடமிருந்த மூன்று இலட்சம் ரூபா பெறுமதியான டொலர் நாணயத்தைப் பெற்றுக் கொண்டனர். இப்போ பயணம் கைகூட வில்லை ஏமாற்றப்பட்ட நிலையில் இருந்த பொருளாதாரத்தையும் இழந்து நிர்க்கதியாகி நாடு திரும்பியுள்ளேன். மீண்டும் பழைய தொழிலில் இணைய முயற்சிகளை மேற்கொண்டுள்ளளேன்.நாடு திரும்பிய பின்பு விமான நிலையத்தில் எவ்வித கெடுபிடிகளும் இருக்கவில்லை. குடிவரவு குடியகல்வு அதிகாரிகள் மற்றும் புலனாய்வுத் துறையினர் விசாரணைகளை மேற்கொண்டார்கள். இப்படியான பயணங்கள் செய்யவேண்டாம் என அறிவுரைகளை வழங்கினார்கள்" என்றார்.

2012-02-10T08:10:00.000+11:00

புலிகளை துவம்சம் செய்த இலங்கை ஜனாதிபதி மஹிந்த ராஜபக்ஷவுக்கு இந்தியாவின் அதியுயர் விருது வழங்க வேண்டும்-சுப்ரமணியன் சுவாமி!!!!!

இந்தியாவின் அதி உயர் சிவிலியன் விருதான “பாரத ரத்னா” விருதை எல்.ரி.ரி.ஈ.யை துவம்சம் செய்த இலங்கை ஜனாதிபதி மஹிந்த ராஜபக்ஷவுக்கு வழங்க வேண்டுமென இந்திய ஜனதா கட்சி தலைவர் சுப்ரமணியம் சுவாமி கேட்டுள்ளார். எல்.ரி.ரி.ஈ. பயங்கரவாதிகளை இலங்கை மண்ணில் அழித்து ஒழித்த இந்த சாதனை வீரர் மஹிந்த ராஜபக்ஷ, இந்தியாவின் பாதுகாப்பிற்கு பெரும் அச்சுறுத்தலாக இருந்த எல்.ரி.ரி.ஈ.யை துவம்சம் செய்ததனால், அவருக்கு இந்திய அரசாங்கமும், மக்களும் நன்றி செலுத்தும் முகமாக பாரத் ரத்னா வழங்க வேண்டுமென்று கூறியுள்ளார்.

புலிகள் அழிக்கப்படாமல் இருந்தால் அவ்வியக்கம் தனது இராணுவ, கடற்படைகளை வலுப்படுத்தி இந்தியாவிலும் பிரிவினைவாதத்திற்கு அடித்தளம் அமைப்பதற்கு காரணமாக இருந்திருக்குமென்றும் சுப்ரமணியம் சுவாமி சுட்டிக்காட்டுகிறார். கதிர்காமத்திற்கு சென்று முருகப்பெருமானை தரிசித்த பின்னர் டாக்டர் சுப்ரமணியம் சுவாமி இலங்கையிலுள்ள வெளிநாட்டு செய்தி நிருபர்களையும் சந்தித்து உரையாடினார். புலிகள் தன்னுடைய பணப்பலத்தை பயன்படுத்தி தமிழ்நாட்டுக்கே பெரும் ஆபத்தை ஏற்படுத்தியிருக்கும் வாய்ப்பு அன்று தோன்றியிருந்தது. இத்தகைய சூழ்நிலையில் புலிகளை அழித்து இந்தியாவுக்கு உதவியளித்த ஜனாதிபதி மஹிந்த ராஜபக்ஷவை பாரத் ரத்னா விருதை வழங்கி கெளரவிப்பது இந்தியாவின் தலையாய கடமையென்று சொன்னார்.

திரு. சுப்ரமணியம் சுவாமி 1991ம் ஆண்டில் பிரதம மந்திரி பதவியில் இருந்த சந்திரசேகர் அரசாங்கத்தில் அமைச்சராகவும் இருந்திருக்கிறார். இந்திய மத்திய அரசாங்கம் தமிழ்நாடு கொண்டு வரும் அழுத்தங்களை கொண்டுவராமல் ஜனாதிபதி மஹிந்த ராஜபக்ஷவுக்கு பூரண ஒத்துழைப்பை வழங்கவேண்டுமெனவும் அவர் சொன்னார். இன்று இலங்கை வாழ் தமிழர்கள் அமைதியாகவும் அச்சுறுத்தல் இன்றி மகிழ்ச்சியோடு வாழ்ந்து கொண்டிருக்கிறார்கள். அவர்கள் இப்போது ஜனாதிபதி மஹிந்த ராஜபக்ஷ மீது மிகவும் நம்பிக் கை வைத்திருக்கிறார்கள். எனவே, ஜனாதிபதி கொண்டு வரும் சமாதான முயற்சிகளுக்கு இலங்கைத் தமிழர்கள் தங்கள் பூரண ஒத்துழைப்பினை வழங்கு வார்கள் என்று தமக்கு நம்பிக்கை இருக்கிறதென்று டாக்டர் சுப்ரமணியம் சுவாமி மேலும் தெரிவித்தார்.

2012-02-09T22:19:00.000+11:00

எம்ஜிஆருடன் புகைப்படம் எடுக்கக்கூட தகுதி இல்லாதவர் தேமுதிக தலைவர் விஜயகாந்த் மீது நடிகர் ராமராஜன் சீற்றம்!!!!!!!!!!!!!!!!!

அரசியல் ஆதாயத்துக்காக அவர் பெயரை உச்சரித்து வருகிறார் என்று தேமுதிக தலைவர் விஜயகாந்த் மீது நடிகர் ராமராஜன் குற்றம்சாட்டினார்.புதுக்கோட்டையில் அதிமுக சாதனை விளக்க பொதுக்கூட்டத்தில் ராமராஜன் கலந்துகொண்டு பேசியதாவது:தேர்தலின் போது அறிவிக்கப்பட்ட மக்கள் நலனுக்கான திட்டங்கள் அனைத்தையும் ஆட்சி பொறுப்பேற்ற 3 மாதத்தில் செயல்படுத்தி முதல்வர் ஜெயலலிதா சாதனை படைத்து உள்ளார்.ஜெயலலிதா தலைமையில் நேர்மையான, தூய்மையான அதிமுக தொடரும். ஏழை, எளியவர்கள் மற்றும் பெண்கள் அ.தி.மு.க. வுக்கு ஆதரவாக உள்ளனர். நடைபெற உள்ள சங்கரன்கோவில் இடைத் தேர்தலிலும், நாடாளுமன்ற தேர்தலிலும் அ.தி.மு.க. வெற்றி பெறும்.இந்த வெற்றியின் மூலம் ஜெயலலிதா யாரை சுட்டிக்காட்டுகிறாரோ அவரே பிரதமராவார். திமுக தலைவர் கருணாநிதி பற்றி மேடைக்கு மேடை பாராட்டி பேசியவர்தான் விஜயகாந்த்.எம்ஜிஆருடன் சேர்ந்து ஒரு புகைப்படம் எடுப்பதற்கு கூட தகுதி இல்லாத விஜயகாந்த் தற்போது அரசியல் ஆதாயத்துக்காக அவரது பெயரை உச்சரித்து வருகிறார்.விஜயகாந்தை தமிழக மக்கள் வீட்டுக்கு அனுப்புவர் என்று ராமராஜன் குறிப்பிட்டுள்ளார்.

2012-02-09T18:34:00.000+11:00

இஞ்சி இடுப்பழகில் உலக அளவில் சாதனை படைத்திருக்கிறார், ரோமானியாவை சேர்ந்த 30 வயது பெண்!!!!!!

இதுபற்றி இங்கிலாந்தின் ‘தி சன்’ பத்திரிகை வெளியிட்ட செய்தி வருமாறு: ரோமானியாவை சேர்ந்த பெண் லோனா ஸ்பான்ஸ்பெர்க். வயது 30. இவரது உயரம் 5 அடி 6 அங்குலம். பொதுவாக, பெரும்பாலான ரோமானிய பெண்கள் சிறந்த உடலமைப்புடன் இருப்பதில்லை. அப்படி சிறந்த வளைவு நெளிவுகளை பெற்றுள்ள இளம்பெண்கள் பணக்கார குடும்பத்தை சேர்ந்தவர் என்ற எண்ணம் அந்நாட்டு மக்களிடம் உள்ளது. ஆனால், நடுத்தர பிரிவை சேர்ந்த லோனா, டீன்,ஏஜ் பருவத்தை அடைந்தபோது அவரது உடலில் மிகப் பெரிய மாற்றங்கள் ஏற்பட்டன.

உடலின் மேல் பகுதி மற்றும் பின் பகுதிகள் வளர்ச்சி பெற, இடுப்பு சுற்றளவு சிறியதாக நீடித்தது. இப்போது 32,20,34 என்ற அங்குல அளவில் அவரது உடல் வாகு இருக்கிறது. இத்தனைக்கும் தினமும் 2 வேளை சாப்பாடு, பாஸ்ட் புட் ஐட்டங்கள், பீசா, சிப்ஸ், சாக்லேட் என்று சாப்பிட்டு பார்த்தார் லோனா. ஆனாலும், அவரது இடுப்பு சுற்றளவு அதிகரிக்கவில்லை. 2006ல் ஜெர்மனியை சேர்ந்தவரை திருமணம் செய்து கொண்டார் லோனா. அவர்தான் சிறிய இடுப்பு இருப்பது பெண்ணுக்கு ப்ளஸ் பாயின்ட் என்று தெரிவித்து மாடலிங் வேலையில் சேர்த்து விட்டார். இப்போது உலகின் மிக குறைந்த இடுப்பு சுற்றளவு கொண்ட பெண் என்ற சாதனையுடன் வலம் வருகிறார் லோனா.

2012-02-09T18:31:00.000+11:00

இங்கிலாந்தில் இந்தியர்களின் வீடுகளை குறிவைத்து, கொள்ளையர்கள் கைவரிசை!!!!!!!

இந்தியர்கள்தான் அதிகமான தங்க நகைகளை சேமித்து வைத்திருப்பார்கள் என்ற நம்பிக்கைதான். உலகிலேயே தங்க நகைகள் மீது அதிக ஆர்வம் கொண்டவர்கள் இந்தியர்கள் என்று சொல்லலாம். சில சமயங்களில் இதுவே நமக்கு பெரும் துன்பத்தை கொடுக்கிறது. ஆம்... இங்கிலாந்தில் சமீப காலமாக இந்தியர்களின் வீடுகளை குறிவைத்து கொள்ளையர்கள் அட்டகாசம் செய்து வருகின்றனர். இங்கிலாந்தில் பர்மிங்ஹாம், லீசெஸ்டர், மான்செஸ்டர், ரீடிங், பிராட்போர்டு ஆகிய இடங்களில் இந்தியர்கள் அதிகமாக வசிக்கின்றனர். மேலும், இந்த இடங்களில் ஜுவல்லரிகளும் ஏராளமாக இருக்கின்றன. இப்போது தங்கம்தான் அதிகமான விலைக்கு விற்கிறது. சராசரியாக ஒரு பவுன் விலை ஸி21 ஆயிரம். அதுவே, இங்கிலாந்து மார்க்கெட்டில் ஒரு அவுன்ஸ் தங்கம் 1100 பவுண்டு விற்கிறது. இந்நிலையில், இந்தியர்களின் வீடுகளில் சுத்தமான தங்க நகைகள் வைத்திருப்பார்கள் என்ற நம்பிக்கையில் அவர்களின் வீடு களை குறிவைத்து கொள்ளையர்கள் கைவரிசை காட்டி வருகின்றனர். லீசெஸ்டரில் பெல்கிரேவ் ரோடு பகுதியை ‘லிட்டில் இந்தியா’ என்று சொல்கின்றனர். அதே போல், தங்க நகைக்கடைகளும் அதிகமாக உள்ளதால், கோல்டன் மைல் என்றும் குறிப்பிடுகின்றனர். இப்பகுதியில் உள்ள ஜுவல்லரிகள் மற்றும் இந்தியர்களின் வீடுகளில் சமீப காலமாக தொடர்ந்து முகமூடி கொள்ளை நடந்துள்ளது. இதுவரை பல லட்சம் ரூபாய் மதிப்புள்ள நகைகள் கொள்ளை போயுள்ளன.

கொள்ளை போன ஒரு வீட்டின் உரிமையாளர் விகாஷ் டாண்டன் கூறுகையில், ‘எனது வீட்டில் தங்க நகைகளையும், கவரிங் நகைகளையும் வைத்திருந்தேன். கொள்ளையர்கள் தங்க நகைகளை மட்டும் சரியாக கண்டுபிடித்து எடுத்து சென்றுள்ளனர். எனவே, அவர்களிடம் தங்க நகைகளை கண்டுபிடிக்கும் கருவிகள் இருக்கும். அதேபோல், பிளாக்பெர்ரி போன், விலை உயர்ந்த வாட்ச்களை கொள்ளையடித்து விட்டு போயிருக்கிறார்கள்’ என்றார். பெர்க்ஷயர் பகுதி கவுன்சிலர் தாகிர் மாகெர் கூறுகையில், ‘இந்தியர்களின் வீடுகளில்தான் அதிகமாக கொள்ளை நடந்துள்ளது. அவர்கள் உஷாராக இருக்க வேண்டும்’ என்றார்.

2012-02-09T18:27:00.000+11:00

இலங்கையில் நடந்த இறுதிக்கட்ட போரில் விடுதலைப் புலிகள் அமைப்பினர் கொடூரமாக நடந்து கொண்டதாக கூறி, ஒரு வீடியோ காட்சியை இலங்கை அரசு நேற்று வெளியிட்டது!!!!!!!

விடுதலைப் புலிகளுக்கு எதிரான போரில் இலங்கை ராணுவம் அத்துமீறு நடந்ததுடன், அப்பாவி தமிழர்களை கொடூரமான முறையில் கொன்று குவித்ததாக உலக நாடுகள் குற்றம் சாட்டின. விடுதலைப் புலிகளின் கைகளை கட்டி இலங்கை ராணுவம் காட்டுமிராண்டித்தனமாக அவர்களை சுடுவது போன்ற வீடியோவை இங்கிலாந்தின் 4டிவி சேனல் வெளியிட்டது. மேலும், ஐ.நா. குழுவும் இலங்கையின் அத்துமீறலை சுட்டிக் காட்டியது. இதையடுத்து இலங்கை அதிபர் ராஜபக்சேவுக்கு நெருக்கடி முற்றியது. இந்நிலையில், ‘இரக்கமற்றது’ என்ற தலைப்பில் இறுதிப் போரில் விடுதலைப் புலிகளின் செயல்பாடுகள் பற்றிய வீடியோவை இலங்கை வெளியிட்டுள்ளது.

இதுகுறித்து, தேசிய பாதுகாப்பு ஊடக மையத்தின் தலைமை இயக்குனர் லக்ஷ்மண் ஹலுகலே கூறியதாவது: இறுதிப் போரில் இலங்கை ராணுவம் மனித உரிமையை மீறியதாக 4டிவி உள்ளிட்ட உலக மீடியாக்கள் ஆதாரமற்ற செய்திகளை வெளியிட்டு வருகின்றன. ஆனால், விடுதலைப் புலிகள் ராணுவத்துக்கு எதிராக போர்புரிய சிறுவர்களை வலுக்கட்டாயமாக சேர்த்தனர். மறுத்தவர்களை கொடுமை செய்தனர். மேலும், அப்பாவிகளுடன் முல்லைவாய்க்காலில் பஸ் ஒன்றை எரித்தது போன்ற சம்பவங்கள் உண்மையான தகவல்கள். இது புலிகளால் பாதிக்கப்பட்டவர்களிடம் இருந்த பெற்றது.இவ்வாறு லக்ஷ்மண் தெரிவித்தார். இம்மாத இறுதியில் ஐ.நா. மனித உரிமைகள் கவுன்சில் கூட்டம் ஜெனிவாவில் நடக்கிறது. அதில், போரில் இலங்கை அரசின் அத்துமீறல் குறித்து விவாதிக்கப்படும் என தெரிகிறது. இந்நிலையில், ராணுவத்தின் அத்துமீறலை மறைக்கும் வண்ணம் விடுதலைப் புலிகளின் செயல்பாடுகள் பற்றிய வீடியோவை இலங்கை அரசு வெளியிட்டுள்ளது குறிப்பிடத்தக்கது.

2012-02-09T18:22:00.000+11:00

இலங்கை இந்திய நட்புறவை பாதுகாப்பது என்பதுஇரு நாட்டிலும் பாரிய சவாலாகிவிட்டது!!!!!!!!

அரசியல் இலாபங்கள் கருதி இரு நாட்டிலும் பல குழுக்கள் செயற்படுகின்றன என்று தென்னிந்தியாவுக்கான இலங்கையின் துணைத் தூதுவர் வடிவேல் கிருஷ்ணமூர்த்தி தெரிவித்தார். யுத்தத்திலிருந்து விடுபட்டு இலங்கை அபிவிருத்தி இலக்குகளை நோக்கி மிக விரைவாகப் பயணிக்கிறது. இதற்கு இந்தியா உட்பட ஏனைய நாடுகள் இலங்கைக்கு நட்புறவுடன் உதவி செய்ய வெண்டும். சுயபோக்குடையவர்களுடன் இணைந்து இடையூறுகளை செய்யக்கூடாது என்றும் அவர் குறிப்பிட்டார். சென்னையில் அமைந்துள்ள இலங்கைத் தூதரகத்தில் நடைபெற்ற விசேட ஊடக சந்திப்பின்போதே துணைத்தூதுவர் வடிவேல் கிருஷ்ணமூர்த்தி இவ்வாறு தெரிவித்தார்.இலங்கை மற்றும் இந்திய மக்களிடமோ, அரசாங்கங்களிடமோ எவ்விதமான மோதல்களும் இல்லை. ஆனால் மோதல்களை ஏற்படுத்த அரசியல் இலாப நோக்குடையவர்கள் செயற்படுகின்றனர் எனவும் அவர் கூறினார்.

2012-02-09T18:15:00.000+11:00

யாழ்ப்பாணத்தில் நிலமைகளை அறிந்து கொள்வதற்காக தாம் யாழ். வந்ததாக அமெரிக்காவின் சர்வதேச போர்க்குற்ற விவகாரத் தூதுவர் ஸ்டெபன் ரெப் !!!!!!!

இரண்டு நாள் விஜயமாக விமானம் மூலம் கிளிநொச்சி வந்து அங்கிருந்து யாழ்ப்பாணம் வந்தடைந்த இவரும் இவரது குழுவினரும் நேற்றைய தினம் யாழ். மாவட்டச் செயலகத்தில் யாழ். அரச அதிபரைச் சந்தித்துக் கலந்துரையாடினர்.போருக்கு பின்னரான யாழ்ப்பாணத்தின் அபிவிருத்தி திட்டங்கள், மக்கள் மீள்குடியேற்றம் செய்யப்படுத்தல், மிதிவெடியகற்றல் செயற்பாடுகள் உள்ளிட்டவை தொடர்பாகவும் இன்றைய யாழ்.நிலைவரங்கள் தொடர்பாகவும்கலந்துரையாடினார்கள்.

இச்சந்திப்பின் போது உட்கட்டுமான வசதிகள் மற்றும் அடிப்படை தேவைகள் போன்றவை இன்னமும் மக்களுக்கு தேவையாகவுள்ளதென்று வலியுறுத்திய யாழ். அரச அதிபர், இளைஞர் யுவதிகளுக்கு வேலை வாய்ப்புக்களை வழங்க உதவி செய்ய வேண்டும் என்றும் கேட்டுக்கொண்டுள்ளார்.மேலும் மக்கள் மீளக்குடியமர்ந்த ஒரு சில பகுதிகளுக்கு சென்று மக்களுடன் கலந்துரையாடல்களை மேற்கொண்ட இவர்கள், யாழ். ஆயரையும் சந்தித்துக் கலந்துரையாடல்களை மேற்கொண்டுள்ளனர்.மேலும் யாழ். மாவட்ட இராணுவ கட்டளைத் தளபதியையும் இவர்கள் சந்தித்து கலந்துரையாடியுள்ளார்.

2012-02-09T18:11:00.000+11:00

புலிகள் இயக்கத்துக்கு உதவி செய்த குற்றச்சாட்டை கனடாவில் உள்ள இலங்கை தமிழர் ஒருவர் ஒப்புக் கொண்டுள்ளார்!!!!!!!

நீர்மூழ்கி படகு அமைப்பதற்குரிய மென்பொருளை கொள்வனவு செய்ய புலிகளுக்கு உதவியதாக இவர் மீது குற்றம் சுமத்தப்பட்டிருந்தது.இந்த நிலையில் அமெரிக்க மாவட்ட நீதிமன்றத்தில் நேற்று ஆஜர்படுத்தப்பட்டு இலங்கை தமிழர் தன் மீது சுமத்தப்பட்டுள்ள குற்றச்சாட்டை ஒப்புக்கொண்டுள்ளார்.கனடாவில் ஒன்ராரியோவை வசிப்பிடமாகக் கொண்ட ரமணன் மயில்வாகனம் என்பவர், 2006ம் ஆண்டில், புலிகளுக்கு நீர்மூழ்கி வடிவமைப்பு தொழில்நுட்ப மென்பொருள் மற்றும் இரவுப்பார்வை கருவிகள் போன்றவற்றை பெற்றுக் கொடுத்ததாக குற்றம் சுமத்தப்பட்டுள்ளது.தன் மீதான குற்றச்சாட்டை அவர் ஒப்புக் கொண்டுள்ளதால் குறைந்தது 15 வருடகால சிறை தண்டனை அவருக்கு விதிக்கப்படலாம் என எதிர்பார்க்கப்படுகிறது.2009ம் ஆண்டில் கனேடிய அதிகாரிகளால் ரொரன்ரோவில் கைது செய்யப்பட்ட இவர், அமெரிக்காவிடம் ஒப்படைக்கப்பட்டதை அடுத்து வழக்கு பதிவு செய்யப்பட்டது.புலிகளுக்கு கணினி கருவிகள், இலத்திரனியல் பொருட்கள், தொடர்பாடல் கருவிகள் போன்றவற்றை கொள்வனவு செய்யவும் இவர் உதவியதாக குற்றம் சுமத்தப்பட்டுள்ளது

2012-02-09T18:07:00.002+11:00

கிளர்ச்சி காரணமாக பதவியை ராஜினாமா செய்த மாலைதீவின் முன்னாள்ஜனாதிபதி முஹமட் நசீடீன் குடும்ப உறுப்பினர்கள் இலங்கையில் தஞ்சம் !!!!!!

மாலைதீவின் முன்னாள் ஜனாதிபதி நசீடீன் பாரியார் மற்றும் பிள்ளைகள் இன்று காலை, கொழும்பை சென்றடைந்ததாகக் குறிப்பிடப்படுகிறது.நசீடீன் குடும்ப உறுப்பினர்கள் கொழும்பை வந்தடைந்தனர் எனஜனாதிபதியின் ஊடகப் பிரிவு பொறுப்பாளர் பந்துல ஜயசேகர தெரிவித்துள்ளார்குடும்ப உறுப்பினர்கள் எங்கு தங்க வைக்கப்படுவார்கள், அரசாங்கம் இந்தப் பொறுப்பை ஏற்றுக்கொள்ளுமா என்பது தொடர்பில் எந்தவித கருத்துக்களும்வெளியிடப்படவில்லை.இதேவேளை, முன்னாள் ஜனாதிபதி நசீடீன் பாதுகாப்பை உறுதி செய்யுமாறு இலங்கை ஜனாதிபதி மஹிந்த ராஜபக்ஸ, தற்போதைய மாலைதீவு ஜனாதிபதி முஹமட் வஹீடிடம்கோரியுள்ளார்.இதேவேளை, பதவியை இராஜினாமா செய்யுமாறு துப்பாக்கி முனையில் கிளர்ச்சியாளர்கள் மிரட்டியதாக முன்னாள் ஜனாதிபதி நசீட் ஊடகங்களுக்கு தெரிவித்துள்ளார்

2012-02-09T04:26:00.002+11:00

கிளிநொச்சி.அக்கராயன் பிரதேசத்தில் நேற்று நடைபெற்ற புதிர்பொங்கல் நிகழ்வில் கலந்துகொண்ட நாடாளுமன்ற உறுப்பினர் சிவஞானம் சிறிதரன்!!

புதிர் பொங்கல் நிகழ்வு தமிழர் தம் பண்பாட்டையும் அதைப் பேணிக் காக்கும் கடப்பாட்டையும் எம் எல்லோர்க்கும் உணர்த்துகிறது. இவ்வாறு அக்கராயன் பிரதேசத்தில் நேற்று நடைபெற்ற புதிர்பொங்கல் நிகழ்வில் கலந்துகொண்ட நாடாளுமன்ற உறுப்பினர் சிவஞானம் சிறிதரன் தெரிவித்தார்.கனடா வாழ வைப்போம் அமைப்பின் அனுசரணையுடன் கிளிநொச்சி கரைச்சிப் பிரதேச சபையின் ஏற்பாட்டில் புதிர் பொங்கல் நிகழ்வில் நேற்று கரும்புத்தோட்டம் விநாயகர் ஆலயத்தில் நடைபெற்ற பூசை வழிபாடுகளைத் தொடர்ந்து விளைந்து பொலிந்திருந்த வயற் பரப்பில் கரைச்சிப் பிரதேசசபைத் தலைவர் நா.வை. குகராசா அவர்கள் முறைப்படி அறுவடையை மேற்கொண்டார்.பெற்றுக் கொண்ட புதிர் கற்றைகள் கடகங்களில் நிரப்பப்பட்டு உழவு மாடுகள் பூட்டப்பட்ட வண்டியில் அக்கராயன் மகாவித்தியாலய மாணவர்களின் பாரம்பரிய இன்னிய இசைகள் முழங்க பொங்கல் இடம் நோக்கி பண்பாட்டு ஊர்வலமாக எடுத்து வரப்பட்டது. அதனைத் தொடர்ந்து புதிர் பொங்கல் இடப்பட்டு உழவுக்கும் தொழிலுக்கும் நன்றி செலுத்தப்பட்டது.அதனை அடுத்து இனவிடுதலைக்காக சாவைத் தழுவிக்கொண்டவர்களுக்கு அகவணக்கம் செலுத்தப்பட்டதைத் தொடர்ந்து தமிழ்த்தாய் வாழ்த்து இசைக்கப்பட்டது. பிரதேசசபைத் தலைவர் தலைமையில் கலாச்சார ஒன்றுகூடல் நடைபெற்றது.

இந்நிகழ்வில் பிரதேசசபையின் கௌரவ உறுப்பினர்களான உபதலைவர் நகுலேஸ்வரன் உறுப்பினர்களான சு.தயாபரன், அன்ரன் டானியல் (ஓஸ்மன்) டெனிஸ்ராஜன், சுப்பையா, செல்லத்துரை, மா.சுகந்தன், குமாரசிங்கம், கூட்டமைப்பின் அக்கராயன் பிரதேச அமைப்பாளர் சர்வானந்தன், கிராம அபிவிருத்திச் சங்கங்களின் சமாசத் தலைவர் ஜீவநாயகம், தமிழரசுக் கட்சியின் மாவட்டச் செயலாளர் சு.பசுபதிப்பிள்ளை, அக்கராயன் மகாவித்தியாலய அதிபர் கண்ணபிரான் கிராம அபிவிருத்திச் சங்கங்கள், கமக்கார அமைப்புகள், ஆலய பரிபாலன சபைகள், வர்த்தகர்கள், ஆசிரியர்கள், முள்பள்ளி ஆசிரியர்கள், பள்ளி மாணவர்கள், பொதுமக்கள் என ஏராளமானோர் கலந்து சிறப்பித்தனர்.இங்கு தலைமையுரை நிகழ்த்திய நா.வை.குகராசா அவர்கள் கிளிநொச்சி என்கின்ற விவசாயப்புலத்திலே புதிர் எடுத்துப் பொங்கலிட்டு தமிழர்களினதும் உழவுத்தொழிலினதும் புனிதத்தை அதன் தொன்மையை வெளிப்படுத்துவதற்கு இன்றைய நிகழ்வு எமக்கு வாய்ப்பைத் தந்திருக்கிறது. பல்வேறு கலாச்சார பிறழ்வுக்கான முயற்சிகள் எம்மண்ணில் வலிந்து மேற்கொள்ளப்படுகிறது.திறந்து விடப்பட்டிருக்கின்ற ஜனநாயக சூழல் எல்லாவகைச் சுதந்திரங்களையும் பெற்றுக்கொடுக்கின்றது எனக் கூறிக்கொண்டு எமது இனத்தின் அடிஆதாரமாகத் திகழக்கூடிய கூறுகளை எல்லாம் சிதைத்து அல்லது கலந்து எங்கள் பண்பாட்டைக் கபளீகரம் செய்கின்ற விசமத்தனமான சிந்தனையில் அவர்கள் இருக்கிறார்கள்.நான் நினைக்கிறேன் கடந்த யுத்தகாலங்களில் இல்லாத அளவிற்கு எங்கள் வாழ்க்கை முறையும் நடத்தைகளும் சவால்களை எதிர்கொள்கின்ற அபாயகாலமாக இக்காலம் இருக்கின்றது.என்றாலும் மக்கள் எமக்கு அளித்திருக்கின்ற ஆணையைப் பயன்படுத்தி எங்களால் முடிந்தவரையில் எமது சமூகக் கட்டமைப்பும் நடத்தைக் கோலங்களும் மாற்றம் உறாத வகையில் அதன் நீட்சிக்காக உழைக்கத் தயாராக இருக்கின்றோம் என்றார்.தொடர்ந்து பல்வேறு சமூகத்தலைவர்களது உரையை அடுத்து நாடாளுமன்ற உறுப்பினர் சி.சிறீதரன் அவர்கள் உரையாற்றுகையில்,

இன்றைய இப்பொழுதை மிகுந்த மகிழ்ச்சியோடும் பெருமிதத்துடனும் எதிர் கொள்கிறேன். ஏனென்றால் ஸ்கந்தபுரம் அக்கராயன் என்கின்ற விவசாய மண்ணிலே கிராமிய பண்பாட்டோடு ஒன்றித்த வகையில் இத்தகைய நிகழ்வை ஏற்பாடு செய்திருக்கின்ற கரைச்சிப் பிரதேசசபையை அதன் நிர்வாகத்தை நான் பராட்டுகிறேன்.செழுமை மிகுந்த தமிழ் கலாச்சாரத்தில் ஒவ்வொரு செயல்களும் கருத்தாழம் மிக்க மனித நடத்தைகளையும் மனித மனங்களையும் செப்பனிடுகின்ற காரியங்களாகவே இருக்கின்றது. ஏர், நெல்லின் வேர் என்பன எமது மண்ணிலே ஓடாது போனால் எங்களுடைய குடும்பங்களுடைய வாழ்க்கை நிலை எவ்வாறு இருக்கும் என கற்பனை செய்து பார்க்கிறேன்.தொழில் வளங்கள் எதுவும் அற்ற நிலையில் எமது மாவட்டத்தில் ஏராளமான இளைஞர், யுவதிகள் அலைந்து திரிகிறார்;;கள். தொழிற்சாலைகள் பலவும் இங்கு மூடப்பட்டுக் கிடக்கிறது. பட்டதாரிகள் போராடியும் வேலைபெற முடியாதிருக்கிறது. புலம் பெயர்ந்து செல்வது கூட கடினமான காரியங்களாக இருக்கிறது.2009 மேக்கு முன்பு எல்லாக் குடும்பங்களிலும் எல்லோரும் தொழில் பெற்றிருந்தார்கள், யுத்தம் இருந்தாலும் வறுமை இருக்கவில்லை. அடுத்த வேளை சோற்றுக்கான ஏக்கம் இருக்கவில்லை. ஆனால் இன்று வாழ்க்கையைக் கொண்டு நடத்துவதிலே பாரிய சிரமங்கள் இருக்கின்றது.விவசாயத்துறையை வளப்படுத்துகின்றோம் என ஏராளமான வங்கிக்கடன்களை விளம்பரங்களோடு வழங்கினார்கள். இன்று இந்த விவசாயிகள் தமது அறுவடையை விற்கக்கூட முடியாமல் அந்தரித்து இருக்கிறார்கள். உத்தரவாத விலையோ கொள்வனவுக்கான சக்தியோ அரசாங்கத்தினால் ஏற்படுத்த முடியாமல் இருக்கிறது.மீண்டும் மீண்டும் துயரங்களையும் சுமைகளையும் சுமந்தவர்களாகவே எமது விவசாயிகள் இருக்கிறார்கள். ஆனாலும் எமது நிலம் எமது நீர்வளம் எமது இயற்கை எமது விவசாயிகள் ஆகியோர் எங்களுடைய இனத்தின் கொடைகளாகத் திகழ்கிறார்கள்.இதனால்தான் எத்தகைய சவால்களை யார் விடுத்த போதும் எங்களால் நாங்களாக தமிழர்களாக நிமர்ந்து நிற்க முடிகிறது. இது இவ்வாறிருக்க தமிழர் கலாச்சாரத்திற்கு எதிராக இனப்பன்மைத்துவம் பல்கலாச்சாரம் சர்வதேசியம் இனநல்லிணக்கம் என்ற மாயச் சொற்களுக்கு ஊடாக எங்களின் வாழ்வு நெறிகளை உடைத்து எறிவதற்கு கடும் முயற்சிகள் எடுக்கப்படுகிறது.

பண்பாட்டிற்குப் பெயர் சொல்லும் தமிழர் வாழ்வியலில் குறிப்பாக இளைய தலைமுறையிடையே நடத்தை மாற்றங்களை உண்டு பண்ண பல காரியங்கள் நடக்கிறது. அதற்கு மாறாக எங்களுடைய பிள்ளைகளின், இனத்தின் கலாச்சாரங்களைப் பேணுவதற்கும் வலிமையான சமூக்கட்டமைப்பை நிலைபெற வைப்பதற்கு நாங்கள் விழிப்போடு இருந்து காரியங்கள் ஆற்ற வேண்டிய காலமாக இது திகழ்கிறது.எங்களிடம் இருந்து புலம் பெயர்ந்து சென்ற உறவுகள் புலம் பெயர் தேசங்களிலே பண்பாட்டின் வேர் பழுதுபடாமல் பாதுகாத்து வருகிறார்கள். எங்களுடைய தாய் நிலத்திலே அது ஆட்டம் காணாமல் பாதுகாக்கப்பட வேண்டும் என்கின்ற சிந்தனை செயற்பாடு அவர்களிடம் இருக்கிறது.அதனால்தான் கனடா வாழவைப்போம் அமைப்பு எமது பிரதேசசபைக்கு நிதி வழங்கி இப்புதிர் பொங்கலை நிகழ்த்துவதோடு 300 மாணவர்களுக்கு கற்றலுக்கான அப்பியாசக் கொப்பிகளையும், 300 குடும்பங்களுக்கு வாழைக்குட்டிகளையும் இந்நிகழ்வில் வழங்கி தாங்கள் எப்போதும் உங்களோடு இருக்கிறோம் என்ற செய்தியைத் தந்திருக்கிறார்கள்.எனவே இந்த நல்ல காரியம் இன்றைய தைப்பூச நன்னாளில் ஆரம்பித்து வைக்கப்பட்டு வளர்ச்சி பெற்று எமது தேசத்தின் வலிமை மிகுந்த பொருளாதாரத்துறையாக விவசாயம் மேம்படும் வரையும் தொடரட்டும் என்றார்.

2012-02-09T03:45:00.001+11:00

தமிழ் பேசும் தேசிய இனங்களில் ஒன்றான முஸ்லீம் சமூகத்தினருக்கு மறக்கமுடியாதது!!!!!!

முஸ்லிம்களின் பாரம்பரிய தாயக பிரதேசங்களான வடகிழக்கிலிருந்து புலிப்பயங்கரவாதிகளால் விரட்டியடிக்கப்பட்டு பல பயங்கர படுகொலைகளை முஸ்லீம் மக்களுக்கு எதிராக புலிகளால் செய்யப்பட்ட ஆண்டாகும்.கிழக்கே காத்தான்குடியிலுள்ள இரண்டு பள்ளிவாசல்களுக்குள் பயங்கர ஆயுதங்களுடன் நுழைந்த புலிப்பயங்கரவாதிகள் 140 முஸ்லீம்களை சுட்டுக்கொன்றார்கள். சுமார் எழுபது முஸ்லீம்கள் படுகாயத்துக்குள்ளானார்கள். ஹூசைனியா பள்ளிவாசலுக்குள்ளும் மீரா ஜூம்மா பள்ளிவாசலுக்குள்ளும் ஆயுதங்களுடன் சென்ற புலிப்பயங்கரவாதிகள் தொழுகையில் ஈடுபட்டிருந்த முஸ்லீம்களை துடிக்கப்பதைக்க சுட்டுகொன்றது. புலித்தலமையின் நேரடி உத்தரவின்பேரில் இந்தக்கொடூரம் அரங்கேறியது. இது 1990ஆம் ஆண்டு ஆகஸ்ட் மாதம் மூன்றாம் திகதி இந்தக் கொடூரம் அரங்கேற்றப்பட்டது.

சரியாக ஒருகிழமைக்கு பின்னர் அதாவது அதே வருடம் ஆகஸ்ட் மாதம் பன்னிரண்டாம் திகதி ஏறாவூர் பிச்சிநகர் என்ற முஸ்லீம் கிராமத்துக்குள் புகுந்த புலிப்பயங்கரவாதிகள் 118 முஸ்லீம்களை சுட்டும்வெட்டியும் கொன்றனர். இருபதுபேர் காயமுற்றனர். ஏறாவூர் மட்டக்கிழப்பிலிருந்து ஒன்பது மைல்கள் அப்பால் உள்ளது. மட்டகிழப்பு – பொலநறுவை வீதியில் அமைந்துள்ள இந்த கிராமத்துக்குள் துப்பாக்கிகள் கத்திகள் கோடரிகள் வாள்கள் சகிதம் சென்ற புலிபயங்கரவாதிகள் நடத்திய ஈனத்தனமான இனச்சுத்திகரிப்பில் 45 ஆண்கள் 28பெண்கள் 31 பிள்ளைகள் பலி எடுக்கப்பட்டார்கள். இதில் பல சிசுகள் ஒரு வாரம் கூட ஆகாத பிஞ்சுகள் இதில் மிக வேதனைக்குறிய விடையம் முஸ்லிம் இளம் கற்பிணி தாயை வெட்டி கொன்றுவிட்டு அவளின் வயிற்றை கோடரியால் கொத்தி கிழித்து சிசுவை வெழியே எடுத்து அருகில் இருந்த பனை மரத்தில் அடித்து சிசுவின் தலையை சிதறடித்தார்கள் புலி பயங்கரவாதிகள். இது ரஞ்சித் அப்பாவின் தலைமையில் காத்தான்குடியில் நடந்தது, இங்கு பெண்களும் சிறுவர்களும் அணிந்திருந்த நகைகள் கொள்ளையிடப்பட்டன.

இச்சம்பவம் நடைபெற்று மூன்று நாட்களுக்குப் பின்னர் கிழக்கில் அரந்தலாவைக்கு அருகேயுள்ள முஸ்லீம் கிராமம் ஒன்றுக்குள் புகுந்த புலிகள் நடத்திய தாக்குதலில் ஒன்பது முஸ்லிம்கள் கொல்லப்பட்டனர். இச்சம்பவம் ஆகஸ்ட் 13திகதி நடைபெற்றது. அம்பாறை முள்ளியன் காடு என்ற கிராமத்தில் ஆகஸ்ட் ஐந்தாம் திகதி வயலில் வேலைசெய்துகொண்டிருந்து 17 முஸ்லிம்களை புலிகள் சுட்டுக்கொன்றனர். மறுநாள் ஆறாந்திகதியும் அம்பாறை வயல்வெளியொன்றில் வைத்து 33 முஸ்லீம் விவசாயிகள் புலிகளால் சுட்டுக்கொல்லப்பட்டனர். அதேவருடம் ஜூலை மாதம் முப்பதாந்திகதி புலிகளால் அக்கரைப்பற்று நகரத்தில் 14 முஸ்லிம்கள் சுட்டுக்கொல்லப்பட்டனர்.1990 ஆம் ஆண்டு மட்டும் சும்மார் ஐந்நூற்றுக்கு மேட்பட்ட முஸ்லீம்கள் புலிகளால் சுட்டுக்கொல்லப்பட்டனர். 1990 க்கு முன்னரும் பின்னரும் பல ஆயிரம் முஸ்லிம்கள் புலிகளால் கொல்லபட்டனர் . இது கிழக்கில் மட்டும் புலிகளால் மேற்கொள்ளப்பட்டவையாகும்.

அதேவருடம் வடமாகாணத்தின் யாழப்பாணம் முல்லைதீவு வவுனியா மன்னார் கிழிநொச்சி ஆகிய ஐந்து மாவட்டங்களிலிருந்தும் சும்மார் ஒரு இலச்சதுகும் அதிகமான முஸ்லீம்கள் அவர்களின் பாரம்பரிய பிரதேசங்களிலிருந்து புலிகளால் விரட்டியடிக்கப்பட்டார்கள். இந்த நடவடிக்கைக்கு முன்னர் வடக்கில் இஸ்லாமிய துடிப்புள்ள பல வாலிபர்கள் புலிகளால் கடத்தபட்டனர் யாழ்ப்பாணத்திலும் மன்னாரிலும் பல முஸ்லிம் வாலிபர்கள் சுட்டு கொல்லப்பட்டார்கள் , கடத்தப்பட்டு கானாமல் போனார்கள் இதன் பின்னர் அக்டோபர் மாதம் 22ஆம்திகதி வட புல முஸ்லிம்கள் உடமைகள் எல்லாம் அபகரிகப்பட்டு தமது தாய் மண்ணை விட்டு வெறும்கையோடு விரட்டப்பட்டனர். யாழ்பாண முஸ்லீம் மக்ளுக்கு வெறும் இரண்டு மணித்தியால அவகாசமே வழங்கப்படது. ஏனைய மாவட்ட முஸ்லீம்களுக்கு ஒரு நாள் தொடக்கம் 48மணித்தியால் அவகாசம் வழங்கப்பட்டது.

யாழ்பாண முஸ்லீம் மக்களை விரட்டி வெளியேற்றும் நோக்கோடு 35 முஸ்லீம் வர்தகர்களை புலிப்பயங்கரவாதிகள் கடத்திசென்றனர். இவர்களில் புலிகளுக்கு இலச்சக்கணக்கில் கப்பம் வழங்கிய 18 முஸ்லீம் வர்தகர்கள் சிலமாதங்களுக்கு பின்னர் விடுவிக்கப்பட்டனர். ஏனையோர் சித்திரவதை செய்து கொல்லபட்டனர் சித்திரவதை செய்து கொல்லபட்டவர்களில் “கெளுறு” என்ற பிரபல வர்தகர் மிக வயதானவர் இவர் தலை கீழாக கட்டப்பட்டு சித்திரவதை செய்து கொல்லபட்டார் ஏணையோர் பற்றிய தகவல்கள் கொல்லபட்டனர் என்பதை தவிர வேரு எதுவும் இன்றுவரை கிடைக்கப் பெறவில்லை. வடமாகாண அன்றைய மொத்த சனத்தொகையில் ஐந்து சதவீதமாக இருந்த முஸ்லீம் மக்கள் அனைவரும் வெளியேற்றப்பட்டிருந்தார்கள். இவர்களில் பெரும்பாலானோருக்கு தமிழைத்தவிர வேறு எந்த மொழியும் தெரியாது.விரட்டப்பட்டமை ஓர் அப்பட்டமான இனச்சுத்திகரிப்பாகும்.புலிப்பயங்கரவாதிகள் என்னென்ன எந்தவகையான பயங்கரவாத செயல்களை செய்தாலும் அவைகள் எல்லாம் தமிழீழ போராட்டமாகும். அதனால்தான் தமிழீழ போராட்டத்தை உலகம் ஒரு பயங்கரவாத போராட்டமாக அங்கீகரித்துள்ளது.

ஒருபாரிய கொடுரத்துக்கு வடக்கு-கிழக்கு வாழ் முஸ்லீம் மக்கள் முகம்கொடுத்து பத்தொன்பது வருடங்கள் ஓடிவிட்டன. வடக்கை விட்டு விரட்டப்பட்ட முஸ்லீம் மக்கள் இன்னமும் பதினேழு பாரிய அகதி முகாம்களில் வாழ்ந்துகொண்டிருக்கிறார்கள். மன்னாரிலிருந்து விரட்டப்பட்டு புத்தளம் அகதி முகாமில் இன்னமும் வாழ்ந்து கொண்டிருக்கும் முஸ்லீம் அகதிகளின் அவலங்கள் சொல்லமுடியாதவைகள். கிழக்கு முஸ்லீம்கங்கள் பறிகொடுத்து விவசாயக்காணிகள் வாழ்நிலங்கள் மாட்டுப்பட்டிகள் அதிகாரத்தை கையில் எடுத்து கொண்டவர்களின் கைகளிலேயே இன்னமும் இருக்கின்றன.வடகிழக்கில் இருந்து விரட்டப்பட்ட முஸ்லீகளில் எண்பது சதவீதமானவர்கள் இன்னமும் தமது தாய் மண்ணுக்கு திரும்பவில்லை.

2012-02-08T19:30:00.000+11:00

தமிழ் மாணவி கற்பழிக்கப்பட்டுப் படுகொலை மீண்டும் வெறியாட்டங்கள் ஆரம்பமா!!!!!!!!!!

யாழ். வடமராட்சி, பருத்தித்துறை சக்கோட்டைப் பகுதியில் நேற்று மாலை 17 வயதுடைய பாடசாலை மாணவி ஒருவர் இனந் தெரியாதோரால் கடத்திச் செல்லப்பட்டு கொலை செய்யப்பட்டுள்ளதாகத் தெரிவிக்கப்பட்டுள்ளது.பருத்தித்துறை சக்கோட்டையைச் சேர்ந்த இருதயநாதர் மேரி டிலக்சனா (வயது 17) என்ற மாணவியே இவ்வாறு கொல்லப்பட்டுள்ளதாக பருத்தித்துறைப் பொலிஸார் தெரிவித்துள்ளனர்.அல்வாய் வடக்கு றோ.க.த.க. வில் கல்வி பயிலும் இந்த மாணவியின் சடலம் நேற்று இரவு அவரது வீட்டுக்கு அண்மையில் கண்டுபிடிக்கப்பட்டதாகப் பொலிஸார் மேலும் கூறினர்.சக்கோட்டை பழைய வேதக் கோயிலடிக்கு அண்மையில் உள்ள வீடொன்றில் இருந்தே அவரது சடலம் கண்டுபிடிக்கப்பட்டதாகத் தெரிவிக்கப்பட்டது.

மாணவி தனது வீட்டுக்கு அண்மையில் வைத்து இனந்தெரியாதோரால் கடத்தப்பட்டு பாலியல் இம்சைக்கு உள்ளாக்கப்பட்ட பின்னரே கொல்லப்பட்டுள்ளதாக சந்தேகம் வெளியிடப்பட்டுள்ளது.

சம்பவ இடத்துக்கு உடனடியாக விரைந்த பருத்தித்துறைப் பொலிஸாரும் இராணுவத்தினரும் விசாரணைகளை மேற்கொண்டிருந்தனர்.மாணவியின் சடலம் நேற்று இரவு வரை சம்பவ இடத்திலே இருந்ததாகக் கூறப்பட்டது.மாணவி கடத்தப்பட்டுப் பாலியல் இம்சைக்கு உட்படுத்தப்பட்டாரா என்பதனை உறுதிப்படுத்த முடியவில்லை.இந்தச் சம்பவம் தொடர்பாக பருத்தித்துறை குற்றப் புலனாய்வுப் பிரிவுப் பொறுப்பதிகாரியிடம் தொடர்பு கொண்டு கேட்டபோது மாணவியின் சடலம் மீட்கப்பட்டதை உறுதிப்படுத்திய அவர் மாணவி பாலியல் இம்சைக்கு உட்படுத்தப்பட்ட பின்னர் கொல்லப்பட்டாரா என்பதை இப்போது உறுதியாக கூறமுடியாது எனத் தெரிவித்தார்.இந்தச் சம்பவம் தொடர்பாக கொல்லப்பட்ட மாணவியின் உறவினர் ஒருவர் தெரிவித்ததாவது:மாணவி டிலக்சனா அவரது வீட்டுக்கு மிக அருகில் வைத்தே கடத்தப்பட்டுள்ளார். சக்கோட்டைப் பழைய வேதக் கோயிலடிக்கு அருகில் அவரது வீடு உள்ளது. வீட்டில் இருந்த மாணவியின் தாயும் தகப்பனும் அலுவல் நிமித்தம் வெளியே சென்று விட்டனர். இந்த வேளையில் மாணவி அயலில் உள்ள ஆலயம் ஒன்றில் வழிபாட்டில் ஈடுபட்டுவிட்டு வீட்டுக்குத் திரும்பினார்.

மாலை 6.30 முதல் மாலை 6.45 மணி வரையான இடைப்பட்ட நேரத்திலேயே இந்தச் சம்பவம் இடம்பெற்றிருக்க வேண்டும். வீட்டுக்கு மிக அருகில் வைத்து மாணவியை யாரோ கடத்திச் சென்றுள்ளனர். கடத்தப்பட்ட அவர் அருகில் உள்ள ஆட்களற்ற வீடொன்றில் வைத்துக் கொலை செய்யப்பட்டுள்ளார் மாணவியின் உடலெங்கும் நகக்கீறல் காயங்கள் காணப்பட்டன. அவரது ஆடைகளும் கலைந்திருந்தன. அவர் பாலியல் இம்சைக்கு உட்படுத்தப்பட்டாரா என்பது தெரியாது.அலுவல் முடிந்து வீடு திரும்பிய தாயும் தகப்பனும் மாணவியை காணாது தேடியுள்ளனர். இந்த வேளையிலேயே அவரது சடலம் அருகிலுள்ள வீடொன்றில் இருந்தமை தெரியவந்தது.இதனை அடுத்து அப்பகுதியில் பெரும் பரபரப்பும் பதற்றமும் ஏற்பட்டது. சம்பவத்தை கேள்வியுற்று பொலிஸாரும் படையினரும் அங்கு வந்து குவிந்தனர். என்றார்.

மாணவி பாலியல் இம்சைக்கு உட்படுத்தப்பட்ட பின்னர் கொல்லப்பட்டாரா என்ற கோணத்தில் பருத்தித்துறைப் பொலிஸார் விசாரணைகளை மேற்கொண்டனர். எனினும் இந்தச் சம்பவத்துடன் தொடர்புடைய எவரும் நேற்றிரவு 10.30 மணிவரை கைது செய்யப்படவில்லை எனவும் பொலிஸார் கூறினர்.

2012-02-07T20:47:00.003+11:00

சிறுபான்மை மக்களின் அதிகாரத்தைப் பறிக்கும் அரசின் முயற்சிக்கு கிழக்கு மாகாண சபை துணைபோகாது என்பதை உலகறியச் செய்யுங்கள்!!!!!!பத்மநாபா ஈழமக்கள் புரட்சிகரவிடுதலைமுன்னணி இரா.துரைரெத்தினம் தெரிவித்துள்ளார்

நாடு, நகர திருத்தச் சட்டத்திற்கு ஆதரவாக வாக்களித்தால் மக்கள் எதிர்காலத்தில் அவர்களை நிராகரிப்பார்கள் என்பது உறுதி என்று கிழக்கு மாகாண சபை உறுப்பினர் இரா.துரைரெத்தினம் தெரிவித்துள்ளார்.கிழக்கு மாகாண சபையில் எதிர்வரும் 13 ஆம் திகதி நடைபெறவுள்ள நாடு, நகரத் திட்டமிடல் திருத்தக் கட்டளைச் சட்ட வாக்களிப்பு குறித்து அவர் மாகாண சபையின் மக்கள் பிரதி நிதிகளுக்கு என்ற தலைப்பில் விடுத்துள்ள அறிக்கை ஒன்றிலேயே இதனைத் தெரிவித்துள்ளார்.மாகாண சபைக்கு வழங்கப்பட வேண்டிய அதிகாரத்தை மத்திய அரசு புத்தசாசன மற்றும் மத அலுவல்கள் அமைச்சின் கீழ் கொண்டு வந்து மாகாண மட்டத்தில் மத்திய அரசின் பிடியை வைத்துக் கொள்வதற்காக கடந்த மாதம் 31 ஆம் திகதி செவ்வாய்க்கிழமை 269 ஆம் அத்தியாயமான நாடு நகரத் திட்டமிடற் கட்டளைச் சட்டத்தை திருத்துவதற்கானதொரு சட்ட மூலம் கிழக்கு மாகாண ஆளுநர் ஊடாக கிழக்கு மாகாண சபைக்கு திருத்தத்திற்காக சமர்ப்பிக்கப்பட்டுள்ளது.இவை கட்சித் தலைவர்களால் ஒத்திவைக்கப்பட்டு மீண்டும் சபா நாயகர் எதிர்வரும் 13.2.2012 சபைக்கு சமர்ப்பிக்க உள்ளதாக அறிவித்துள்ளார். நாடு நகர திட்டமிடல் கட்டளைச் சட்டத்தை திருத்தவதற்கான சட்டமூலம் இது தொடர்பான வர்த்தமானி அரசினால் 17.10.2011 வெளியிடப்பட்டது. திருத்தத்தில் அமைச்சர் விருப்பத்தின் பேரில் ஏதேனும் மாநகர இடப்பரப்பினுள் நகர அபிவிருத்தி இடப்பரப்பினுள் அல்லது ஏதேனும் பெரு வழி வீதி அபிவிருத்தி இடப் பரப்பினுள் வாத்தமானியில் வெளியிடப்படும் கட்டளை மூலம், கட்டளைச் சட்டத்தின் குறிக்கோள்களுக்குப் பயன் கொடுப்பதற்காக வரையறுக்கப்பட்ட ஏதேனும் காணி இடப்பரப்பை,

(அ) இயற்கை வாழ் வசதிகளை பாதுகாப்பதற்காக ஒரு பாதுகாப்பு இடப்பரப்பாக,

(ஆ) இயற்கை சூழலை பேணுவதற்காகவும் சூழலினுள் இயற்கை அழகு வாய்ந்த இடங்களை பாதுகாப்பதற்காகவும் ஒரு பேணுதல் இடப்பரப்பாக அல்லது,

(இ)கட்டிட கலைசார், வரலாற்று முறையான பெறுமதி கொண்ட கட்டிடங்களை பேணுவதற்காக ஒரு கட்டிடக் கலைசார் அல்லது வரலாற்று மறையான இடப்பரப்பாக வெளிப்படுத்தலாம்.

இச் சட்டத்தின் சிங்கள, தமிழ் உரைகளுக்கு இடையே ஏதேனும் ஒவ்வாமை ஏற்படும் பட்சத்தில் சிங்கள உரையே மேலோங்கி நிற்றல் வேண்டும் என்று வர்த்த மானியில் அறிவிக்கப்பட்டுள்ளது.

கிழக்கு மாகாணத்தில் உள்ள காணிகளை தேசிய பௌதீக திட்டத்தின் பாதுகாப்பிற்காகவும் பேணல் இடப்பரப்புகள், கட்டிடக் கலைசார் அல்லது வரலாற்று முறையான இடப்பரப்புகள் என்ற வகையிலும் இத்துடன் புனித இடப்பரப்புகள் என்ற வகையிலும் சுவீகரிப்பதற்கு பௌத்த சாசன அமைச்சருக்கு அங்கீகாரம் வழங்கும் வகையிலேயே இந்த திருத்தச் சட்ட மூலம் கொண்டு வரப்பட உள்ளது. சிறுபான்மையினர் பெருன்பான்மையாக வாழும் வடக்கு,கிழக்கு மாகாணத்திற்கு காணி அதிகாரம் தேவை என்ற கருத்து ஓங்கி ஒலித்துக் கொண்டிருக்கிறது. அதிகாரம் தேவை என சர்வதேச ரீதியாக விழிப்படைந்த நிலையில் இலங்கையில் பேச்சுவார்த்தை நடந்து வருகிறது.சிறுபான்மையினராகிய நாங்கள் கிழக்கு மாகாண சபைக்கு மக்கள் பிரதிநிதியாக தெரிவு செய்யப்பட்டு மாகாண சபைக்கு அதிகாரம் பெறுவோம் என மக்களிடம் வாக்கை பெற்றுள்ளோம். இவ்வேளையில் மீண்டும் மீண்டும் மத்திய அரசு அதிகாரத்தை சட்ட ரீதியாக பெற்று சிறுபான்மையினராகிய தமிழ் பேசும் எம்மை பலவீனப்படுத்துவதற்காக மேற்கொள்ளப்படும் சதி திட்டத்திற்கும் எமக்கு தேவையென இருக்கும் ஒரு சிலவற்றையும் மத்திய அரசிற்கு தாரை வார்த்து கொடுக்கத் துணைபோவதா?எதிர்வரும் 13 ஆம் திகதி கிழக்கு மாகாண சபையின் இடம்பெறும் குழு நிலை விவாதத்தின் போது இதற்கு எதிராக வாக்களித்து சிறுபான்மை மக்களுக்கான அதிகாரத்தை பெறுவதற்கு கிழக்கு மாகாண சபை பின் நிற்காது என்னும் செய்தியை உலகறியச் செய்ய வாக்களிக்க உறுதி பூணுவோமாக.எமது மக்களின் வலியை உணர்ந்தவர்களாகத் தான் மாகாண சபை உறுப்பினர்கள் உள்ளனர். இதையும் மீறி எவராவது சார்பாக வாக்களிப்பாளர்களாக இருந்தால் இவர்களை மக்கள் எதிர்காலத்தில் நிராகரிப்பார்கள் இது திண்ணம் என அவர் குறிப்பிட்டுள்ளார்.

2012-02-07T20:37:00.000+11:00

வைகை அணையிலிருந்து இன்று நீர் திறக்கப்படும் என்று முதல்வர் ஜெயலலிதா அறிவித்துள்ளார்!!!!!

இதுகுறித்து முதல்வர் ஜெயலலிதா விடுத்துள்ள அறிக்கையில், தேனி மாவட்டத்தில் உள்ள வைகை அணையிலிருந்து மதுரை, சிவகங்கை மற்றும் இராமநாதபுரம் மாவட்டங்களில் உள்ள வைகை பூர்வீக பாசனப் பகுதிகளுக்கு சாகுபடிக்காக தண்ணீர் திறந்து விடுமாறு வேளாண்பெருங்குடி மக்களிடமிருந்து எனக்கு கோரிக்கைகள் வந்துள்ளன.வேளாண் பெருமக்களின் வேண்டுகோளினை ஏற்று, மதுரை, சிவகங்கை மற்றும் இராமநாதபுரம் மாவட்டங்களில் உள்ள பூர்வீக பாசனப் பகுதிகளுக்கு பாசனத்திற்காக வைகை அணையிலிருந்து இன்று (7.2.2012) முதல் தண்ணீர் திறந்துவிட உத்தரவிட்டுள்ளேன். இதனால், மதுரை, சிவகங்கை மற்றும் இராமநாதபுரம் மாவட்டங்களில் உள்ள 1,36,109 ஏக்கர் நிலங்கள் பாசன வசதி பெறும் என்பதை நான் மகிழ்ச்சியுடன் தெரிவித்துக் கொள்கிறேன்" தெரிவிக்கப்பட்டுள்ளது.

2012-02-07T20:34:00.000+11:00

மாலைதீவு ஜனாதிபதி மொஹமட் நஷீட் தனது பதவியை இராஜினாமா செய்துள்ளார்!!!!!

ஜனாதிபதிக்கெதிரான எதிர்க்கட்சியினரின் ஆர்ப்பாட்டத்தில் பொலிஸாரும் இணைந்தமையானது பெரும் பதற்றத்தை ஏற்படுத்தியது. இதனால் அங்கு இராணுவத்தினருக்கும் பொலிஸாருக்கும் இடையில் மோதல் இடம்பெற்று வருவதாகவும் ஆரம்பத்தில் தெரிவிக்கப்பட்டது. இந்நிலையிலேயே நஷீட் தனது பதவியை இராஜினாமா செய்துள்ளதாகத் தெரிவிக்கப்படுகின்றது. அந்நாட்டின் உச்ச நீதிமன்றமொன்றின் நீதிபதியொருவரைக் கைது செய்யுமாறு அந்நாட்டின் ஜனாதிபதி மொஹமட் நஷீட் விடுத்த உத்தரவைத் தொடர்ந்தே அங்கு ஆர்ப்பாட்டங்கள் இடம்பெற்று வந்தன. குறித்த நீதிபதி அந்நாட்டின் முன்னாள் ஜனாதிபதி மஹுமூன் அப்துல் கயூமிற்கு ஆதரவாக செயற்படுவதுடன் அங்கு அரசியல் ஸ்திரமற்ற தன்மையை உருவாக்க முயற்சிக்கின்றார் என்ற குற்றச்சாட்டின் பேரிலேயே அவர் கைது செய்யப்பட்டார். இதேவேளை அரசுக்கெதிரான ஆர்ப்பாட்டத்தில் ஈடுபட்ட பொலிஸார் அந்நாட்டு அரச தொலைக்காட்சியைத் தமது கட்டுப்பாட்டுக்குள் கொண்டுவந்ததுடன் மக்களை வீதிகளில் இறங்கி போராடுமாறு வலியுறுத்தியிருந்தமை குறிப்பிடத்தக்கது.

2012-02-07T18:07:00.004+11:00

சென்னை சூளைமேட்டில் நடந்த துப்பாக்கி சூடு சம்பவத்துக்கு நான் தார்மீக பொறுப்பு ஏற்றுக் கொள்கிறேன். புதிய தலைமுறை தொலைக்காட்சிக்கு டக்ளஸ் தேவானந்தா சிறப்புப் பேட்டி!!!!!!!
http://www.nakkheeran.in/users/frmNews.aspx?N=70058

ஈழம் மக்கள் புரட்சிகர விடுதலை முன்னணி (இ.பி.ஆர்.எல்.எப்) தலைவராக இருந்தவர் டக்ளஸ் தேவானந்தா. இலங்கையில் புலிகளுக்கு எதிராக தனிக்குழுவாக செயல்பட்டு வந்த இவர்கள் 1980களில் சென்னை வந்து தங்கி இருந்தனர்.1986-ம் ஆண்டு நவம்பர் 1-ந்தேதி சென்னை சூளை மேட்டில் ஒரு அடுக்குமாடி குடியிருப்பில் தங்கி இருந்த இ.பி.ஆர்.எல்.எப்.பைச் சேர்ந்தவர்களுக்கும், பொது மக்களுக்கும் தகராறு ஏற்பட்டது. அப்போது இ.பி.ஆர்.எல்.எப்.பைச் சேர்ந்தவர்கள் சுட்டதில் வாலிபர் ஒருவர் பலியானார். 4 பேர் காயம் அடைந்தனர். இது தொடர்பாக இ.பி.ஆர்.எல்.எப். தலைவர் டக்ளஸ் தேவானந்தாவும் அவருடைய கூட்டாளிகள் 9 பேரும் கைதானார்கள். அவர்கள் மீது போலீசார் வழக்கு தொடர்ந்தனர்.

பிறகு டக்ளஸ் தேவானந்தா ஜாமீனில் விடுதலை செய்யப்பட்டார். 1988-ல் சென்னை பூந்தமல்லி நெடுஞ்சாலையில் பணக்கார வீட்டு சிறுவன் ஒருவனை கடத்திச் சென்று டக்ளஸ் பல லட்சம் ரூபாய் பறிக்க முயன்றார். போலீசார் அந்த சிறுவனை மீட்டதோடு டக்ளஸ் தேவானந்தாவை கைது செய்தனர்.சென்னை போலீசில் டக்ளஸ் மீது மீண்டும் வழக்கு பதிவானது. இதற்கிடையே டக்ளஸ் கொலை முயற்சி ஒன்றில் ஈடுபட்டார். போலீசார் தேடுவதை அறிந்ததும் சென்னையில் இருந்து தப்பி இலங்கைக்கு சென்று விட்டார். டக்ளஸ் தேவானந்தாவுக்கு இலங்கையில் புலிகளுக்கு எதிராக செயல்பட்டார். அதற்கு பரிசாக அவருக்கு இலங்கை தொழில் துறை மந்திரி பதவி கிடைத்தது.இந்த நிலையில் சென்னை போலீஸ் நிலையங்களில் அவர் மீதான 3 வழக்குகளும் இன்னும் நிலுவையில் உள்ளன. இந்த வழக்குகளில் டக்ளசை கைது செய்ய சென்னை கோர்ட்டு பிடி வாரண்டு பிறப்பித்தது. இதனால் டக்ளஸ் சென்னை பக்கம் தலைகாட்டாமல் உள்ளார்.

இதற்கிடையே புதிய தலைமுறை தொலைக்காட்சிக்கு டக்ளஸ் தேவானந்தா சிறப்புப் பேட்டி அளித்தார். அப்போது அவர், சென்னை சூளைமேட்டில் நடந்த துப்பாக்கி சூடு சம்பவத்துக்கு நான் தார்மீக பொறுப்பு ஏற்றுக் கொள்கிறேன். துப்பாக்கி சூட்டை நடத்தியது இ.பி.ஆர்.எல்.எல்.பைச் சேர்ந்தவர்கள் என்பதால், அதற்கு நான் தான் பொறுப்பாகும் என்றார்.சென்னை போலீஸ் நிலையங்களில் உள்ள வழக்கு பற்றி அவர் கூறுகையில், அந்த வழக்குகளை சட்டப்படி சந்திக்க நான் தயாராக உள்ளேன். ஆனால் இந்த பழைய விவகாரத்தை சிலர் அரசியல் லாபத்துக்காக மீண்டும் கிளப்பியுள்ளனர் என்றார்.
http://www.nakkheeran.in/users/frmNews.aspx?N=70058

2012-02-07T17:55:00.001+11:00

ஜனாதிபதி மஹிந்த ராஜபக்ஷவிற்கு மக்கள் ஆதரவு.கிடைத்துள்ளது.தடங்கலின்றி தீர்வை வழங்க முடியும் புளொட் அமைப்பின் தலைவர் த.சித்தார்த்தன்!!!!!!!!!

நல்லிணக்க ஆணைக்குழுவின் பரிந்துரைகள் அமுல் செய்யப்படக் கூடாதென அரசாங்கத்தின் பங்காளிக் கட்சியான ஜாதிகஹெல உறுமய கூறியிருப்பது தொடர்பாக கருத்து தெரிவிக்கையிலேயே புளொட் அமைப்பின் தலைவர் த.சித்தார்த்தன் இவ்வாறு தெரிவித்தார்.

இது தொடர்பாக அவர் மேலும் தெரிவித்ததாவது, நல்லிணக்க ஆணைக்குழுவின் அறிக்கையானது பக்கச் சார்பில்லாது அனைத்து தரப்பினரது தவறுகளையும் சுட்டிக்காட்டியுள்ளதோடு அதற்கான பரிந்துரைகளையும் வழங்கியுள்ளது. ஜனாதிபதியே நல்லிணக்க ஆணைக்குழுவை நியமித்தார். எனவே இதன் பரிந்துரைகளை நடைமுறைப்படுத்த வேண்டியது கட்டாயமாகும். எனவே பேரினவாத கடும் போக்காளர்களின் பிடிக்குள் ஜனாதிபதி சிக்கிவிடலாகாது.அவ்வாறு சிக்குவாரானால் பாதிக்கப்பட்ட தமிழ் மக்கள் சர்வதேசத்தின் உதவியை கோரும் நிலைக்கு தள்ளப்படுவார்கள். இது தவிர்க்க முடியாத தார்மீகக் கட்டாயமாகும்.

இவ்வாறானதோர் சூழ்நிலையில் நாட்டுக்குள் சர்வதேசத்தின் தலையீடுகளை அதிகரிக்கும் அப்போது சர்வதேசம் தலையிடுகிறதே எனக் கூச்சலிடுவதால் பலனில்லை. எனவே நாமாகவே எமது பிழைகளை திருத்திக் கொள்ள வேண்டும். விசேடமாக ஜனாதிபதிக்கு 18 இலட்சத்திற்கும் மேலான மக்கள் ஆதரவு உள்ளது. மூன்றிலிரண்டு பெரும் பான்மை கொண்ட அரசாங்கமும் உள்ளது. இதனால் தைரியமாக பேரினவாதிகளுக்கு அஞ்சாமல் தமிழ் மக்களின் பிரச்சினைகளுக்கு தீர்வு வழங்க முடியும். அதேபோன்று நல்லிணக்க ஆணைக் குழுவின் பரிந்துரைகளையும் நடைமுறைப்படுத்த முடியும். பரிந்துரைகளை நடைமுறைப்படுத்தும் போது விசேடமாக உயிரிழந்தவர்கள் மற்றும் பாதிக்கப்பட்டோர் தொடர்பில் அதிக கவனம் செலுத்தப்பட வேண்டும். அவர்களுக்கு நஷ்ட ஈடுகள் நிவாரணங்களை வழங்குவதற்கு முன்னுரிமை வழங்கப்பட வேண்டும். தொடர்ந்தும் பேரினவாத கடும் போக்காளர்களுக்கு அஞ்சி பிரச்சினைகளை தீர்க்காவிட்டால் சமாதானம் தொலைந்து போகும். நாடு அதே இடத்திலேயே இருக்கும் பொருளாதார அபிவிருத்தியை நோக்கி நகராது என்றார்

2012-02-07T17:31:00.009+11:00

யாழ்குடா மக்களுக்கு நீச்சல் தடாகம் அதிமுக்கிய.தேவைகளில்ஒன்று.யாழ் மத்திய கல்லூரி வளாகத்தில் நீச்சல் தடாகத்தை ஜனாதிபதி மகிந்தராஜபக்சதிறந்துவைத்தார்!!!!!!!

யாழ் மத்திய கல்லூரி வளாகத்தில் இளைஞர்களுக்கான நாளை அமைப்பினால் புதிதாக அமைக்கப்பட்ட நீச்சல் தடாகத்தை ஜனாதிபதி மகிந்த ராஜபக்ச அவர்கள் சம்பிரதாயப்பூர்வமாக திறந்துவைத்தார்.விளையாட்டுத் துறையை கிராமத்திற்கு கொண்டு செல்கின்ற மகிந்த சிந்தனை வேலைத்திட்டத்தின் பிரகாரம் இளைஞர்களுக்கான நாளை அமைப்பினால் மத்திய கல்லூரியில் அமைக்கப்பட்ட நீச்சல் தடாகத்தையே ஜனாதிபதி அவர்கள் இன்றைய தினம் திறந்து வைத்தார்.

கல்லூரி அதிபர் எழில்வேந்தன் தலைமையில் நடைபெற்ற இந்த நிகழ்வில் பாரம்பரிய கைத்தொழில்கள் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா அவர்கள் உரையாற்றும் போது இந்த நீச்சல் தடாகத்தை அமைப்பதில் பெரும் பங்காற்றிய இளைஞர்களுக்கான நாளை அமைப்பின் தலைவர் நாடாளுமன்ற உறுப்பினர் நாமல் ராஜபக்ச அவர்களுக்கு மக்களின் சார்பில் எனது நன்றிகைளத் தெரிவித்துக் கொள்கின்றேன். அந்த வகையில் இன்றைய நாள் ஒரு பொன்னான நாள் என்பதுடன் தொடர்ந்தும் இவ்வாறான அபிவிருத்திப் பணிகளை கல்வித்துறையில் மட்டுமல்ல பல்வேறு துறைகளிலும் முன்னெடுக்கப்படுமென்றும் சுட்டிக் காட்டினார்.

அங்கு ஜனாதிபதி மகிந்த ராஜபக்ச அவர்கள் உரையாற்றும் போது இலங்கையில் மும்மொழி வேலைத்திட்டத்தை ஆரம்பித்து உள்ளோம். இந்த நாட்டில் உள்ள எல்லாப் பிள்ளைகளும் ஆங்கிலம் தமிழ் சிங்களம் ஆகிய மொழிகளைப் பயில வேண்டும்.உங்களுடைய பெற்றோர்களை மறந்து விடாதீர்கள். அதேபோல் இந்த நாட்டையும் மறந்து விடாதீர்கள். படிப்பு மட்டும் போதாது. நல்ல மனிதநேயமிக்க தேசபக்தியுள்ள மாணவர் சமுதாயம் யாழ். மண்ணில் உருவாக வேண்டும்.உங்கள் பாடசாலையில் படித்தவர்கள் நல்ல நிலையில் உள்ளனர். நீங்களும் அதேபோல உருவாக வேண்டும். குறிப்பாக எதிர்வீரசிங்கம் போல பலர் உருவாக வேண்டும். இலங்கை சர்வதேச அணியிலும் இக்கல்லூரி மாணவர்கள் இடம்பிடிக்க வேண்டும். கொழும்பில் உள்ள பாடசாலைகளில் உள்ள அனைத்து வசதி வாய்ப்புக்களையும் கிராமப்புற பாடசாலைகளில் ஏற்படுத்திக் கொடுத்து அந்த மாணவர்களின் ஆளுமையை விருத்தி செய்வது எமது கடமை.

இன்று கொழும்பு விசாக்கா வித்தியாலய மாணவிகள் இங்கு வந்து தமது திறமைகளை வெளிப்படுத்தியது போல் இனிவரும் காலங்களில் இங்குள்ள மாணவர்களும் கொழும்பில் வந்து இதைவிட திறமையாக தங்களது ஆற்றல்களை வெளிப்படுத்த வேண்டும் எனவும் கேட்டுக் கொண்டார். இந்த யாழ். மத்திய கல்லூரியின் பழைய மாணவரான டக்ளஸ் தேவானந்தா இன்று அமைச்சராக இருக்கிறார். இவரைப் போன்று பல தலைவர்களை யாழ் மத்திய கல்லூரி உருவாக்க வேண்டும் என ஜனாதிபதி அவர்கள் மேலும் தெரிவித்துள்ளார்.

2012-02-06T18:00:00.002+11:00

சிவனொளிபாதமலை யாத்திரையில் ஈடுபடும் பொதுமக்கள் பாதுகாப்பு உள்ளிட்ட தேவைகளுக்கு இந்த அவசர தொலைபேசி இலக்கங்கள்!!!!!!

சிவனொளி பாதமலைக்குச் செல்லும் யாத்திரீகர்களின் எண்ணிக்கை அதிகரித்துள்ளதால் ஒரு வழி போக்குவரத்துக்களைப் பயன்படுத்துமாறு சிவனொளிபாதமலைக்குச் செல்லும் வாகன சாரதிகளுக்கு அறிவுறுத்தல் வழங்கப்பட்டுள்ளன. இதன் படி கினிகத்தேனை வழியாக சிவனொளிபாதமலைக்குச் செல்கின்ற வாகனங்கள் தியகல ,வட்டவளை , அட்டன் ,நோர்வூட் ,மஸ்கெலியா வழியாக நல்லதண்ணிக்குச் செல்லுமாறும் சிவனொளிபாதமலைக்குச் சென்று வருகின்றவர்கள் நல்ல தண்ணியிலிருந்து நோட்டன் வழியாக தியகல சந்தியின் ஊடாகப் போக்குவரத்துக்களை மேற்கொள்ளமாறும் அறிவுறுத்தப்பட்டுள்ளனர். இந்த நிலையில் சிவனொளிபாதமலை யாத்திரையை மேற்கொள்ளும் பக்தர்களின் பாதுகாப்புக் கருதி மூன்று அவசர தொலைபேசி இலக்கங்கள் அறிமுகப்படுத்தப்பட்டுள்ளன. அட்டன் - நல்லத்தண்ணி வீதியில் உள்ள 3 பொலிஸ் சோதனை நிலையங்களின் தொலைபேசி இணைப்புகளின் இலக்கங்கள் வழங்கப்பட்டுள்ளன.

சிவனொளிபாதமலை யாத்திரையில் ஈடுபடும் பொதுமக்கள் பாதுகாப்பு உள்ளிட்ட தேவைகளுக்கு இந்த அவசர தொலைபேசி இலக்கங்கள் ஊடாக பொலிஸாரின் உதவிகளைப் பெற்றுக்கொள்ள முடியும். இதனடிப்படையில், கங்குலேதென்ன பொலிஸ் சோதனை நிலையத்துக்கு 0513-526660 என்ற தொலைபேசி இலக்கத்துடனும் ரத்துஅம்பலம பொலிஸ் சோதனை சாவடிக்கு 0513-526661 என்ற இலக்கத்துடனும், 0513-526662 என்ற தொலைபேசி இலக்கத்துடன், இந்திகட்டுபான பொலிஸ் சோதனை சாவடியுடனும் தொடர்பு கொள்ள முடியும் என்று நுவரெலியா மாவட்ட அரசாங்க அதிபர் டி.பி.ஜி.குமாரசிறி அறிவித்துள்ளார். இதே வேளை கடந்த மூன்று நாட்களுள் சிவனொளி பாதமலைக்கு மூன்று இலட்சத்துக்கும் மேற்பட்ட யாத்திரீகர்கள் வருகை தந்துள்ளதோடு இந்த எண்ணிக்கை மேலும் அதிகரிப்பதற்கான வாய்ப்பு ஏற்பட்டுள்ளது.

2012-02-06T17:56:00.000+11:00

ஐரோப்பாவெங்கும் நிலவும் கடும் பனியுடன் கூடிய குளிர்கால நிலையால் போக்குவரத்துகள் பெரிதும் பாதிக்கப்பட்டுள்ளன!!!!!!

விமான நிலையங்கள் மூடப்பட்டுள்ளதுடன் புகையிரத சேவைகளும் இரத்துச் செய்யப்பட்டுள்ளன. மேலும் பொதுப் போக்குவரத்துகளும் ஸ்தம்பிதமடைந்துள்ளன.கடந்த பல தசாப்த காலங்களில் ஏற்பட்டிராத இந்த மோசமான பனிப் பொழிவால் 200 க்கு மேற்பட்டவர்கள் உயிரிழந்துள்ளனர். லண்டன் ஹீத்ரோ விமான நிலையத்தில் 30 சதவீதமான விமான சேவைகள் இரத்துச் செய்யப்பட்டுள்ளதுடன் நெதர்லாந்தின் அம்ஸ்டர்டாம் நகரிலுள்ள சிபோல் விமான நிலையத்தில் சேவைகள் தாமதமாயின. பனிப் பொழிவால் மிகவும் மோசமாக பாதிக்கப்பட்டுள்ள உக்ரேனில் குறைந்தது 122 பேர் உயிரிழந்துள்ளனர்.அங்கு -38 பாகை செல்சியஸ் அளவான குறைந்த வெப்ப நிலை நிலவுகிறது. அந்நாட்டில் ஆயிரக்கணக்கானோர் வீடு வாசல்களை விட்டு இடம்பெயர்ந்து தற்காலிக கூடாரங்களில் வாழும் நிலைக்குத் தள்ளப்பட்டுள்ளனர்.-27 பாகை செல்சியஸ் அளவான வெப்ப நிலை நிலவும் போலந்தில் குறைந்தது 45 பேர் பலியாகியுள்ளனர்.

ரோமானியாவில் கடும் குளிரால் பலியானவர்கள் தொகை 28 ஆக உயர்ந்துள்ளது. கடும் பனிப் பொழிவு காரணமாக பொஸ்னியா, லத்வியா, லிதுவேனியா, எஸ்தேனியா, பல்கேரியா, செக் குடியரசு, இத்தாலி, ஸ்லோவாக்கியா, பிரான்ஸ், ஒஸ்திரியா, கிறீஸ் ஆகிய நாடுகளிலும் உயிரிழப்புகள் இடம்பெற்றுள்ளன. இத்தாலிய தலைநகரான ரோமில் கடந்த 25 வருட காலத்தில் இல்லாத மோசமான பனிப் பொழிவு இடம்பெற்றுள்ளது. வெனிஸிலுள்ள பல கால்வாய்கள் உறைய ஆரம்பித்துள்ளன. பொஸ்னிய தலைநகர் சரஜீவோஸில் பனிப் பொழிவால் நாளாந்த செயற்பாடுகள் ஸ்தம்பிதமடைந்ததையடுத்து அங்கு அவசரகால நிலைமை பிரகடனப்படுத்தப்பட்டுள்ளது. மொன்ரேனேக்ரோ, சேர்பியா மற்றும் குரோஷியாவில் கடும் பனிப் பொழிவால் அனைத்து பிரதேசங்களும் துண்டிக்கப்பட்டுள்ளன. பிரித்தானியாவின் பல பகுதிகளில் சனிக்கிழமை இரவு இடம்பெற்ற கடும் பனிப் பொழிவால் தெரு, புகையிரத மற்றும் விமானப் போக்குவரத்துக்கள் பாதிக்கப்பட்டுள்ளன.